ਸ੍ਰੀ ਅਨੰਦਪੁਰ ਸਾਹਿਬ, 5 ਮਈ (ਕਰਨੈਲ ਸਿੰਘ)-ਇੱਥੋਂ ਨੇੜਲੇ ਪਿੰਡ ਨਿੱਕੂਵਾਲ ਦੀ ਬਹੁ-ਮੰਤਵੀ ਸਹਿਕਾਰੀ ਸਭਾ ਦੀ ਪ੍ਰਧਾਨਗੀ ਦੇ ਚੋਣ 'ਚ ਪਿੰਡ ਨਿੱਕੂਵਾਲ ਦੇ ਨੌਜੁਆਨ 'ਆਪ' ਆਗੂ ਅਵਤਾਰ ਸਿੰਘ ਫੱਲੀ ਸਰਬ-ਸੰਮਤੀ ਨਾਲ ਪ੍ਰਧਾਨ ਚੁਣੇ ਗਏ ਹਨ | ਇਸ ਸਬੰਧੀ ਸਭਾ ਦੇ ਸਕੱਤਰ ਵਿਨੋਦ ਕੁਮਾਰ ਨੇ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਕਿ 11 ਮੈਂਬਰੀ ਸਭਾ 'ਚ ਅਵਤਾਰ ਸਿੰਘ ਫੱਲੀ ਪੁੱਤਰ ਭਜਨ ਸਿੰਘ ਨੂੰ ਪ੍ਰਧਾਨ, ਕਰਮ ਚੰਦ ਪੁੱਤਰ ਮੁੰਨਸ਼ੀ ਰਾਮ ਲੋਧੀਪੁਰ ਨੂੰ ਮੀਤ ਪ੍ਰਧਾਨ ਅਤੇ ਜਰਨੈਲ ਸਿੰਘ ਪੱਤਰ ਜਗਤਾਰ ਸਿੰਘ ਵਾਸੀ ਬੁਰਜ ਨੂੰ ਮੀਤ ਪ੍ਰਧਾਨ ਚੁਣਿਆ ਗਿਆ ਹੈ | ਉਨ੍ਹਾਂ ਦੱਸਿਆ ਕਿ ਇਸ ਮੌਕੇ ਉਕਤ ਤੋਂ ਇਲਾਵਾ ਜਰਨੈਲ ਸਿੰਘ, ਬੀਨਾ ਸੈਣੀ, ਚੌਧਰੀ ਚਰਨ ਦਾਸ, ਕਮੇਟੀ ਦੇ ਸਾਬਕਾ ਪ੍ਰਧਾਨ ਡਾ. ਰਾਮ ਆਸਰਾ ਸਿੰਘ ਨਿੱਕੂਵਾਲ, ਲਾਲ ਚੰਦ ਸ਼ਰਮਾ, ਬਲਵਿੰਦਰ ਸਿੰਘ, ਭਾਗੋ ਦੇਵੀ, ਸੁੱਚਾ ਸਿੰਘ ਮੈਂਬਰ ਵੀ ਹਾਜਰ ਸਨ | ਇੱਥੇ ਇਹ ਵੀ ਦੱਸਣਾ ਬਣਦਾ ਹੈ ਕਿ ਇਹ ਸਭਾ ਨਿੱਕੂਵਾਲ, ਬੱਲੋਵਾਲ, ਝਿੰਜੜੀ, ਮਟੌਰ, ਥੱਪਲ, ਸਹੋਟਾ, ਬੁਰਜ ਅਤੇ ਲੋਧੀਪੁਰ ਦੇ ਪਿੰਡਾਂ ਨਾਲ ਸਬੰਧਿਤ ਹੈ | ਜਿਸ ਦੇ 890 ਮੈਂਬਰਾਂ ਤੋਂ 8 ਜਨਰਲ, 2 ਔਰਤਾਂ ਅਤੇ 1 ਐਸ.ਸੀ. ਮੈਂਬਰ ਚੁਣਿਆ ਗਿਆ ਹੈ | ਇਸ ਦੇ ਨਾਲ ਹੀ ਨਵੀਂ ਟੀਮ ਵਲੋਂ ਸ਼ਹਿਕਾਰੀ ਸਭਾ ਦੇ ਸੁਧਾਰ ਲਈ ਹੋਰ ਢੁੱਕਵੇ ਪ੍ਰਬੰਧ ਕਰਨ ਦਾ ਵੀ ਐਲਾਨ ਕੀਤਾ ਗਿਆ ਹੈ | ਇਸ ਮੌਕੇ ਚੌਧਰੀ ਕਮਲ ਦੇਵ ਚੋਹਾਨ, ਰਕੇਸ ਬਿੱਟੂ ਸਰਪੰਚ, ਰਣਜੀਤ ਕਾਲਾ ਸਾਬਕਾ ਸਰਪੰਚ, ਹੁਕਮ ਸਿੰਘ ਸੈਣੀ, ਸੋਹਣ ਸਿੰਘ ਨਿੱਕੂਵਾਲ, ਰਤਨੋ ਦੇਵੀ, ਕੁਲਦੀਪ ਸਿੰਘ, ਮਲਕੀਤ ਸਿੰਘ, ਹਰਮੇਲ ਸਿੰਘ, ਮਨਮੋਹਨ ਸਿੰਘ, ਬੀਰਬਲ ਸਿੰਘ ਸਮੇਤ ਵੱਡੀ ਗਿਣਤੀ ਵਿਚ ਇਲਾਕਾ ਵਾਸੀ ਹਾਜ਼ਰ ਸਨ |
