ਨੂਰਪੁਰ ਬੇਦੀ, 11 ਮਾਰਚ (ਝਾਂਡੀਆਂ)-ਸ.ਸ.ਸ.ਸ ਸਕੂਲ ਧਮਾਣਾਂ ਵਿਚ ਬਾਰ੍ਹਵੀਂ ਜਮਾਤ ਦੇ ਵਿਦਿਆਰਥੀਆਂ ਨੂੰ ਸਰੀਰਕ ਸਿੱਖਿਆ ਵਿਸ਼ੇ ਐਨ.ਐਸ.ਕਿਊ.ਐਫ. ਅਧੀਨ ਪਿ੍ੰਸੀਪਲ ਜਗਤਾਰ ਸਿੰਘ ਲੈਹੜੀਆਂ ਦੀ ਅਗਵਾਈ ਹੇਠ ਟੂਲ ਕਿੱਟਾਂ ਵੰਡੀਆਂ ਗਈਆਂ | ਡਾ. ਵਿਨੋਦ ਚੰਦਨ ਨੇ ਦੱਸਿਆ ਕਿ ਇਸ ਮੌਕੇ ਮਾਸਟਰ ਕੁਲਵਿੰਦਰ ਸਿੰਘ ਮਾਨ (ਵਿਸ਼ਾ ਮਾਹਿਰ ਐਨ.ਐਸ.ਕਿਊ.ਐਫ.), ਪਿੰਡ ਧਮਾਣਾਂ ਦੇ ਸਰਪੰਚ ਰਾਜਕੁਮਾਰ, ਸਰਪੰਚ ਗੋਲੂਮਾਜਰਾ ਬਲਜੀਤ ਭਾਟੀਆ ਅਤੇ ਐਸ.ਐਮ.ਸੀ. ਮੈਂਬਰ ਕਮਲੇਸ਼ ਕੁਮਾਰੀ ਤੇ ਬਿੰਦਰ ਕੌਰ ਸਮੇਤ ਸਟਾਫ਼ ਨੇ ਮਿਲ ਕੇ ਵਿਦਿਆਰਥੀਆਂ ਨੂੰ ਕਿੱਟਾਂ ਵੰਡੀਆਂ | ਪਿ੍ੰਸੀਪਲ ਜਗਤਾਰ ਸਿੰਘ ਲੈਹੜੀਆਂ ਨੇ ਕਿਹਾ ਕਿ ਅਜਿਹੇ ਉਪਰਾਲਿਆਂ ਨਾਲ ਵਿਦਿਆਰਥੀਆਂ ਨੂੰ ਪੜ੍ਹਾਈ ਦੇ ਨਾਲ-ਨਾਲ ਖੇਡਾਂ ਅਤੇ ਹੁਨਰ ਵਿਕਾਸ ਵਿਚ ਵੀ ਅੱਗੇ ਵਧਣ ਦਾ ਮੌਕਾ ਮਿਲਦਾ ਹੈ |