ਕੌਮਾਂਤਰੀ ਕਬੱਡੀ ਖਿਡਾਰਨ ਹਰਵਿੰਦਰ ਕੌਰ ਨੋਨਾ ਮਹਾਰਾਜਾ ਰਣਜੀਤ ਸਿੰਘ ਖੇਡ ਐਵਾਰਡ ਨਾਲ ਸਨਮਾਨਿਤ <br/>
ਅਜੀਤ ਡੈਸਕ
25-05-2026
ਹਰਵਿੰਦਰ ਕੌਰ ਨੋਨਾ ਦੀਆਂ ਖੇਡ ਪ੍ਰਾਪਤੀਆਂ : ਹਰਦਵਿੰਦਰ ਕੌਰ ਨੇ ਕਬੱਡੀ ਪੰਜਾਬ ਸਟਾਈਲ ਅਤੇ ਨੈਸ਼ਨਲ ਸਟਾਈਲ ਵਿਚ ਹੁਣ ਤੱਕ ਸਾਲ 2016 ਵਿਚ ਵਿਸ਼ਵ ਕਬੱਡੀ ਕੱਪ ਵਿਚ ਗੋਲਡ ਮੈਡਲ, ਸੀਨੀਅਰ ਨੈਸ਼ਨਲ ਖੇਡਾਂ ਹੈਦਰਾਬਾਦ 2019-20 ਵਿਚ ਤੀਜਾ ਸਥਾਨ, ਏਸ਼ੀਅਨ ਵਿਸ਼ਵ ਕੱਪ-2018 ਵਿਚ ਪਹਿਲਾ, ਸੈਫ ਖੇਡਾਂ 2019 ਵਿਚ ਪਹਿਲਾ, ਸੀਨੀਅਰ ਨੈਸ਼ਨਲ ਸਰਕਲ ਸਟਾਈਲ 2019-20 ਤੇ 2020-21 ਵਿਚ ਪਹਿਲਾ, ਕੌਮੀ ਖੇਡਾਂ ਗੁਜਰਾਤ ਵਿਚ ਪਹਿਲਾ, ਸੀਨੀਅਰ ਨੈਸ਼ਨਲ ਪਟਨਾ ਵਿਚ ਪਹਿਲਾ, ਸੀਨੀਅਰ ਨੈਸ਼ਨਲ 2020-21 ਰਾਜਸਥਾਨ ਅਤੇ 2022-23 ਹਰਿਆਣਾ ਵਿਚ ਆਪਣੀ ਖੇਡ ਦਾ ਸਿੱਕਾ ਜਮਾਇਆ ਸੀ | ਦੇਸ਼ ਅਤੇ ਵਿਦੇਸ਼ ਭਰ ਵਿਚ ਅਨੇਕਾਂ ਕਬੱਡੀ ਮੈਚਾਂ ਵਿਚ ਆਪਣਾ ਦਬਦਬਾ ਬਣਾਉਣ ਤੋਂ ਇਲਾਵਾ ਨੋਨਾ ਨੂੰ ਹੁਣ ਤੱਕ ਵੱਡੇ ਵੱਡੇ ਕਬੱਡੀ ਕੱਪਾਂ ਵਿਚ ਟਰੈਕਟਰਾਂ, ਜੀਪਾਂ ਅਤੇ ਕਾਰਾਂ ਸਮੇਤ ਨਗਦ ਰਾਸ਼ੀ ਨਾਲ ਸਨਮਾਨਿਤ ਕੀਤਾ ਜਾ ਚੁੱਕਾ ਹੈ | ਇਸੀ ਦੌਰਾਨ ਮਾ.ਗੁਰਵਿੰਦਰ ਸਿੰਘ ਸਸਕੌਰ, ਨਰਿੰਦਰ ਸਿੰਘ ਬੰਗਾ, ਨਰਿੰਦਰਪਾਲ ਖਿਜ਼ਰਾਬਾਦ, ਦਿਆਲ ਚੰਦ ਭਾਓਵਾਲ, ਮਾ.ਦਰਸ਼ਨ ਕੁਮਾਰ ਸੈਣੀਮਾਜਰਾ, ਲੈਕ. ਬਲਜਿੰਦਰ ਸਿੰਘ ਰੀਹਲ, ਮੈਡਮ ਪਰਮਜੀਤ ਕੌਰ, ਅਸ਼ੋਕ ਕੁਮਾਰ ਪੀ.ਟੀ.ਆਈ, ਸੁਧਾਮਾ ਰਾਮ ਸਮੇਤ ਹੋਰਨਾਂ ਨੇ ਹਰਵਿੰਦਰ ਕੌਰ ਨੋਨਾ ਨੂੰ ਇਸ ਅਵਾਰਡ ਦੀ ਵਧਾਈ ਦਿੱਤੀ |
