ਭਾਦਸੋਂ, 11 ਮਾਰਚ (ਗੁਰਬਖ਼ਸ਼ ਸਿੰਘ ਵੜੈਚ)-ਉਦਯੋਗਿਕ ਖੇਤਰ 'ਚ ਵਿਸ਼ਵ ਪ੍ਰਸਿੱਧ ਕਰਤਾਰ ਕੰਬਾਈਨ ਤੇ ਕਰਤਾਰ ਟਰੈਕਟਰ ਭਾਦਸੋਂ ਵਲੋਂ ਗਊਸ਼ਾਲਾ ਧਾਮ ਭਾਦਸੋਂ ਨੂੰ ਕਰਤਾਰ ਟਰੈਕਟਰ ਭੇਂਟ ਕੀਤਾ ਗਿਆ | ਜਾਣਕਾਰੀ ਦਿੰਦੇ ਹੋਏ ਗਊਸ਼ਾਲਾ ਕਮੇਟੀ ਦੇ ਪ੍ਰਧਾਨ ਅਮਿਤ ਕੋਹਲੀ, ਸੂਰਜ ਭਾਨ ਸਿੰਗਲਾ ਅਤੇ ਟਰੱਸਟੀ ਆਸ਼ੀਸ ਸਿੰਗਲਾ ਨੇ ਦੱਸਿਆ ਕਿ ਕਰਤਾਰ ਕੰਪਨੀ ਦੇ ਐਮ.ਡੀ. ਅਮਰਜੀਤ ਸਿੰਘ ਲੋਟੇ ਦੀ ਅਗਵਾਈ 'ਚ ਸਮਾਜ ਸੇਵਾ 'ਚ ਇਕ ਹੋਰ ਉਪਰਾਲਾ ਕਰਦੇ ਹੋਏ ਟਰੈਕਟਰ ਦਿੱਤਾ ਗਿਆ ਤਾਂ ਜੋ ਗਊਸ਼ਾਲਾ 'ਚ ਹਰਾ ਚਾਰਾ, ਖੇਤੀ ਅਤੇ ਹੋਰ ਕੰਮਾਂ ਲਈ ਇਸ ਦੀ ਵਰਤੋਂ ਕੀਤੀ ਜਾ ਸਕੇ | ਉਨ੍ਹਾਂ ਦੱਸਿਆ ਕਿ ਗਊਸ਼ਾਲਾ ਵਿਖੇ ਬੀਤੇ ਕੁਝ ਸਮੇਂ ਤੋਂ ਵੱਖ-ਵੱਖ ਸਮਾਜ ਸੇਵੀਆਂ ਵਲੋਂ ਆਪਣੇ ਆਪਣੇ ਪੱਧਰ 'ਤੇ ਸੇਵਾ ਕੀਤੀ ਜਾ ਰਹੀ ਹੈ ਅਤੇ ਕਰਤਾਰ ਗਰੁੱਪ ਵਲੋਂ ਪਹਿਲਾ ਵੀ ਗਊਸ਼ਾਲਾ ਲਈ ਸੇਵਾਵਾਂ ਨਿਭਾਈਆਂ ਜਾ ਰਹੀਆਂ ਹਨ ਅਤੇ ਹੁਣ ਉਨ੍ਹਾਂ ਵਲੋਂ 60 ਹਾਰਸ ਪਾਵਰ ਦਾ ਕਰਤਾਰ ਟਰੈਕਟਰ ਦੇਕੇ ਅਤਿ ਸਮਾਜ ਸੇਵਾ ਕੀਤੀ ਹੈ | ਜਿਸ ਦੀ ਇਲਾਕੇ ਭਰ ਵਿਚ ਸ਼ਲਾਘਾ ਕੀਤੀ ਜਾ ਰਹੀ ਹੈ | ਇਸ ਦੌਰਾਨ ਕਰਤਾਰ ਐਗਰੋ ਦੇ ਐਮ.ਡੀ. ਅਮਰਜੀਤ ਸਿੰਘ ਲੋਟੇ ਦੀ ਰਹਿਨੁਮਾਈ ਹੇਠ ਡਾਇਰੈਕਟਰ ਹਰਮੀਤ ਸਿੰਘ ਲੋਟੇ, ਡਾਇਰੈਕਟਰ ਮਨਜੀਤ ਸਿੰਘ ਲੋਟੇ, ਡਾਇਰੈਕਟਰ ਮਨਪ੍ਰੀਤ ਸਿੰਘ ਲੋਟੇ ਵਲੋਂ ਗਊਸ਼ਾਲਾ ਪ੍ਰਬੰਧਕੀ ਕਮੇਟੀ ਦੇ ਪ੍ਰਧਾਨ ਅਮਿਤ ਕੋਹਲੀ ਅਤੇ ਟਰੱਸਟੀ ਆਸ਼ੀਸ ਸਿੰਗਲਾ ਨੂੰ ਟਰੈਕਟਰ ਦੀਆਂ ਚਾਬੀਆਂ ਸੌਂਪੀਆਂ | ਕਮੇਟੀ ਦੇ ਸਮੁੱਚੇ ਮੈਂਬਰਾਂ ਵਲੋਂ ਕੰਪਨੀ ਦੇ ਆਗੂਆਂ ਦਾ ਧੰਨਵਾਦ ਕੀਤਾ ਗਿਆ |