ਆਸ਼ੀਰਵਾਦ ਚੈਰੀਟੇਬਲ ਸੋਸਾਇਟੀ ਵਲੋਂ 20ਵਾਂ ਸਮੂਹਿਕ ਵਿਆਹ ਸਮਾਰੋਹ 25 ਨੂੰ

ਰਾਮਾਂ ਮੰਡੀ , 24 ਅਕਤੂਬਰ ( ਗੁਰਪ੍ਰੀਤ ਸਿੰਘ ਅਰੋੜਾ )- ਸ਼ਹਿਰ ਦੀ ਆਸ਼ੀਰਵਾਦ ਚੈਰੀਟੇਬਲ ਸੋਸਾਇਟੀ ਵਲੋਂ 20 ਵਾਂ ਸਮੂਹਿਕ ਵਿਆਹ ਸਮਾਰੋਹ 25 ਤਾਰੀਖ ਦਿਨ ਐਤਵਾਰ ਨੂੰ ਗੁਰਦੁਆਰਾ ਸਿੰਘ ਸਭਾ ਵਿਖੇ ਕਰਵਾਇਆ ਜਾ ਰਿਹਾ ਹੈ ਜਿਸ ਵਿਚ ਜ਼ਰੂਰਤਮੰਦ ਲੜਕੀਆਂ ਦੇ ਵਿਆਹ ਕਰਵਾਏ ਜਾਣਗੇ । ਪ੍ਰਧਾਨ ਹਰਨੇਕ ਸਿੰਘ ਮੱਕੜ ਤੇ ਉਪ ਪ੍ਰਧਾਨ ਅਜੀਤ ਸਿੰਘ ਬੱਬੂ ਨੇ ਦੱਸਿਆ ਕਿ ਜ਼ਰੂਰਤਮੰਦ ਲੜਕੀਆਂ ਦੇ ਮਾਪੇ ਜੇਕਰ ਆਪਣੀ ਲੜਕੀ ਦਾ ਵਿਆਹ ਸੁਸਾਇਟੀ ਦੁਆਰਾ ਕਰਵਾਉਣਾ ਚਾਹੁੰਦੇ ਹਨ ਤਾਂ ਉਹ ਇਸ ਸੰਸਥਾ ਦੇ ਕਿਸੇ ਵੀ ਮੈਂਬਰ ਨਾਲ ਸੰਪਰਕ ਕਰ ਸਕਦੇ ਹਨ ਉਨ੍ਹਾਂ ਅੱਗੇ ਦੱਸਿਆ ਕਿ ਵਿਆਹ ਦਾ ਸਾਰਾ ਲੋੜੀਂਦਾ ਖਰਚ ਅਤੇ ਲੜਕੀ ਨੂੰ ਦੇਣ ਵਾਲਾ ਹੋਰ ਸਾਮਾਨ ਅਤੇ ਬਰਾਤ ਦਾ ਸਾਰਾ ਖਰਚਾ ਵੀ ਸੰਸਥਾ ਵਲੋਂ ਹੀ ਕੀਤਾ ਜਾਵੇਗਾ ।