ਰੂਪਨਗਰ

ਸਮਾਜ ਸੇਵੀ ਅਤੇ ਸਰਕਾਰੀ ਸੰਸਥਾਵਾਂ ਇਸ ਵਾਰੀ ਬੂਟਿਆਂ ਦੀ ਬਲੀ ਨਾ ਦੇਣ <br/>

ਅੰਤਰਰਾਸ਼ਟਰੀ ਨੰਗਲ ਡੈਮ ਜਲਗਾਹ ਕੰਢੇ ਟੁੱਟੇ ਪਏ ਟ੍ਰੀ ਗਾਰਡ ਅਤੇ ਰੁੱਖ ਵਿਹੂਣਾ ਟ੍ਰੀ ਗਾਰਡ | (ਸੱਜੇ) ਡਾ. ਗੁਲਜੀਤ ਸਿੰਘ ਚੱਠਾ, ਅਚਾਰੀਆ ਤਰਸੇਮ ਲਾਲ ਨਿਸ਼ਕਾਮ, ਸੁਭਾਸ਼ ਸ਼ਰਮਾ ਜਾਣਕਾਰੀ ਦੇਣ ਸਮੇਂ | <br/> ਪਿੰਡ ਨੈਹਲਾ (ਭਾਖੜਾ ਡੈਮ) ਵਿਖੇ ਘਾਹ ਦਾ ਹਿੱਸਾ ਬਣੇ ਟ੍ਰੀ ਗਾਰਡ | <br/> 27-04-2026

