ਢੇਰ, 28 ਮਈ (ਸ਼ਿਵ ਕੁਮਾਰ ਕਾਲੀਆ)- ਕੁੱਲ ਹਿੰਦ ਕਿਸਾਨ ਸਭਾ ਨੇ ਆਪਣੀ ਭਰਤੀ ਮੁਹਿੰਮ ਲਗਾਤਾਰ ਜਾਰੀ ਰੱਖੀ ਹੋਈ ਹੈ | ਅੱਜ ਪਿੰਡ ਥਲੂਹ ਵਿਖੇ ਜ਼ਿਲ੍ਹਾ ਪ੍ਰਧਾਨ ਕਾਮਰੇਡ ਸੁਰਜੀਤ ਸਿੰਘ ਢੇਰ ਤੇ ਹੋਰ ਆਗੂਆਂ ਦੇ ਸਹਿਯੋਗ ਨਾਲ ਡੋਰ ਟੂ ਡੋਰ ਜਾ ਕੇ ਕਿਸਾਨ ਸਭਾ ਦੀ ਭਰਤੀ ਕੀਤੀ ਗਈ | ਪਿੰਡ ਵਾਸੀਆਂ ਵਲੋਂ ਮੈਂਬਰ ਬਣਨ ਲਈ ਭਾਰੀ ਉਤਸ਼ਾਹ ਪਾਇਆ ਜਾ ਰਿਹਾ ਹੈ | ਇਸ ਮੌਕੇ ਕਾਮਰੇਡ ਸੁਰਜੀਤ ਸਿੰਘ ਢੇਰ ਨੇ ਦੱਸਿਆ ਕਿ ਕੁੱਲ ਹਿੰਦ ਕਿਸਾਨ ਸਭਾ ਦੇਸ਼ ਦੀ ਅਜਿਹੀ ਜਥੇਬੰਦੀ ਹੈ ਜੋ ਆਪਣੀ ਮੈਂਬਰਸ਼ਿਪ ਹਰ ਘਰ 'ਚ ਕਰਦੀ ਹੈ | ਅੱਜ ਜਥੇਬੰਦੀ ਦੇ ਦੋ ਕਰੋੜ ਤੋਂ ਉੱਪਰ ਦੇਸ਼ ਭਰ ਵਿਚ ਮੈਂਬਰ ਹਨ ਤੇ ਪੰਜਾਬ ਵਿਚ 2 ਲੱਖ ਦੇ ਕਰੀਬ ਹੁਣ ਤੱਕ ਕਿਸਾਨ, ਕਿਸਾਨ ਸਭਾ ਦੇ ਮੈਂਬਰ ਬਣ ਚੁੱਕੇ ਹਨ | ਉਹਨਾਂ ਨੇ ਕਿਹਾ ਕਿ ਦੇਸ਼ ਦੇ ਅੰਦਰ ਰਾਜ ਕਰਦੀਆਂ ਪਾਰਟੀਆਂ ਨੇ ਕਿਸਾਨ ਪੱਖੀ ਕੋਈ ਵੀ ਨੀਤੀਆਂ ਨਹੀਂ ਲਿਆਂਦੀਆਂ, ਸਗੋਂ ਕਾਰਪੋਰੇਟ ਪੱਖੀ ਨੀਤੀਆਂ ਨੂੰ ਲਾਗੂ ਕੀਤਾ ਜਾ ਰਿਹਾ ਹੈ | ਦੇਸ਼ ਦੀ ਆਜ਼ਾਦੀ ਤੋਂ ਬਾਅਦ ਕਿਸਾਨਾਂ ਦਾ ਲਗਾਤਾਰ ਕਚੂਮਰ ਨਿਕਲ ਰਿਹਾ ਹੈ | ਕਿਸਾਨਾਂ ਨੂੰ ਫ਼ਸਲਾਂ ਦੇ ਭਾਅ ਲਾਹੇਵੰਦ ਨਹੀਂ ਮਿਲ ਰਹੇ | ਇਸ ਮੌਕੇ ਕਿਸਾਨ ਆਗੂ ਜਸਵੀਰ ਸਿੰਘ, ਹਰਜਿੰਦਰ ਸਿੰਘ ਬਿੱਟੂ, ਜੋਗਿੰਦਰ ਸਿੰਘ, ਮਾਤਾ ਬਲਮ ਕੌਰ ਤੇ ਬਰਜਿੰਦਰ ਸਿੰਘ ਡੋਡ ਸਮੇਤ ਹੋਰ ਪਿੰਡ ਵਾਸੀ ਵੀ ਹਾਜ਼ਰ ਸਨ |
