ਇੰਡਸਟਰੀਅਲ ਅਦਾਰੇ ‘ਵਰਧਮਾਨ’ ਨੇ ਸਕਿਲ ਡਿਵੈਲਪਮੈਂਟ ਸੈਂਟਰ ਵਿਖੇ ਸੈਮੀਨਾਰ ਕਰਵਾਇਆ
ਫ਼ਰੀਦਕੋਟ, 6 ਨਵੰਬਰ (ਜਸਵੰਤ ਸਿੰਘ ਪੁਰਬਾ)-ਸੰਨ ਫਾਊਂਡੇਸ਼ਨ ਵਲੋਂ ਫ਼ਰੀਦਕੋਟ ’ਚ ਚਲਾਏ ਜਾ ਰਹੇ ਸਕਿਲ ਡਿਵੈਲਪਮੈਂਟ ਦੇ ਸੈਂਟਰ ਵਿਚ ਪੰਜਾਬ ਦੇ ਇੰਡਸਟਰੀਅਲ ਅਦਾਰੇ ਵਰਧਮਾਨ ਲੁਧਿਆਣੇ ਦੀ ਟੀਮ ਨੇ ਇਕ ਸ਼ਾਨਦਾਰ ਸੈਮੀਨਾਰ ਕਰਵਾਇਆ। ਸੈਮੀਨਾਰ ਵਿਚ ਵਰਧਮਾਨ ਵਲੋਂ ਸਤਵੀਰ ਰਾਨਾ ਅਤੇ ਸ਼ਵੇਤਾ ਨੇ ਸ਼ਿਰਕਤ ਕੀਤੀ ਅਤੇ ਵੱਖ-ਵੱਖ ਸਕਿੱਲਾਂ ਦੇ ਵਿਦਿਆਰਥੀਆਂ ਨੂੰ ਆਪਣੀ ਕੰਪਨੀ ਬਾਰੇ ਰੋਸ਼ਨੀ ਪਾਈ ਤੇ ਰੁਜ਼ਗਾਰ ਦੇਣ ਬਾਰੇ ਵਿਦਿਆਰਥੀਆਂ ਦਾ ਨਿਰਦੇਸ਼ਨ ਕੀਤਾ।
ਫ਼ਰੀਦਕੋਟ, 6 ਨਵੰਬਰ (ਜਸਵੰਤ ਸਿੰਘ ਪੁਰਬਾ)-ਸੰਨ ਫਾਊਂਡੇਸ਼ਨ ਵਲੋਂ ਫ਼ਰੀਦਕੋਟ ’ਚ ਚਲਾਏ ਜਾ ਰਹੇ ਸਕਿਲ ਡਿਵੈਲਪਮੈਂਟ ਦੇ ਸੈਂਟਰ ਵਿਚ ਪੰਜਾਬ ਦੇ ਇੰਡਸਟਰੀਅਲ ਅਦਾਰੇ ਵਰਧਮਾਨ ਲੁਧਿਆਣੇ ਦੀ ਟੀਮ ਨੇ ਇਕ ਸ਼ਾਨਦਾਰ ਸੈਮੀਨਾਰ ਕਰਵਾਇਆ। ਸੈਮੀਨਾਰ ਵਿਚ ਵਰਧਮਾਨ ਵਲੋਂ ਸਤਵੀਰ ਰਾਨਾ ਅਤੇ ਸ਼ਵੇਤਾ ਨੇ ਸ਼ਿਰਕਤ ਕੀਤੀ ਅਤੇ ਵੱਖ-ਵੱਖ ਸਕਿੱਲਾਂ ਦੇ ਵਿਦਿਆਰਥੀਆਂ ਨੂੰ ਆਪਣੀ ਕੰਪਨੀ ਬਾਰੇ ਰੋਸ਼ਨੀ ਪਾਈ ਤੇ ਰੁਜ਼ਗਾਰ ਦੇਣ ਬਾਰੇ ਵਿਦਿਆਰਥੀਆਂ ਦਾ ਨਿਰਦੇਸ਼ਨ ਕੀਤਾ। ਸਕਿਲ ਸੈਂਟਰ ਦੇ ਫੈਸ਼ਨ ਡਿਜ਼ਾਇਨਿੰਗ ਦੇ ਸਾਰੇ ਵਿਦਿਆਰਥੀਆਂ ਨੂੰ ਉਨ੍ਹਾਂ ਨੇ ਰੁਜ਼ਗਾਰ ਲਈ ਚੁਣ ਲਿਆ ਅਤੇ ਕੋਰਸ ਦੇ ਪੂਰੇ ਹੋਣ ਤੇ ਨੌਕਰੀ ਦੇਣ ਦਾ ਸੱਦਾ ਦਿੱਤਾ। ਸਕਿਲ ਸੈਂਟਰ ਫ਼ਰੀਦਕੋਟ ਵਿਚ ਪਲੇਸਮੈਂਟ ਲਈ ਪਹਿਲੇ ਸੈਸ਼ਨ ਦੀ ਪਹਿਲੀ ਇੰਡਸਟਰੀ ਦੀ ਫੇਰੀ ਸੀ। ਫੈਸ਼ਨ ਡਿਜ਼ਾਇਨਿੰਗ ਦੇ ਸਾਰੇ ਵਿਦਿਆਰਥੀਆਂ ਦਾ ਨੌਕਰੀ ਲਈ ਚੁਣੇ ਜਾਣਾ ਤੇ ਫ਼ਰੀਦਕੋਟ ਵਿਚ ਸਭ ਅਕਾਦਮਿਕ ਅਦਾਰਿਆਂ ਨੇ ਪ੍ਰਸੰਸਾ ਕੀਤੀ। ਪਦਮ ਸ੍ਰੀ ਡਾ. ਵਿਕਰਮਜੀਤ ਸਿੰਘ ਸਾਹਨੀ ਚੇਅਰਮੈਨ ਸਨ ਫਾਊਂਡੇਸ਼ਨ ਅਤੇ ਗੁਰਬੀਰ ਸਿੰਘ ਸੀ.ਈ.ਓ ਨੇ ਵੀ ਨੇ ਫ਼ਰੀਦਕੋਟ ਸਕਿਲ ਸੈਂਟਰ ਦੇ ਡਾਇਰੈਕਟਰ ਪ੍ਰੋਫ ੈਸਰ ਦਲਬੀਰ ਸਿੰਘ, ਮਨੀਸ਼ ਮਰਵਾਹ, ਸੈਂਟਰ ਦੇ ਹੈਡ ਤੇ ਸਮੂਹ ਸਟਾਫ਼ ਨੂੰ ਵਧਾਈ ਦਿੱਤੀ। ਪ੍ਰੋ. ਦਲਬੀਰ ਸਿੰਘ ਨੇ ਦੱਸਿਆ ਕਿ ਇਸ ਸਾਲ ਦਸੰਬਰ ਤੱਕ ਬਾਕੀ ਸਭ ਸਕਿੱਲਾਂ ਦੇ ਬੱਚਿਆਂ ਨੂੰ ਵੀ ਰੁਜ਼ਗਾਰ ਦਵਾਇਆ ਜਾਵੇਗਾ। ਸੈਂਟਰ ਹੈਡ ਮਨੀਸ਼ ਮਰਵਾਹ ਨੇ ਸੈਮੀਨਾਰ ਦੇ ਅੰਤ ਵਿਚ ਵਰਧਮਾਨ ਇੰਡਸਟਰੀ ਦੇ ਅਧਿਕਾਰੀਆਂ ਨੂੰ ਸਨਮਾਨ ਚਿੰਨ੍ਹ ਦੇ ਕੇ ਧੰਨਵਾਦ ਕੀਤਾ। ਫ਼ਰੀਦਕੋਟ ਵਿਚ ਸੈਂਟਰ ਦੀ ਇਹ ਉਪਲਬਧੀ ਹੈ ਕਿ ਕੈਂਪਸ ਪਲੇਸਮੈਂਟ ਦੀ ਸ਼ੁਰੂਆਤ ਹੋਈ ਹੈ।
