ਸ੍ਰੀ ਚਮਕੌਰ ਸਾਹਿਬ, 6 ਅਪ੍ਰੈਲ (ਜਗਮੋਹਣ ਸਿੰਘ ਨਾਰੰਗ)-ਸਥਾਨਕ ਅਨਾਜ ਮੰਡੀ ਵਿਚ ਅੱਜ ਕਣਕ ਦੀ ਆਮਦ ਸ਼ੁਰੂ ਹੋ ਗਈ | ਅੱਜ ਪਹਿਲੇ ਦਿਨ ਚੱਕਲ ਟਰੇਡਰਜ਼ ਦੀ ਦੁਕਾਨ 'ਤੇ ਕਿਸਾਨ ਗੁਰਚਰਨ ਸਿੰਘ ਚੂਹੜਮਾਜਰਾ ਦੀ ਕਰੀਬ 50 ਕੁਇੰਟਲ ਕਣਕ ਆਈ ਹੈ | ਇਸ ਦੇ ਨਾਲ ਹੀ ਮੰਡੀ ਵਿਚ ਕੁੱਝ ਹੋਰ ਆੜ੍ਹਤੀਆਂ ਕੋਲ ਵੀ ਕਣਕ ਪੁੱਜਣੀ ਸ਼ੁਰੂ ਹੋ ਗਈ | ਪ੍ਰਧਾਨ ਨਾਇਮ ਸਿੰਘ ਓਇੰਦ ਅਤੇ ਸਾਬਕਾ ਵਾਈਸ ਚੇਅਰਮੈਨ ਤਰਲੋਚਨ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਦੇ ਸੂਬਾ ਪ੍ਰਧਾਨ ਜਸਵਿੰਦਰ ਸਿੰਘ ਰਾਣਾ ਦੀਆਂ ਹਦਾਇਤਾਂ 'ਤੇ ਮੰਡੀਆਂ ਵਿਚ ਖ਼ਰੀਦ ਲਈ ਹਾਜ਼ਰ ਹਨ, ਅੱਜ ਕਣਕ ਦੀ ਆਮਦ ਸ਼ੁਰੂ ਹੋਣ ਨਾਲ ਭਲਕੇ ਖ਼ਰੀਦ ਵੀ ਸ਼ੁਰੂ ਹੋ ਜਾਣ ਦੀ ਉਮੀਦ ਹੈ | ਇਸ ਮੌਕੇ ਆੜ੍ਹਤੀ ਬਲਜੀਤ ਸਿੰਘ ਮਹਿਤੋਤ, ਬਹਾਦਰ ਸਿੰਘ ਤੁੰਗ ਬਸੀ ਗੁੱਜਰਾਂ, ਸੁਖਦੇਵ ਸਿੰਘ ਚੱਕਲਾਂ, ਸਵਰਨ ਸਿੰਘ ਕਾਲਾ, ਕਿਸਾਨ ਗੁਰਚਰਨ ਸਿੰਘ ਚੂਹੜਮਾਜਰਾ, ਠੇਕੇਦਾਰ ਭਗਵਤ ਆਦਿ ਵੀ ਹਾਜ਼ਰ ਸਨ |
