ਚੰਡੀਗੜ੍ਹ, 24 ਮਈ (ਮਾਰਕੰਡਾ)- ਪੋਸਟ ਗ੍ਰੈਜੂਏਟ ਇੰਸਟੀਚਿਊਟ ਆਫ਼ ਮੈਡੀਕਲ ਐਜੂਕੇਸ਼ਨ ਐਂਡ ਰਿਸਰਚ ਚੰਡੀਗੜ੍ਹ ਦੀ ਇੱਕ ਬਹੁ-ਅਨੁਸ਼ਾਸਨੀ ਡਾਕਟਰੀ ਟੀਮ ਨੇ ਪਿੱਤੇ ਦੇ ਕੈਂਸਰ ਦੀ ਸਹੀ ਪਛਾਣ ਲਈ ਇੱਕ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (ਏ.ਆਈ.) ਅਧਾਰਤ ਮਾਡਲ ਵਿਕਸਤ ਕੀਤਾ ਹੈ | ਰੇਡੀਓਡਾਇਗਨੋਸਿਸ ਅਤੇ ਇਮੇਜਿੰਗ ਵਿਭਾਗ ਦੇ ਡਾ. ਪੰਕਜ ਗੁਪਤਾ ਦੀ ਅਗਵਾਈ ਹੇਠ ਕੀਤੀ ਗਈ ਇਹ ਖੋਜ 'ਦ ਲੈਂਸੇਟ ਰੀਜਨਲ ਹੈਲਥ' ਦੱਖਣ-ਪੂਰਬੀ ਏਸ਼ੀਆ ਵਿਚ ਪ੍ਰਕਾਸ਼ਿਤ ਹੋਈ ਹੈ | ਪਿੱਤੇ ਦੀ ਥੈਲੀ ਦਾ ਕੈਂਸਰ ਉੱਤਰੀ ਭਾਰਤ ਵਿਚ ਖਾਸ ਕਰਕੇ ਔਰਤਾਂ ਵਿਚ ਇੱਕ ਮਹੱਤਵਪੂਰਨ ਜਨਤਕ ਸਿਹਤ ਚਿੰਤਾ ਹੈ | ਪਿੱਤੇ ਦੀ ਪੱਥਰੀ ਇੱਕ ਆਮ ਸਥਿਤੀ ਦੌਰਾਨ ਕੈਂਸਰ ਲਈ ਸਭ ਤੋਂ ਵੱਡੇ ਜੋਖ਼ਮ ਕਾਰਕਾਂ ਵਿਚੋਂ ਇੱਕ ਹੈ | ਬਦਕਿਸਮਤੀ ਨਾਲ ਪਿੱਤੇ ਦੀ ਥੈਲੀ ਦੇ ਕੈਂਸਰ ਦਾ ਪਤਾ ਅਕਸਰ ਲਾਸਟ ਸਟੇਜ਼ ਉਪਰ ਜਾ ਕੇ ਹੀ ਲੱਗਦਾ ਹੈ | ਇਸ ਮੌਕੇ ਇਲਾਜ ਦੇ ਵਿਕਲਪ ਸੀਮਤ ਹੁੰਦੇ ਹਨ ਜਿਸ ਨਾਲ ਮਰੀਜ਼ਾਂ ਦੇ ਨਤੀਜਿਆਂ ਨੂੰ ਬਿਹਤਰ ਬਣਾਉਣ ਲਈ ਸ਼ੁਰੂਆਤੀ ਨਿਦਾਨ ਮਹੱਤਵਪੂਰਨ ਹੋ ਜਾਂਦਾ ਹੈ | ਇਸ ਚੁਣੌਤੀ ਨੂੰ ਹੱਲ ਕਰਨ ਲਈ ਟੀਮ ਨੇ ਇੱਕ ਵਿਸ਼ੇਸ਼ ਏ.ਆਈ. ਮਾਡਲ ਵਿਕਸਤ ਕੀਤਾ | ਰਵਾਇਤੀ ਏ.