ਵਿਧਾਨ ਸਭਾ ਦੇ ਇਜਲਾਸ 'ਚ ਹਲਕਾ ਸਨੌਰ ਦੀ ਆਵਾਜ਼ ਖਾਮੋਸ਼
ਅਜੀਤ ਡੈਸਕ
12-03-2026
ਇਲਾਕੇ ਦੀਆਂ ਸਮਸਿਆਵਾਂ ਦੀ ਆਵਾਜ਼ ਵਿਧਾਨ ਸਭਾ ਤੱਕ ਉਠਾਈ ਜਾਵੇਗੀ, ਲੋਕ ਮਸਲੇ ਸਦਨ ਤੱਕ ਪਹੁੰਚਣਗੇ ਪਰ ਇਜਲਾਸ ਵਿਚ ਹਲਕਾ ਸਨੌਰ ਦੀ ਆਵਾਜ਼ ਗਾਇਬ ਹੋਣ ਨਾਲ ਇਸ ਵਾਰ ਫਿਰ ਹਲਕਾ ਸਨੌਰ ਦੇ ਵਸਨੀਕਾ ਵਿਚ ਨਿਰਾਸ਼ਤਾ ਫੈਲ ਗਈ | ਹਲਕਾ ਸਨੌਰ ਅੰਦਰ ਸਭ ਤੋਂ ਵੱਧ ਹੜ੍ਹਾਂ ਦੀ ਮਾਰ ਕਾਰਨ ਲੋਕ ਦੁੱਖੀ ਹਨ | ਹਲਕੇ ਅੰਦਰ ਪੈਡੀ ਦੇ ਸੀਜ਼ਨ ਦੌਰਾਨ ਘੱਗਰ, ਟਾਂਗਰੀ, ਮਾਰਕੰਡਾ, ਮੀਰਾਂ ਪੁਰ ਚੋਅ ਤੋਂ ਇਲਾਵਾ ਪਟਿਆਲਾ ਨਦੀ ਦਾ ਪਾਣੀ ਫ਼ਸਲਾਂ ਤੋਂ ਇਲਾਵਾ ਇਲਾਕੇ ਅੰਦਰ ਮਾਲੀ ਨੁਕਸਾਨ ਕਰਦਾ ਹੈ | ਲੋਕਾਂ ਨੂੰ ਆਸ ਸੀ ਕਿ ਉਨ੍ਹਾਂ ਦੀ ਸਮੱਸਿਆਂ ਦਾ ਹੱਲ ਹੋਵੇਗਾ, ਪਰ ਇਹ ਆਸ ਵੀ ਖ਼ਤਮ ਹੁੰਦੀ ਦਿਖਾਈ ਦੇ ਰਹੀ ਹੈ | ਇਕ ਵਾਰ ਫਿਰ ਹਲਕਾ ਸਨੌਰ ਨਿਵਾਸੀਆਂ ਨੂੰ ਉਦਾਸ ਹੋਣ ਪਿਆ |