ਟਾਹਲੀ ਸਾਹਿਬ, 12 ਅਪ੍ਰੈਲ (ਵਿਨੋਦ ਭੀਲੋਵਾਲ)-ਸੰਤ ਬਾਬਾ ਚੁਗੱਤ ਸਿੰਘ ਗੁਰਮਤਿ ਸੰਗੀਤ ਵਿਦਿਆਲੇ ਜੋ ਸੰਸਥਾ ਵਲੋਂ ਬਿਲਕੁੱਲ ਫ੍ਰੀ ਚਲਾਇਆ ਜਾ ਰਿਹਾ ਹੈ, ਜਿਸ ਸੰਗੀਤ ਵਿਦਿਆਲੇ ਦਾ ਸੰਗਤਾਂ ਆਪਣੇ ਬੱਚਿਆਂ ਨੂੰ ਫ੍ਰੀ ਦਾਖਲਾ ਦਿਵਾਕੇ ਲਾਹਾ ਲੈਣ | ਇਹ ਸ਼ਬਦ ਬਾਬਾ ਕੰਵਲਜੀਤ ਸਿੰਘ ਮੁੱਖ ਸੇਵਾਦਾਰ ਗੁਰਦੁਆਰਾ ਨਾਗੀਆਣਾ ਸਾਹਿਬ ਉਦੋਕੇ ਨੇ ਕੀਤਾ | ਉਨ੍ਹਾਂ ਕਿਹਾ ਕਿ ਅੱਜ ਦੇ ਅਜੋਕੇ ਸੇਮ ਵਿਚ ਬੱਚਿਆਂ ਨੂੰ ਬੁਰੀ ਸੰਗਤ ਤੋਂ ਬਚਾਉਣ ਲਈ ਗੁਰਮਤਿ ਨਾਲ ਜੋੜਨਾ ਬਹੁਤ ਜ਼ਰੂਰੀ ਹੋ ਗਿਆ ਹੈ, ਜਿਸ ਕਰਕੇ ਉਸਤਾਦ ਜੈ ਸਿੰਘ ਤੇ ਉਸਤਾਦ ਸਤਿੰਦਰਪਾਲ ਸਿੰਘ ਤਬਲਾ ਵਾਦਕ ਬਟਾਲੇ ਵਾਲੇ ਦੇ ਰਹੇ ਹਨ | ਜਿਸ ਵਿਚ 53 ਦੇ ਕਰੀਬ ਬੱਚੇ ਸਿਖਲਾਈ ਪ੍ਰਾਪਤ ਕਰ ਰਹੇ ਹਨ | ਬਾਬਾ ਕਵਲਜੀਤ ਸਿੰਘ ਨੇ ਸੰਗਤਾਂ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਉਹ ਗੁਰਮਤਿ ਸੰਗੀਤ ਵਿਦਿਆਲੇ ਦੀ ਬੱਚਿਆਂ ਨੂੰ ਸਖਲਾਈ ਦਿਵਾ ਕੇ ਵੱਧ ਤੋਂ ਵੱਧ ਲਾਭ ਲੈਣ |
