ਸੰਤ ਬਾਬਾ ਜੈ ਸਿੰਘ ਦੀ 60ਵੀਂ ਬਰਸੀ ਮੌਕੇ ਪਿੰਡ ਸੁਧਾਰ ਵਿਖੇ ਕਰਵਾਇਆ ਅੰਤਰਰਾਸ਼ਟਰੀ ਕਬੱਡੀ ਕੱਪ
ਗੱਗੋਮਾਹਲ, 8 ਅਕਤੂਬਰ (ਬਲਵਿੰਦਰ ਸਿੰਘ ਸੰਧੂ)-ਸੰਤ ਬਾਬਾ ਜੈ ਸਿੰਘ ਜੀ ਦੀ 60ਵੀਂ ਸਲਾਨਾਂ ਬਰਸੀ ਮੌਕੇ ਪਿੰਡ ਸੁਧਾਰ ਵਿਖੇ ਸੰਤ ਬਾਬਾ ਵਰਿਆਮ ਸਿੰਘ ਜੀ ਪਰੋ ਸਾਹਿਬ ਵਾਲਿਆ, ਸਮੂਹ ਮੇਲਾ ਕਮੇਟੀ, ਐਨ. ਆਰ.
ਗੱਗੋਮਾਹਲ, 8 ਅਕਤੂਬਰ (ਬਲਵਿੰਦਰ ਸਿੰਘ ਸੰਧੂ)-ਸੰਤ ਬਾਬਾ ਜੈ ਸਿੰਘ ਜੀ ਦੀ 60ਵੀਂ ਸਲਾਨਾਂ ਬਰਸੀ ਮੌਕੇ ਪਿੰਡ ਸੁਧਾਰ ਵਿਖੇ ਸੰਤ ਬਾਬਾ ਵਰਿਆਮ ਸਿੰਘ ਜੀ ਪਰੋ ਸਾਹਿਬ ਵਾਲਿਆ, ਸਮੂਹ ਮੇਲਾ ਕਮੇਟੀ, ਐਨ. ਆਰ. ਆਈ. ਭਰਾਵਾਂ ਤੇ ਇਲਾਕੇ ਦੇ ਸਹਿਯੋਗ ਨਾਲ ਅੰਤਰਰਾਸ਼ਟਰੀ ਕਬੱਡੀ ਟੀਮਾਂ ਦਾ ਸ਼ੋਅ ਮੈਚ ਕਰਵਾਇਆ ਗਿਆ, ਜਿਸ ਵਿਚ ਸੰਤ ਬਾਬਾ ਦਇਆ ਸਿੰਘ ਕਬੱਡੀ ਕਲੱਬ ਸੁਰਸਿੰਘ ਤੇ ਸ਼ਹੀਦ ਭਗਤ ਸਿੰਘ ਕਬੱਡੀ ਅਕੈਡਮੀ ਸਰਹਾਲਾ ਰਣੂਆ ਦੇ ਖਿਡਾਰੀਆ ਨੇ ਆਪਣੇ ਜੋਰ ਦਾ ਮੁਜ਼ਾਹਰਾ ਕੀਤਾ। ਫਸਵੇਂ ਮੈਚ ਵਿਚ ਸੰਤ ਬਾਬਾ ਦਇਆ ਸਿੰਘ ਕਬੱਡੀ ਕਲੱਬ ਸੁਰਸਿੰਘ ਜੇਤੂ ਰਹੀ ਜਿੰਨ੍ਹਾਂ ਜੇਤੂ ਟਰਾਫੀ ਤੇ ਨਕਦ ਇਨਾਮ ’ਤੇ ਕਬਜਾ ਕੀਤਾ। ਇਸੇ ਦੌਰਾਨ ਐਨ.ਆਰ.ਆਈ ਭਰਾਵਾਂ ਵਲੋਂ ਵਰਲਡ ਫੇਮਸ ਭਾਈ ਕਾਬਲ ਸਿੰਘ ਸੋਹੀ ਕਵੀਸ਼ਰ ਦਾ ਸੋਨੇ ਦੇ ਕੈਠੇ ਨਾਲ ਤੇ ਕਬੱਡੀ ਖਿਡਾਰੀ ਅੰਬਾ ਸੁਰਸਿੰਘ ਦਾ 21 ਹਜ਼ਾਰ ਰੁਪਏ ਨਾਲ ਵਿਸ਼ੇਸ਼ ਸਨਮਾਨ ਕੀਤਾ। ਜੇਤੂ ਟੀਮ ਨੂੰ ਨਕਦ ਇਨਾਮ ਤੇ ਟਰਾਫੀ ਸੰਤ ਬਾਬਾ ਵਰਿਆਮ ਸਿੰਘ ਜੀ ਵਲੋਂ ਭੇਟ ਕੀਤੀ ਗਈ। ਇਸ ਮੌਕੇ ਸਮੂਹ ਮੇਲਾ ਕਮੇਟੀ ਦੇ ਮੈਂਬਰ ਤੇ ਇਲਾਕੇ ਦੇ ਮੋਹਤਬਰ ਸੱਜਣਾ ਸਮੇਤ ਕਬੱਡੀ ਦੇ ਖੇਡ ਪ੍ਰੇਮੀ ਮੌਜੂਦ ਸਨ ।
