ਮਾਨਸਾ, 22 ਅਗਸਤ (ਸ.ਰਿ.)- ਥਾਣਾ ਜੌੜਕੀਆਂ ਪੁਲਿਸ ਨੇ ਨਾਬਾਲਗਾ ਨਾਲ ਜਬਰ ਜਨਾਹ ਕਰਨ ਦੇ ਦੋਸ਼ ’ਚ ਇਕ ਨੌਜਵਾਨ ਖ਼ਿਲਾਫ਼ ਪੋਕਸੋ ਐਕਟ ਤਹਿਤ ਮੁਕੱਦਮਾ ਦਰਜ ਕੀਤਾ ਹੈ। ਥਾਣਾ ਮੁਖੀ ਬਲਵੀਰ ਸਿੰਘ ਨੇ ਦੱਸਿਆ ਕਿ ਇਹ ਮੁਕੱਦਮਾ ਪੀੜਤਾ ਦੇ ਪਿਤਾ ਦੇ ਬਿਆਨਾਂ ’ਤੇ ਕੀਤਾ ਗਿਆ ਹੈ। ਬਿਆਨਾਂ ਮੁਤਾਬਿਕ ਜਦੋਂ ਉਸ ਦੀ ਧੀ ਜੋ ਪਿੰਡ ਕੁਸਲਾ ਵਿਖੇ ਮਾਮੇ ਕੋਲ ਰਹਿ ਰਹੀ ਸੀ ਅਤੇ ਜਦੋਂ ਉਹ ਬੱਚੀ ਨੂੰ ਮਿਲਣ ਆਇਆ ਤਾਂ ਉਸ ਦੀ ਤਬੀਅਤ ਠੀਕ ਨਹੀਂ ਸੀ। ਪੁੱਛਣ ’ਤੇ ਪਤਾ ਲੱਗਿਆ ਕਿ ਰਸ਼ਪ੍ਰੀਤ ਸਿੰਘ ਲਗਪਗ 2 ਮਹੀਨੇ ਪਹਿਲਾਂ ਕੁਸਲਾ ਪਿੰਡ ਆਇਆ ਸੀ ਅਤੇ ਸਕੂਲ ਤੋਂ ਘਰ ਵਾਪਸ ਆਉਂਦੇ ਸਮੇਂ ਉਸ ਨੂੰ ਘਰ ਛੱਡਣ ਦੀ ਪੇਸ਼ਕਸ਼ ਕੀਤੀ। ਮਾਮੇ ਦੇ ਘਰ ਕੋਈ ਨਾ ਹੋਣ ਕਰ ਕੇ ਉਸ ਨੇ ਲੜਕੀ ਨਾਲ ਮਰਜ਼ੀ ਦੇ ਵਿਰੁੱਧ ਜਬਰ ਜਨਾਹ ਕੀਤਾ, ਜਿਸ ਨਾਲ ਉਹ ਗਰਭਵਤੀ ਹੋ ਗਈ। ਪੁਲਿਸ ਨੇ ਰਸ਼ਪ੍ਰੀਤ ਸਿੰਘ ਵਾਸੀ ਲਾਲੇਆਣਾ (ਬਠਿੰਡਾ) ਖ਼ਿਲਾਫ਼ ਮੁਕੱਦਮਾ ਦਰਜ ਕਰ ਕੇ ਦੋਸ਼ੀ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।
