ਰਾਜਪੁਰਾ, 2 ਅਪ੍ਰੈਲ (ਰਣਜੀਤ ਸਿੰਘ)-ਇੱਥੋਂ ਦੀ ਸਿਵਲ ਕੋਰਟਸ ਵਿਖੇ ਸੀਨੀਅਰ ਵਕੀਲ ਅਨਿਲ ਪਾਠਕ ਦੀ ਅਗਵਾਈ ਵਿਚ ਹਨੂੰਮਾਨ ਜੈਯੰਤੀ ਸ਼ਰਧਾ ਤੇ ਸਤਿਕਾਰ ਨਾਲ ਮਨਾਈ ਗਈ | ਇਸ ਮੌਕੇ 'ਤੇ ਕੜਾਹ ਪ੍ਰਸ਼ਾਦ ਦਾ ਲੰਗਰ ਲਾਇਆ ਗਿਆ | ਇਸ ਮੌਕੇ 'ਤੇ ਜਾਣਕਾਰੀ ਦਿੰਦੇ ਹੋਏ ਐਡਵੋਕੇਟ ਅਨਿਲ ਪਾਠਕ, ਸੁਸ਼ੀਲ ਭਾਰਦਵਾਜ, ਸੁਰਿੰਦਰ ਕੌਸ਼ਲ, ਰਵੀ ਕੁਮਾਰ ਅਤੇ ਹੋਰਨਾਂ ਨੇ ਦੱਸਿਆ ਕਿ ਅੱਜ ਹਨੂੰਮਾਨ ਜੈਯੰਤੀ ਕਾਰਨ ਸਮੂਹ ਮੰਦਰਾਂ ਵਿਚ ਕਾਫੀ ਜ਼ਿਆਦਾ ਰੌਣਕਾਂ ਲੱਗੀਆਂ ਹੋਈਆਂ ਹਨ ਅਤੇ ਥਾਂ-ਥਾਂ 'ਤੇ ਸ਼ਰਧਾਲੂਆਂ ਵਲੋਂ ਲੰਗਰ ਲਾਏ ਗਏ ਹਨ | ਇਸ ਮੌਕੇ 'ਤੇ ਮੰਦਰਾਂ ਵਿਚ ਸ਼ਰਧਾਲੂਆਂ ਦੀ ਭੀੜ ਵੇਖੀ ਗਈ | ਭਗਤਾਂ ਵਲੋਂ ਬਜਰੰਗ ਬਲੀ ਦੇ ਦਰਸ਼ਨ ਕੀਤੇ ਗਏ ਅਤੇ ਸੁੱਖ ਸ਼ਾਂਤੀ ਦੀ ਕਾਮਨਾ ਕੀਤੀ ਗਈ | ਸ਼ਰਧਾਲੂਆਂ ਨੇ ਸੁੰਦਰ ਕਾਂਡ ਦੇ ਜਾਪ ਕੀਤੇ | ਮੰਦਰਾਂ ਵਿਚ ਸ਼ਰਧਾਲੂਆਂ ਵਲੋਂ ਸਿੰਧੂਰ, ਚੋਲਾ ਅਤੇ ਲੱਡੂਆਂ ਦਾ ਭੋਗ ਲਾਇਆ ਗਿਆ | ਇਸੇ ਤਰ੍ਹਾਂ ਕਚਹਿਰੀ 'ਚ ਵੀ ਕੜਾਹ ਪ੍ਰਸ਼ਾਦ ਦਾ ਲੰਗਰ ਲਾਇਆ ਗਿਆ | ਹੋਰਨਾਂ ਸਮੇਤ ਰਾਕੇਸ਼ ਮਹਿਤਾ, ਹਰਬੰਸ ਸਿੰਘ ਮੰਡਲ, ਰਜਿੰਦਰ ਸਿੰਘ ਅਲੂਣਾ, ਕੇ.ਡੀ. ਸ਼ਰਮਾ, ਵਿਰਾਟ ਗੁਪਤਾ, ਸੰਜੇ ਬਾਲੀ, ਸ਼ਿਵ ਬਾਵਾ, ਹਰਸ਼ ਧਵਨ, ਉਮੇਸ਼ ਪਾਂਡੇ, ਤਿਲਕ ਰਾਜ, ਹੇਮੰਤ ਥਿਆੜਾ, ਸੁਨੀਲ ਸੇਤੀਆ, ਸੁਖਵਿੰਦਰ ਸਿੰਘ ਹੰਜਰਾ, ਨੀਰਜ ਵਰਮਾ, ਜਗਦੀਪ ਸਿੰਘ ਗਿੱਲ, ਐੱਸ.ਪੀ. ਸਿੰਘ, ਪੁਜਾਰਾ ਰਾਮ, ਪੰਕਜ ਪਾਠਕ ਅਤੇ ਹੋਰ ਵਕੀਲ ਵੱਡੀ ਗਿਣਤੀ 'ਚ ਹਾਜ਼ਰ ਸਨ |
