ਟਰਾਲੇ ’ਚੋਂ ਰਿੰਮਾਂ ਸਮੇਤ 8 ਟਾਇਰ ਚੋਰੀ
ਲਾਲੜੂ, 11 ਅਗਸਤ (ਰਾਜਬੀਰ ਸਿੰਘ)-ਧਰਮਗੜ੍ਹ ਰੋਡ ‘ਤੇ ਸਥਿਤ ਸ਼ਿਵਜੋਤ ਕਾਲੋਨੀ ਵਿਖੇ ਚੋਰਾਂ ਨੇ ਰਾਤ ਸਮੇਂ ਇਕ ਟਰਾਲੇ ਨੂੰ ਨਿਸ਼ਾਨਾ ਬਣਾਉਂਦਿਆਂ ਰਿੰਮਾਂ ਸਮੇਤ 8 ਟਾਇਰ ਚੋਰੀ ਕਰ ਲਏ। ਪੁਲਿਸ ਨੇ ਟਰਾਲਾ ਚਾਲਕ ਦੀ ਸ਼ਿਕਾਇਤ ਦੇ ਆਧਾਰ ‘ਤੇ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਲਾਲੜੂ, 11 ਅਗਸਤ (ਰਾਜਬੀਰ ਸਿੰਘ)-ਧਰਮਗੜ੍ਹ ਰੋਡ ‘ਤੇ ਸਥਿਤ ਸ਼ਿਵਜੋਤ ਕਾਲੋਨੀ ਵਿਖੇ ਚੋਰਾਂ ਨੇ ਰਾਤ ਸਮੇਂ ਇਕ ਟਰਾਲੇ ਨੂੰ ਨਿਸ਼ਾਨਾ ਬਣਾਉਂਦਿਆਂ ਰਿੰਮਾਂ ਸਮੇਤ 8 ਟਾਇਰ ਚੋਰੀ ਕਰ ਲਏ। ਪੁਲਿਸ ਨੇ ਟਰਾਲਾ ਚਾਲਕ ਦੀ ਸ਼ਿਕਾਇਤ ਦੇ ਆਧਾਰ ‘ਤੇ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ‘ਚ ਸ਼ਿਵਜੋਤ ਕਾਲੋਨੀ ਨੇੜੇ ਰਹਿੰਦੇ ਪ੍ਰਦੀਪ ਕੁਮਾਰ ਪੁੱਤਰ ਪਰਮਜੀਤ ਸਿੰਘ ਨੇ ਦੱਸਿਆ ਕਿ ਉਹ ਟਰਾਲਾ ਚਲਾਉਂਦਾ ਹੈ। ਉਸ ਨੇ 3 ਅਗਸਤ ਦੀ ਰਾਤ ਨੂੰ ਆਪਣਾ ਟਰਾਲਾ ਕਾਲੋਨੀ ਦੇ ਸਾਹਮਣੇ ਖੜ੍ਹਾ ਕੀਤਾ ਸੀ ਅਤੇ ਅਗਲੀ ਸਵੇਰੇ ਜਦੋਂ ਉੱਠ ਕੇ ਦੇਖਿਆ ਤਾਂ ਟਰਾਲੇ ਦੇ ਰਿੰਮਾਂ ਸਮੇਤ 8 ਟਾਇਰ ਗਾਇਬ ਸਨ। ਉਸ ਨੇ ਆਪਣੇ ਪੱਧਰ ‘ਤੇ ਚੋਰੀ ਹੋਏ ਟਾਇਰਾਂ ਦੀ ਕਾਫ਼ੀ ਭਾਲ ਕੀਤੀ, ਪਰ ਕੋਈ ਸੁਰਾਗ ਨਹੀਂ ਮਿਲਿਆ।