ਆਈ. ਮਾਡਲਾਂ ਦੇ ਉਲਟ ਜੋ ਇਕ ਸਿੰਗਲ ਚਿੱਤਰ ਦਾ ਵਿਸ਼ਲੇਸ਼ਣ ਕਰਦੇ ਹਨ | ਇਹ ਮਾਡਲ ਇੱਕੋ ਮਰੀਜ਼ ਤੋਂ ਕਈ ਅਲਟਰਾਸਾਊਾਡ ਚਿੱਤਰਾਂ ਨੂੰ ਸਵੀਕਾਰ ਕਰਦਾ ਹੈ ਤੇ ਇੱਕ ਏਕੀਕਿ੍ਤ ਨਿਦਾਨ ਪ੍ਰਦਾਨ ਕਰਦਾ ਹੈ | ਇਸ ਨਾਲ ਕੈਂਸਰ ਜਾਂ ਗੈਰ-ਕੈਂਸਰ ਵਿਸ਼ਵਾਸ ਪੱਧਰ ਨੂੰ ਦਰਸਾਉਣ ਵਾਲੇ ਇਕ ਸੰਭਾਵਨਾ ਸਕੋਰ ਬਣ ਕੇ ਸਾਹਮਣੇ ਆਉਂਦਾ ਹੈ | ਡਾਕਟਰੀ ਪਹੁੰਚ ਇਹ ਦਰਸਾਉਂਦੀ ਹੈ ਕਿ ਰੇਡੀਓਲੋਜਿਸਟ ਅਸਲ ਕਲੀਨਿਕਲ ਅਭਿਆਸ ਵਿਚ ਕਿਵੇਂ ਕੰਮ ਕਰਦੇ ਹਨ ਜਿੱਥੇ ਉਹ ਨਿਦਾਨ ਕਰਨ ਤੋਂ ਪਹਿਲਾਂ ਕਈ ਚਿੱਤਰਾਂ ਦੀ ਸਮੀਖਿਆ ਕਰਦੇ ਹਨ | ਏ.ਆਈ. ਮਾਡਲ ਇਹ ਵੀ ਉਜਾਗਰ ਕਰਦਾ ਹੈ ਕਿ ਅਲਟਰਾਸਾਊਾਡ ਚਿੱਤਰਾਂ ਦੇ ਕਿਹੜੇ ਖੇਤਰਾਂ ਨੇ ਇਸਦੇ ਫ਼ੈਸਲੇ ਨੂੰ ਪ੍ਰਭਾਵਿਤ ਕੀਤਾ | ਡਾਕਟਰਾਂ ਨੂੰ ਖੋਜਾਂ ਨੂੰ ਸਮਝਣ ਅਤੇ ਪ੍ਰਮਾਣਿਤ ਕਰਨ ਵਿਚ ਮਦਦ ਕਰਦੇ ਹਨ | ਮਾਡਲ ਦੀ ਜਾਂਚ ਉੱਤਰੀ ਭਾਰਤ ਦੇ ਚਾਰ ਹਸਪਤਾਲਾਂ ਦੇ ਮਰੀਜ਼ਾਂ 'ਤੇ ਕੀਤੀ ਗਈ ਸੀ | ਵਿਗਿਆਨਕ ਭਾਈਚਾਰੇ ਵਿਚ ਇਕ ਮਹੱਤਵਪੂਰਨ ਯੋਗਦਾਨ ਪਾਉਂਦੇ ਹੋਏ, ਟੀਮ ਦੇ ਇਕ ਕੰਪਿਊਟਰ ਵਿਗਿਆਨੀ ਕਾਰਤਿਕ ਬੋਸ ਨੇ ਡਾ. ਪੰਕਜ ਗੁਪਤਾ ਦੀ ਅਗਵਾਈ ਹੇਠ ਇੱਕ ਉਪਭੋਗਤਾ-ਅਨੁਕੂਲ ਕੰਪਿਊਟਰ ਐਪਲੀਕੇਸ਼ਨ ਵਿਕਸਤ ਕੀਤੀ | ਇਹ ਐਪਲੀਕੇਸ਼ਨ ਦੇਸ਼ ਭਰ ਦੇ ਖੋਜਕਰਤਾਵਾਂ ਤੇ ਡਾਕਟਰਾਂ ਲਈ ਮੁਫ਼ਤ ਵਿਚ ਪਹੁੰਚਯੋਗ ਬਣਾਈ ਗਈ ਹੈ | ਇਸਦਾ ਉਦੇਸ਼ ਇਸ ਮਹੱਤਵਪੂਰਨ ਕੈਂਸਰ ਦੀ ਖੋਜ ਦਰਾਂ 'ਤੇ ਵਿਆਪਕ ਪ੍ਰਭਾਵ ਪ੍ਰਾਪਤ ਕਰਨਾ ਹੈ | ਖਾਸ ਕਰਕੇ ਉਨ੍ਹਾਂ ਖੇਤਰਾਂ ਵਿਚ ਜਿੱਥੇ ਮਾਹਿਰ ਮੁਹਾਰਤ ਦੀ ਘਾਟ ਹੈ |
