ਪਟਿਆਲਾ, 11 ਜੂਨ (ਮਨਦੀਪ ਸਿੰਘ ਖਰੌੜ)-ਅਨਾਜ ਮੰਡੀ ਥਾਣੇ 'ਚ ਚੰਚਲਦੀਪ ਕੌਰ ਨੇ ਸ਼ਿਕਾਇਤ ਦਰਜ ਕਰਵਾਈ ਕਿ ਸੜਕ ਹਾਦਸੇ 'ਚ ਉਸ ਦੇ ਪਤੀ ਦੀ ਮੌਤ ਹੋ ਗਈ ਹੈ | ਪੁਲਿਸ ਕੋਲ ਲਿਖਵਾਈ ਸ਼ਿਕਾਇਤ 'ਚ ਚੰਚਲਦੀਪ ਕੌਰ ਨੇ ਦੱਸਿਆ ਕਿ ਉਸ ਦਾ ਪਤੀ ਆਪਣੀ ਕਾਰ 'ਤੇ ਡੀ.ਐਮ.ਡਬਲਿਊ. ਪੁਲ ਕੋਲ ਜਾ ਰਿਹਾ ਸੀ ਕਿ ਕੋਈ ਨਾਮਾਲੂਮ ਗੱਡੀ ਵਾਲੇ ਨੇ ਆਪਣੀ ਗੱਡੀ ਤੇਜ਼ ਤੇ ਲਾਪਰਵਾਹੀ ਨਾਲ ਲਿਆ ਕੇ ਉਸ ਦੇ ਪਤੀ ਦੀ ਗੱਡੀ 'ਚ ਮਾਰੀ | ਇਸ ਹਾਦਸੇ 'ਚ ਉਸ ਦੇ ਪਤੀ ਹਰਜੀਤਇੰਦਰ ਸਿੰਘ ਦੀ ਮੌਤ ਹੋ ਗਈ | ਪੁਲਿਸ ਨੇ ਮਾਮਲਾ ਦਰਜ ਕਰ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ |
