ਚੇਤਨਪੁਰਾ, 6 ਮਈ (ਮਹਾਂਬੀਰ ਸਿੰਘ ਗਿੱਲ)-ਸੋਹੀਆਂ ਕਲਾਂ ਦੀ ਦਾਣਾ ਮੰਡੀ ਵਿਚ ਕਣਕ ਦੀ ਚੁਕਾਈ ਨਾ ਹੋਣ ਕਰਕੇ ਕਣਕ ਦੇ ਵੱਡੇ ਢੇਰ (ਅੰਬਾਰ) ਲੱਗੇ ਹੋਏ ਹਨ ਤੇ ਸਾਰੀ ਕਣਕ ਉੱਪਰ ਬਾਰਿਸ਼ ਪੈ ਕੇ ਖਰਾਬ ਹੋਣ ਦਾ ਖਦਸ਼ਾ ਬਣਿਆ ਹੋਇਆ ਹੈ | ਕੁਝ ਕਣਕ ਮੰਡੀ ਵਿਚ ਬਣੇ ਸ਼ੈੱਡ ਹੇਠ ਹੈ ਤੇ ਜ਼ਿਆਦਾਤਰ ਕਣਕ ਖੁੱਲੇ ਅਸਮਾਨ ਹੇਠ ਖਿਲਰੀ ਪਈ ਹੈ | ਕੁਝ ਕਣਕ ਬੋਰੀਆਂ ਵਿਚ ਭਰੀ ਹੈ, ਪਰ ਜ਼ਿਆਦਾਤਰ ਖੁੱਲ੍ਹੀ ਹੀ ਪਈ ਹੈ | ਇਸ ਵੇਲੇ ਮੰਡੀ ਵਿਚ ਹਾਲਤ ਬੜੇ ਬਦਤਰ ਬਣੇ ਹੋਏ ਹਨ, ਕੁਝ ਕਿਸਾਨਾਂ ਨੇ ਦੱਸਿਆ ਕਿ ਬਾਰਦਾਨੇ ਦੀ ਘਾਟ ਕਾਰਨ ਵੱਡੀ ਮੁਸ਼ਕਿਲ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ | ਕਿਸਾਨ ਆਗੂ ਪਲਵਿੰਦਰ ਸਿੰਘ ਪੰਡੋਰੀ ਤੇ ਕਾਮਰੇਡ ਦਲਜੀਤ ਸਿੰਘ ਚੇਤਨਪੁਰਾ ਨੇ ਪ੍ਰਸ਼ਾਸਨ ਕੋਲੋਂ ਮੰਗ ਕੀਤੀ ਕਿ ਕਣਕ ਦੀ ਤੁਰੰਤ ਚੁਕਾਈ ਕੀਤੀ ਜਾਵੇ ਤਾਂ ਜੋ ਬਰਸਾਤਾਂ ਕਾਰਨ ਕਣਕ ਖ਼ਰਾਬ ਨਾ ਹੋ ਸਕੇ |