ਸੈਂਟਰਲ ਬੈਂਕ ਆਫ਼ ਇੰਡੀਆ ‘ ਭਾਰਤ ਕਨੈਕਟ ਫਾਰ ਬਿਜ਼ਨੈੱਸ ’ ਸ਼ੁਰੂ ਕਰਨ ਵਾਲਾ ਪਹਿਲਾ ਜਨਤਕ ਖੇਤਰ ਬੈਂਕ ਬਣਿਆ
ਚੰਡੀਗੜ੍ਹ, 11 ਸਤੰਬਰ (ਅ. ਬ.)
ਚੰਡੀਗੜ੍ਹ, 11 ਸਤੰਬਰ (ਅ.ਬ.)-ਸੈਂਟਰਲ ਬੈਂਕ ਆਫ਼ ਇੰਡੀਆ ‘ਭਾਰਤ ਕਨੈਕਟ ਫਾਰ ਬਿਜ਼ਨਸ’ ਸ਼ੁਰੂ ਕਰਨ ਵਾਲਾ ਪਹਿਲਾ ਜਨਤਕ ਖੇਤਰ ਦਾ ਬੈਂਕ (ਪੀ.ਐੱਸ.ਯੂ. ਬੈਂਕ) ਬਣ ਗਿਆ ਹੈ। ਸੈਂਟਰਲ ਬੈਂਕ ਆਫ਼ ਇੰਡੀਆ ਨੇ ਐੱਨਪੀਸੀਆਈ ਭਾਰਤ ਬਿਲਪੇ ਲਿਮਟਿਡ (ਐੱਨਬੀਬੀਐੱਲ) ਦੀ ਭਾਈਵਾਲੀ ਨਾਲ ‘ਭਾਰਤ ਕਨੈਕਟ ਫਾਰ ਬਿਜ਼ਨਸ’ ਨੂੰ ਲਾਂਚ ਕਰਨ ਵਾਲਾ ਪਹਿਲਾ ਜਨਤਕ ਖੇਤਰ ਦਾ ਬੈਂਕ ਬਣਨ ਦਾ ਮਾਣ ਹਾਸਲ ਕੀਤਾ ਹੈ। ਇਹ ਪਹਿਲਕਦਮੀ ਭਾਰਤ ਦੇ ਡਿਜੀਟਲ ਬੀਟੂਬੀ ਭੁਗਤਾਨ ਈਕੋਸਿਸਟਮ ਨੂੰ ਮਜ਼ਬੂਤ ਕਰਨ ਦੀ ਦਿਸ਼ਾ ਵਿੱਚ ਇੱਕ ਅਹਿਮ ਕਦਮ ਹੈ। ‘ਭਾਰਤ ਕਨੈਕਟ ਫਾਰ ਬਿਜ਼ਨਸ’ ਕਾਰੋਬਾਰਾਂ ਲਈ ਇੱਕ ਏਕੀਕ੍ਰਿਤ ਡਿਜੀਟਲ ਪਲੇਟਫਾਰਮ ਪ੍ਰਦਾਨ ਕਰਦਾ ਹੈ, ਜਿਸ ਨਾਲ ਉਹ ਇਨਵੌਇਸ (ਬਿੱਲ) ਤਿਆਰ ਕਰਨ, ਭੁਗਤਾਨ ਭੇਜਣ ਅਤੇ ਪ੍ਰਾਪਤ ਕਰਨ, ਅਤੇ ਕੁਲੈਕਸ਼ਨ ਤੇ ਸੈਟਲਮੈਂਟ ਦੇ ਪ੍ਰਬੰਧਨ ਵਰਗੀਆਂ ਸਹੂਲਤਾਂ ਦਾ ਲਾਭ ਉਠਾ ਸਕਦੇ ਹਨ। ਇਸ ਨਾਲ ਖਰੀਦਦਾਰਾਂ, ਵਿਕਰੇਤਾਵਾਂ ਅਤੇ ਉਨ੍ਹਾਂ ਦੇ ਸਬੰਧਤ ਬੈਂਕਾਂ ਵਿਚਕਾਰ ਲੈਣ-ਦੇਣ ਵਧੇਰੇ ਸੁਰੱਖਿਅਤ, ਨਿਰਵਿਘਨ ਅਤੇ ਕੁਸ਼ਲ ਬਣ ਜਾਵੇਗਾ।
