ਸਮਾਣਾ, 9 ਮਾਰਚ (ਹਰਵਿੰਦਰ ਸਿੰਘ ਟੋਨੀ)-ਸ੍ਰੀ ਸ਼ਿਵ ਸ਼ਕਤੀ ਦੁਰਗਾ ਮੰਦਿਰ, ਮਹਿਲਾ ਸੰਕਿਰਤਨ ਮੰਡਲ ਅਤੇ ਖੱਤਰੀਆਂ ਮੁਹੱਲਾ ਨਿਵਾਸੀਆਂ ਵਲੋਂ 32ਵਾਂ ਵਿਸ਼ਾਲ ਭਗਵਤੀ ਜਾਗਰਣ ਕਰਵਾਇਆ ਗਿਆ | ਸੰਸਥਾ ਸਰਪ੍ਰਸਤ ਪ੍ਰਦੀਪ ਮੋਦਗਿਲ, ਪ੍ਰਧਾਨ ਮੋਤੀ ਜੈਨ, ਉਪ ਪ੍ਰਧਾਨ ਸੰਦੀਪ ਚੋਪੜਾ ਅਤੇ ਸੈਕਟਰੀ ਰਾਜੇਸ਼ ਮੋਦਗਿਲ ਦੀ ਅਗਵਾਈ 'ਚ ਪ੍ਰਾਚੀਨ ਸ਼ਿਵ ਮੰਦਿਰ ਵਿਚ ਕਰਵਾਏ ਇਸ ਜਾਗਰਣ 'ਚ ਮੁੱਖ ਮਹਿਮਾਨ ਵਜੋਂ ਅਸ਼ੋਕ ਮੋਦਗਿਲ ਨੇ ਆਪਣੇ ਪਰਿਵਾਰ ਸਣੇ ਸ਼ਾਮਲ ਹੋ ਕੇ ਜੋਤੀ ਪ੍ਰਚੰਡ ਕਰਕੇ ਸਮਾਗਮ ਦੀ ਆਰੰਭਤਾ ਕੀਤੀ | ਇਸ ਮੌਕੇ ਜਾਗਰਣ ਕਰਤਾ ਨੂਰ ਕਮਲ ਐਂਡ ਪਾਰਟੀ ਪਟਿਆਲਾ ਵਾਲਿਆਂ ਨੇ ਮਾਤਾ ਦੀਆਂ ਭੇਟਾਂ ਦਾ ਗੁਣਗਾਨ ਕਰਦਿਆਂ ਭਗਤਾਂ ਨੂੰ ਝੂਮਣ ਲਈ ਮਜਬੂਰ ਕਰ ਦਿੱਤਾ | ਇਸ ਮੌਕੇ ਜੋਲੀ ਜੈਨ, ਸੀਨੀਅਰ ਅਕਾਲੀ ਆਗੂ ਜਗਮੀਤ ਸਿੰਘ ਹਰਿਆਉ, ਕੌਂਸਲਰ ਦਰਸ਼ਨ ਮਿੱਤਲ, ਮਨਜੀਤ ਜੇ.ਈ, ਨੀਟਾ ਸ਼ਰਮਾ, ਹੀਰਾ ਜੈਨ, ਯਤਿੰਦਰ ਸ਼ਰਮਾ, ਬਿੱਟੂ ਧੀਮਾਨ ਤੋਂ ਵੱਡੀ ਗਿਣਤੀ 'ਚ ਸੰਗਤਾਂ ਨੇ ਵੀ ਸਮਾਗਮ 'ਚ ਸ਼ਮੂਲੀਅਤ ਕਰਕੇ ਮਾਤਾ ਦਾ ਅਸ਼ੀਰਵਾਦ ਪ੍ਰਾਪਤ ਕੀਤਾ |
