ਪਟਿਆਲਾ, 27 ਮਈ (ਮਨਦੀਪ ਸਿੰਘ ਖਰÏੜ)-11 ਮਈ ਨੂੰ ਪਟਿਆਲਾ ਪੁਲਿਸ ਵਲੋਂ ਇਕ ਵਿਅਕਤੀ ਨੂੰ 25 ਹਜ਼ਾਰ ਨਕਲੀ ਕਰੰਸੀ ਸਮੇਤ ਗਿ੍ਫ਼ਤਾਰ ਕੀਤਾ ਸੀ | ਇਸ ਕੇਸ ਦੀ ਪੈਰਵਾਈ ਕਰਦਿਆਂ ਪੁਲਿਸ ਟੀਮਾਂ ਪਟਿਆਲਾ ਜੇਲ 'ਚ ਬੰਦ ਇਕ ਵਿਅਕਤੀ ਨੂੰ ਪ੍ਰੋਡਕਸ਼ਨ ਵਾਰੰਟ 'ਤੇ ਪੁੱਛਗਿੱਛ ਲਈ ਲੈ ਕੇ ਆਵੇਗੀ | ਸੂਤਰਾਂ ਦਾ ਕਹਿਣਾ ਹੈ ਕਿ ਇਸ ਮਾਮਲੇ 'ਚ ਗਿ੍ਫ਼ਤਾਰ ਕੀਤੇ ਮੁਲਜ਼ਮ ਗੋਪਾਲ ਡਾਬੀ ਤੋਂ ਮੁੱਢਲੀ ਪੁੱਛਗਿੱਛ ਦੌਰਾਨ ਅਹਿਮ ਖ਼ੁਲਾਸੇ ਹੋਏ ਹਨ | ਜਿਸ ਤਹਿਤ ਪਟਿਆਲਾ ਜੇਲ 'ਚੋਂ ਇਕ ਬੰਦੀ ਨੇ ਇਸ ਮਾਮਲੇ 'ਚ ਪੁੱਛ ਪੜਤਾਲ ਕਰਨ ਲਈ ਜਲਦ ਹੀ ਲਿਜਾਇਆ ਜਾਵੇਗਾ | ਇਸ ਕੇਸ ਦੀ ਪੜਤਾਲ ਕਰ ਰਹੇ ਸੀ.ਆਈ.ਏ. ਪਟਿਆਲਾ ਦੇ ਮੁਖੀ ਪ੍ਰਦੀਪ ਸਿੰਘ ਬਾਜਵਾ ਨੇ ਦਸਿਆ ਕਿ ਹਾਲੇ ਇਸ ਕੇਸ ਦੀ ਪੜਤਾਲ ਕਈ ਪੱਖਾਂ ਤੋਂ ਚਲ ਰਹੀ ਹੈ ਤੇ ਪ੍ਰੋਡਕਸ਼ਨ ਵਾਰੰਟ 'ਤੇ ਕਿਸ ਬੰਦੀ ਨੂੰ ਲੈ ਕੇ ਆ ਰਹੇ ਹਨ ਅਤੇ ਉਸ ਦਾ ਇਸ ਕੇਸ ਨਾਲ ਕੀ ਸੰਬੰਧੀ ਉਨਾਂ ਕੁਝ ਵੀ ਨਹੀਂ ਦਸਿਆ | ਦਸਣਯੋਗ ਹੈ ਕਿ ਪੱਛਮੀ ਬੰਗਾਲ ਤੋਂ ਪੰਜਾਬ 'ਚ ਨਕਲੀ ਕਰੰਸੀ ਲਿਆਉਣ ਵਾਲੇ ਮੁਲਜ਼ਮ ਨੂੰ ਸੀਆਈਏ ਪਟਿਆਲਾ ਦੇ ਮੁਖੀ ਪ੍ਰਦੀਪ ਸਿੰਘ ਬਾਜਵਾ ਦੀ ਅਗਵਾਈ ਵਾਲੀ ਪੁਲਿਸ ਪਾਰਟੀ ਨੇ ਬੀਤੇ ਦਿਨੀਂ ਗਿ੍ਫ਼ਤਾਰ ਕੀਤਾ ਸੀ | ਮੁਲਜ਼ਮ ਤੋਂ ਪੁੱਛ ਪੜਤਾਲ ਦੌਰਾਨ ਪਤਾ ਲੱਗਾ ਕਿ ਮੁਲਜ਼ਮ ਨੇ ਜਲਦੀ ਪੈਸੇ ਕਮਾਉਣ ਦੇ ਚੱਕਰ 'ਚ ਪੱਛਮੀ ਬੰਗਾਲ ਤੋਂ 200-200 ਦੇ ਨੋਟਾਂ ਦੀ 25000 ਰੁਪਏ ਦੀ ਭਾਰਤੀ ਕਰੰਸੀ ਮੰਗਵਾਈ ਸੀ¢ ਉਸ ਨੇ ਮੰਨਿਆ ਕਿ ਇਹ ਤਾਂ ਉਸ ਨੇ ਸੈਂਪਲ ਹੀ ਮੰਗਵਾਇਆ ਸੀ ਜੇਕਰ ਇਹ ਮਾਰਕੀਟ ਵਿਚ ਚੱਲ ਜਾਂਦਾ ਤਾਂ ਉਸ ਨੇ ਹੋਰ ਵੱਡੀ ਮਾਤਰਾ ਵਿਚ ਨਕਲੀ ਕਰੰਸੀ ਮੰਗਵਾਉਣੀ ਸੀ¢
