ਰਾਜਪੁਰਾ, 27 ਅਪ੍ਰੈਲ (ਰਣਜੀਤ ਸਿੰਘ)-ਖੇੜੀ ਗੰਡਿਆਂ ਪੁਲਿਸ ਨੇ ਪਤਨੀ ਦੀ ਸ਼ਿਕਾਇਤ 'ਤੇ ਪਤੀ ਦੇ ਖ਼ਿਲਾਫ਼ ਆਪਣੀ ਨਾਬਾਲਗ ਲੜਕੀ ਨੂੰ ਮਾਰਨ ਦੇ ਦੋਸ਼ 'ਚ ਕੇਸ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ | ਜਾਣਕਾਰੀ ਮੁਤਾਬਿਕ ਪੁਲਿਸ ਪੁਲਿਸ ਕੋਲ ਚੌਹਾਨ ਕਾਲੋਨੀ ਵਾਸੀ ਪਤਨੀ ਨੇ ਸ਼ਿਕਾਇਤ ਦਰਜ ਕਰਵਾਈ ਕਿ ਉਸ ਦਾ ਵਿਆਹ ਸਾਲ 2009 ਵਿਚ ਪਰਮਜੀਤ ਸਿੰਘ ਵਾਸੀ ਅਲੀਪੁਰ ਮੰਡਵਾਲ ਦੇ ਨਾਲ ਹੋਇਆ ਸੀ | ਵਿਆਹ ਤੋਂ ਬਾਅਦ ਉਨ੍ਹਾਂ ਦੇ ਘਰ ਇਕ ਲੜਕਾ ਏਕਮਜੀਤ ਸਿੰਘ ਅਤੇ ਲੜਕੀ ਮਨਿੰਦਰ ਕੌਰ ਉਮਰ ਕਰੀਬ 15 ਸਾਲ ਪੈਦਾ ਹੋਏ ਸਨ | ਬੀਤੇ ਕਰੀਬ ਤਿੰਨ ਸਾਲ ਤੋਂ ਦੋਵੇਂ ਪਤੀ-ਪਤਨੀ ਕਿਸੇ ਗੱਲੋਂ ਵੱਖ-ਵੱਖ ਰਹਿ ਰਹੇ ਸਨ | ਲੜਕਾ ਏਕਮਜੀਤ ਸਿੰਘ ਆਪਣੀ ਮਾਤਾ ਕੋਲ ਰਹਿੰਦਾ ਸੀ ਜਦ ਕਿ ਲੜਕੀ ਮਨਿੰਦਰ ਕੌਰ ਆਪਣੇ ਪਿਤਾ ਪਰਮਜੀਤ ਸਿੰਘ ਦੇ ਕੋਲ ਰਹਿੰਦੀ ਸੀ | ਸ਼ਿਕਾਇਤ ਮੁਤਾਬਿਕ ਪਰਮਜੀਤ ਸਿੰਘ ਆਪਣੇ ਪਤਨੀ ਨੂੰ ਅਕਸਰ ਕਹਿੰਦਾ ਰਹਿੰਦਾ ਸੀ ਕਿ ਘਰ ਵਾਪਸ ਆ ਜਾਓ ਨਹੀਂ ਤਾਂ ਉਹ ਲੜਕੀ ਮਨਿੰਦਰ ਕੌਰ ਨੂੰ ਮਾਰ ਦੇਵੇਗਾ | ਬੀਤੇ ਕੱਲ੍ਹ ਪਤਨੀ ਕੋਲ ਫ਼ੋਨ ਆਇਆ ਕਿ ਕਥਿਤ ਦੋਸ਼ੀ ਪਰਮਜੀਤ ਸਿੰਘ ਨੇ ਆਪਣੇ ਪਰਿਵਾਰਕ ਮੈਂਬਰਾਂ ਦੇ ਨਾਲ ਮਿਲ ਕੇ ਮਨਪ੍ਰੀਤ ਕੌਰ ਨੂੰ ਫਾਹਾ ਲਾ ਕੇ ਮਾਰ ਦਿੱਤਾ ਹੈ | ਇਹ ਵੀ ਇਤਲਾਹ ਮਿਲੀ ਕਿ ਮਨਿੰਦਰ ਕੋਰ ਦਾ ਅੰਤਿਮ ਸੰਸਕਾਰ ਵੀ ਕਰ ਦਿੱਤਾ ਹੈ | ਇਸ ਦੀ ਸੂਚਨਾ ਜਦੋਂ ਪੁਲਿਸ ਨੰੂ ਮਿਲੀ ਤਾਂ ਪੁਲਿਸ ਪਿੰਡ ਪੁੱਜੀ ਪਰ ਉਸ ਵਕਤ ਤੱਕ ਮਨਿੰਦਰ ਕੌਰ ਦਾ ਸੰਸਕਾਰ ਹੋ ਗਿਆ ਸੀ | ਇਸ 'ਤੇ ਪੁਲਿਸ ਨੇ ਪਤਨੀ ਦੀ ਸ਼ਿਕਾਇਤ 'ਤੇ ਪਰਮਜੀਤ ਸਿੰਘ ਦੇ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ | ਇਹ ਸ਼ੱਕ ਕੀਤਾ ਜਾ ਰਿਹਾ ਹੈ ਕਿ ਪਰਮਜੀਤ ਸਿੰਘ ਨੇ ਸਬੂਤਾਂ ਨੂੰ ਮਿਟਾਉਣ ਲਈ ਅੰਤਿਮ ਸੰਸਕਾਰ ਕਰ ਦਿੱਤਾ ਸੀ |
