ਪਟਿਆਲਾ, 15 ਜੂਨ (ਮਨਦੀਪ ਸਿੰਘ ਖਰੌੜ)-ਇੱਥੋਂ ਦੇ ਪਿੰਡ ਢਕੜੱਬਾ ਕੋਲ ਨਹਿਰੀ ਵਿਭਾਗ ਦੇ ਬੇਆਬਾਦ ਪਏ ਰੈਸਟ ਹਾਊਸ ਨੇੜੇ ਇਕ ਕੈਂਟਰ 'ਚੋਂ 5 ਥੈਲੇ ਭੁੱਕੀ ਦੇ ਥਾਣਾ ਪਸਿਆਣਾ ਪੁਲਿਸ ਨੂੰ ਬਰਾਮਦ ਹੋਏ ਹਨ | ਇਸ ਸੰਬੰਧੀ ਪੁਲਿਸ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਗਸ਼ਤ ਦੌਰਾਨ ਸੂਚਨਾ ਮਿਲੀ ਕਿ ਉਕਤ ਗੈੱਸਟ ਹਾਊਸ ਲਾਗੇ ਕੋਈ ਭੁੱਕੀ ਲੈ ਕੇ ਆ ਰਿਹਾ ਹੈ | ਜਦੋਂ ਪੁਲਿਸ ਟੀਮ ਉੱਥੇ ਪਹੁੰਚੀ ਤਾਂ ਕੁੱਝ ਵਿਅਕਤੀ ਕੈਂਟਰ 'ਚੋਂ ਥੈਲੇ ਉਤਾਰ ਕੇ ਉੱਥੋਂ ਮੌਕੇ ਤੋਂ ਫ਼ਰਾਰ ਹੋ ਗਏ | ਜਦੋਂ ਉਨ੍ਹਾਂ ਨੇ ਥੈਲੇ ਚੈੱਕ ਕੀਤੇ ਤਾਂ ਉਨ੍ਹਾਂ ਵਿਚੋਂ 70 ਕਿੱਲੋ ਭੁੱਕੀ ਬਰਾਮਦ ਹੋਈ | ਮੌਕੇ 'ਤੇ ਕੈਂਟਰ ਦਾ ਨੰਬਰ ਵੀ ਨਹੀਂ ਫੜਿਆ ਗਿਆ, ਜਿਸ ਆਧਾਰ 'ਤੇ ਪੁਲਿਸ ਨੇ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ |
