ਪਟਿਆਲਾ, 30 ਜਨਵਰੀ (ਮਨਦੀਪ ਸਿੰਘ ਖਰੌੜ)-ਗੁਰੂ ਨਾਨਕ ਨਗਰ ਵਿਚ ਸਕੂਟਰੀ ਤੋਂ ਉਤਰਨ ਲੱਗੀ ਔਰਤ ਦੇ ਗਲ ਵਿਚ ਪਾਈ ਸੋਨੇ ਦੀ ਚੇਨ ਖੋਹ ਅਣਪਛਾਤੇ ਮੋਟਰਸਾਈਕਲ ਸਵਾਰ ਫਰਾਰ ਹੋ ਗਏ ਹਨ | ਇਸ ਸੰਬੰਧੀ ਪੀੜਤਾ ਕਮਲਦੀਪ ਕੌਰ ਨੇ ਥਾਣਾ ਅਰਬਨ ਅਸਟੇਟ ਵਿਚ ਸ਼ਿਕਾਇਤ ਦਰਜ ਕਰਵਾਈ ਕਿ ਉਹ ਆਪਣੀ ਸਹੇਲੀ ਨਾਲ ਗੁਰੂ ਨਾਨਕ ਨਗਰ ਵਿਚ ਡ੍ਰੀਮਲੈਂਡ ਸਕੂਲ ਲਾਗੇ ਜਾ ਰਹੀ ਸੀ | ਜਦੋਂ ਉਹ ਸਕੂਟਰੀ ਤੋਂ ਉਤਰਨ ਲੱਗੀ ਤਾਂ ਅਚਾਨਕ ਮੂੰਹ ਬੰਨ੍ਹ ਕੇ ਮੋਟਰਸਾਈਕਲ ਉੱਤੇ ਵਿਅਕਤੀ ਆਇਆ ਤੇ ਉਸ ਦੀ ਸੋਨੇ ਦੀ ਚੇਨ ਖੋਹ ਕੇ ਫਰਾਰ ਹੋ ਗਿਆ | ਇਸ ਆਧਾਰ ਉੱਤੇ ਪੁਲਿਸ ਨੇ ਅਣਪਛਾਤੇ ਵਿਅਕਤੀ ਖਿਲਾਫ ਕੇਸ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ |
