ਪਟਿਆਲਾ, 23 ਅਪ੍ਰੈਲ (ਮਨਦੀਪ ਸਿੰਘ ਖਰੌੜ)-ਸ੍ਰੀ ਗੁਰੂ ਨਾਨਕ ਪਾਣੀ ਬਚਾਓ ਦਰਖ਼ਤ ਲਗਾਓ ਮਿਸ਼ਨ ਪੰਜਾਬ ਦੀ ਬੈਠਕ ਬਲਕਾਰ ਸਿੰਘ ਕਾਹਨਾਹੇੜੀ ਦੀ ਪ੍ਰਧਾਨਗੀ ਹੇਠ ਹੋਈ | ਮੀਟਿੰਗ ਵਿਚ ਕਿਸਾਨਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਉਹ ਕਣਕ ਦੀ ਰਹਿੰਦ-ਖੂੰਹਦ ਨੂੰ ਅੱਗ ਨਾ ਲਗਾਉਣ | ਵਾਤਾਵਰਨ ਸਾਫ਼-ਸੁਥਰਾ ਰੱਖਣ ਲਈ ਕਿਸਾਨ ਅੱਗੇ ਆਉਣ | ਪਿਛਲੀ ਝੋਨੇ ਦੀ ਫ਼ਸਲ ਵਿਚ ਬਹੁਤੇ ਕਿਸਾਨ ਅੱਗ ਲਗਾਉਣੀ ਛੱਡ ਗਏ ਸਨ | ਧਰਤੀ ਦੀ ਵੱਧ ਰਹੀ ਤਪਸ਼ ਤੇ ਪੈ ਰਹੀ ਗਰਮੀ ਵਿਚ ਅੱਗ ਲਗਾਉਣ ਨਾਲ ਹੋਰ ਤਪਸ਼ ਵੱਧ ਜਾਂਦੀ ਹੈ ਤੇ ਮਿੱਟੀ ਦੀ ਉਪਜਾਊ ਸ਼ਕਤੀ ਘੱਟ ਜਾਂਦੀ ਹੈ | ਅੱਗ ਲਗਾਉਣ ਨਾਲ ਬਹੁਤ ਸਾਰੇ ਪਲੇ ਹੋਏ ਬੂਟੇ, ਦਰਖ਼ਤ, ਜੰਮ ਰਹੇ ਬੂਟੇ ਸੜ ਜਾਂਦੇ ਹਨ | ਧੰੂਏਾ ਕਰਕੇ ਸੜਕਾਂ ਤੇ ਹਾਦਸੇ ਹੋ ਜਾਂਦੇ ਹਨ ਤੇ ਜੀਵ-ਜੰਤੂ ਸੜ ਜਾਂਦੇ ਹਨ | ਸ੍ਰੀ ਗੁਰੂ ਨਾਨਕ ਮਿਸ਼ਨ ਵਲੋਂ ਇਕ ਵਾਰ ਫਿਰ ਕਿਸਾਨ ਭਰਾਵਾਂ ਨੂੰ ਅਪੀਲ ਕੀਤੀ ਜਾਂਦੀ ਹੈ ਕਿ ਰਹਿੰਦ ਖੂੰਹਦ ਨੂੰ ਅੱਗ ਨਾ ਲਗਾ ਕੇ ਆਪਣਾ ਸਮਾਜਿਕ ਫ਼ਰਜ਼ ਸਮਝਣ | ਧਰਤੀ ਜਿਸ ਉੱਤੇ ਅਸੀਂ ਸਾਰੇ ਜੀਵ ਰਹਿ ਰਹੇ ਹਾਂ ਇਸ ਧਰਤੀ ਤੇ ਵਾਤਾਵਰਨ ਦਾ ਸਹੀ ਸੰਤੁਲਨ ਬਣਾ ਕੇ ਰੱਖਣਾ ਵੀ ਸਾਡਾ ਫ਼ਰਜ਼ ਹੈ | ਇਸ ਲਈ ਕਿਸਾਨ ਵੱਧ ਤੋਂ ਵੱਧ ਬੂਟੇ ਵੀ ਲਾਉਣ | ਜੇ ਅਸੀਂ ਇਨ੍ਹਾਂ ਗੱਲਾਂ 'ਤੇ ਅਮਲ ਨਹੀਂ ਕਰਦੇ ਤਾਂ ਜਿਸ ਟਾਹਣੀ ਉੱਤੇ ਅਸੀਂ ਬੈਠੇ ਹਾਂ, ਉਸੇ ਨੂੰ ਵੱਢਣ ਲੱਗ ਰਹੇ ਹਾਂ, ਵਾਲੀ ਗੱਲ ਬਣ ਜਾਣੀ ਹੈ | ਮੀਟਿੰਗ ਵਿਚ ਜਗਰੂਪ ਸਿੰਘ ਪੰਜੋਲਾ, ਹਰਫੂਲ ਸਿੰਘ ਬੋਸਰ, ਦੀਦਾਰ ਸਿੰਘ, ਗੁਰਕਿ੍ਪਾਲ ਸਿੰਘ ਕਸਿਆਣਾ, ਜਗਜੀਤ ਬਾਰਨ, ਭੁਪਿੰਦਰ ਸਿੰਘ, ਰਵਿੰਦਰ ਸਿੰਘ, ਰਣਦੀਪ ਸਿੰਘ ਆਦਿ ਸ਼ਾਮਲ ਹੋਏ |