ਨੰਗਲ, 26 ਅਪ੍ਰੈਲ (ਗੁਰਪ੍ਰੀਤ ਸਿੰਘ ਗਰੇਵਾਲ)-ਪੰਜਾਬ ਜੰਗਲੀ ਜੀਵ ਸਲਾਹਕਾਰ ਬੋਰਡ ਦੇ ਸਾਬਕਾ ਮੈਂਬਰ ਡਾ. ਗੁਲਜੀਤ ਸਿੰਘ ਚੱਠਾ, ਅਚਾਰੀਆ ਤਰਸੇਮ ਲਾਲ ਨਿਸ਼ਕਾਮ, ਸੁਭਾਸ਼ ਸ਼ਰਮਾ ਨੇ ਸਰਕਾਰੀ ਸੰਸਥਾਵਾਂ ਅਤੇ ਸਮਾਜਿਕ ਜਥੇਬੰਦੀਆਂ ਕਲੱਬਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਇਸ ਸੀਜ਼ਨ 'ਚ ਰੁੱਖਾਂ ਦੀ ਬਲੀ ਨਾ ਦੇਣ | ਡਾ. ਚੱਠਾ ਨੇ ਕਿਹਾ ਕਿ ਪਿਛਲੀ ਬਰਸਾਤ 'ਚ ਲਗਾਏ ਗਏ ਬੂਟੇ ਫ਼ੋਟੋਆਂ 'ਚ ਹੀ ਰਹਿ ਗਏ ਹਨ | ਪੌਦੇ ਸੈਂਕੜਿਆਂ 'ਚ ਲਗਾਉਣ ਦੀ ਥਾਂ ਸਿਰਫ਼ ਪੰਜ ਸੱਤ ਹੀ ਲਾਏ ਜਾਣ ਪਰ ਉਹ 5-5 ਫੁੱਟ ਉੱਚੇ ਪਹਿਲੋਂ ਹੀ ਪਲੇ ਹੋਏ ਹੋਣ | ਚੇਤੇ ਰਹੇ ਕਿ ਆਈ.ਐਫ.ਐਸ. ਅਧਿਕਾਰੀ ਗੁਰਬਾਜ ਸਿੰਘ ਵਲੋਂ ਨੰਗਲ ਡੈਮ ਜਲਗਾਹ ਕੰਢੇ ਲਗਾਏ ਬੂਟੇ/ਟ੍ਰੀ ਗਾਰਡ ਪਤਾ ਨਹੀਂ ਕਿੱਥੇ ਚਲੇ ਗਏ | ਠਾਹ ਸੋਟਾ ਟਿੱਪਣੀ ਕਾਰ ਅਤੇ ਆਰ.ਟੀ.ਆਈ. ਕਾਰਕੁੰਨ ਯੋਗੇਸ਼ ਸੱਚਦੇਵਾ ਨੇ ਦੱਸਿਆ ਕਿ ਬਹੁਤੀ ਥਾਂਈਾ ਤਾਂ ਟ੍ਰੀ ਗਾਰਡ ਵੀ ਟੁੱਟ ਗਏ ਹਨ | ਕਈ ਥਾਂਈਾ ਸ਼ਰਾਰਤ ਵੀ ਹੁੰਦੀ ਹੈ | ਭਾਖੜਾ ਬਿਆਸ ਪ੍ਰਬੰਧ ਬੋਰਡ ਦੇ ਲੋਕ ਸੰਪਰਕ ਅਫ਼ਸਰ ਸਤਨਾਮ ਸਿੰਘ, ਕੌਂਸਲਰ ਇੰਦੂ ਨੇ ਨਗਰ ਕੌਂਸਲ ਦੇ ਸਾਬਕਾ ਪ੍ਰਧਾਨ ਸੰਜੇ ਸਾਹਨੀ ਦੇ ਸਹਿਯੋਗ ਨਾਲ ਐਲ.ਆਈ.ਸੀ. ਪਾਰਕ 'ਚ ਪਲੇ ਹੋਏ ਪੌਦੇ ਲਗਾਏ ਪਰ ਸਮਾਜ ਵਿਰੋਧੀ ਅਨਸਰਾਂ ਨੇ ਸਭ ਕੁੱਝ ਉਜਾੜ ਦਿੱਤਾ | ਭਾਰਤ ਸਰਕਾਰ ਦੇ ਅਦਾਰੇ ਐਨ.ਐਫ.ਐਲ. ਦੇ ਕਰਮਯੋਗੀ ਇੰਜੀਨੀਅਰ ਰਾਜੇਸ਼ ਵਾਸੂਦੇਵਾ ਨੇ ਦੱਸਿਆ ਕਿ ਅਸੀਂ ਲੰਘੇ ਵਰ੍ਹੇ ਨਿੰਮ ਸਮੇਤ ਕਾਫ਼ੀ ਬੂਟੇ ਲਗਾਏ ਸਨ, ਤਕਰੀਬਨ 90% ਸਫਲ ਰਹੇ ਹਨ |

ਪਿਛਲੀ ਖ਼ਬਰ ਫੈੱਡਰੇਸ਼ਨ ਆਫ਼ ਸੀਨੀਅਰ ਸਿਟੀਜਨਜ਼ ਪੰਜਾਬ ਦੀ ਤਿਮਾਹੀ ਮੀਟਿੰਗ ਪ੍ਰੋ. ਆਰ ਕੇ ਕੱਕੜ ਦੂਜੀ ਵਾਰ ਪ੍ਰਧਾਨ ਚੁਣੇ ਗਏ ਅਗਲੀ ਖ਼ਬਰ ਸਮਾਜ ਸੇਵੀ ਅਤੇ ਸਰਕਾਰੀ ਸੰਸਥਾਵਾਂ ਇਸ ਵਾਰੀ ਬੂਟਿਆਂ ਦੀ ਬਲੀ ਨਾ ਦੇਣ <br/>

ਸਮਾਜ ਸੇਵੀ ਅਤੇ ਸਰਕਾਰੀ ਸੰਸਥਾਵਾਂ ਇਸ ਵਾਰੀ ਬੂਟਿਆਂ ਦੀ ਬਲੀ ਨਾ ਦੇਣ <br/>

ਸੰਬੰਧਿਤ ਖ਼ਬਰਾਂ