ਡੀ. ਏ. ਵੀ. ਪਬਲਿਕ ਸਕੂਲ ’ਚ ਮਹੀਨੇ ਭਰ ਚੱਲਣ ਵਾਲੀ ਹਵਨ-ਯੱਗ ਲੜੀ ਦਾ ਸ਼ੁਭ ਆਰੰਭ
ਪਟਿਆਲਾ, 3 ਅਗਸਤ (ਧਰਮਿੰਦਰ ਸਿੰਘ ਸਿੱਧੂ)-ਡੀ. ਏ.
ਪਟਿਆਲਾ, 3 ਅਗਸਤ (ਧਰਮਿੰਦਰ ਸਿੰਘ ਸਿੱਧੂ)-ਡੀ. ਏ. ਵੀ. ਪਬਲਿਕ ਸਕੂਲ ਭੂਪਿੰਦਰਾ ਰੋਡ, ਪਟਿਆਲਾ ਵਿਖੇ ਮਹੀਨੇ ਭਰ ਚੱਲਣ ਵਾਲੀ ਹਵਨ-ਯੱਗ ਲੜੀ ਦਾ ਸ਼ੁਭ ਆਰੰਭ ਸ਼ਰਧਾ, ਭਗਤੀ ਤੇ ਵੈਦਿਕ ਮੰਤਰ ਉਚਾਰਣ ਦੇ ਮਾਹੌਲ ’ਚ ਕੀਤਾ। ਪਹਿਲੇ ਦਿਨ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਨੇ ਉਤਸ਼ਾਹ ਨਾਲ ਭਾਗ ਲਿਆ, ਜਿਸ ਨਾਲ ਸਕੂਲ ਦਾ ਸਮੂਹ ਕੈਂਪਸ ਸ਼ਾਂਤੀ, ਸਕਾਰਾਤਮਕਤਾ ਤੇ ਆਧਿਆਤਮਿਕ ਊਰਜਾ ਨਾਲ ਗੂੰਜ ਉੱਠਿਆ। ਸਮਾਗਮ ਦੌਰਾਨ ਭਾਵਪੂਰਣ ਭਜਨਾਂ ਦੀ ਪੇਸ਼ਕਾਰੀ ਨੇ ਵਾਤਾਵਰਨ ਨੂੰ ਹੋਰ ਵੀ ਭਗਤੀਮਈ ਬਣਾ ਦਿੱਤਾ। ਇਸ ਮੌਕੇ ਮਹਾਨ ਆਜ਼ਾਦੀ ਸੈਨਾਨੀ ਸ਼ਹੀਦ ਊਧਮ ਸਿੰਘ ਨੂੰ ਭਾਵਭਿੰਨੀ ਸ਼ਰਧਾਂਜਲੀ ਅਰਪਿਤ ਕੀਤੀ ਗਈ ਅਤੇ ਉਨ੍ਹਾਂ ਦੇ ਬੇਮਿਸਾਲ ਸਾਹਸ, ਦੇਸ਼ਭਗਤੀ ਤੇ ਮਾਤ੍ਰਭੂਮੀ ਲਈ ਦਿੱਤੀ ਗਈ ਸਰਵਉੱਚ ਕੁਰਬਾਨੀ ਨੂੰ ਨਮਨ ਕੀਤਾ ਗਿਆ। ਇਸ ਮੌਕੇ ਸਕੂਲ ਦੇ ਪ੍ਰਿੰਸੀਪਲ ਵਿਵੇਕ ਤਿਵਾਰੀ ਨੇ ਕਿਹਾ, “ਸ੍ਰਾਵਣੀ ਉਪਾਕਰਮ ਸਾਨੂੰ ਆਤਮ- ਅਨੁਸ਼ਾਸਨ, ਪਵਿੱਤਰਤਾ ਤੇ ਸੇਵਾ ਵਰਗੇ ਸਦੀਵੀ ਜੀਵਨ-ਮੁੱਲਾਂ ਦੀ ਯਾਦ ਦਿਵਾਉਂਦਾ ਹੈ। ਮਹੀਨੇ ਭਰ ਚੱਲਣ ਵਾਲੀ ਇਹ ਹਵਨ-ਯੱਗ ਲੜੀ ਵਿਦਿਆਰਥੀਆਂ ਵਿਚ ਆਧਿਆਤਮਿਕ ਚੇਤਨਾ ਨੂੰ ਮਜ਼ਬੂਤ ਕਰੇਗੀ ਅਤੇ ਉਨ੍ਹਾਂ ਨੂੰ ਸਾਡੀ ਸਮ੍ਰਿੱਧ ਵੇਦਿਕ ਵਿਰਾਸਤ ਅਤੇ ਰਾਸ਼ਟਰੀ ਨਾਇਕਾਂ ਦੇ ਆਦਰਸ਼ਾਂ ’ਤੇ ਚੱਲਣ ਲਈ ਪ੍ਰੇਰਿਤ ਕਰੇਗੀ।” ਸਮਾਗਮ ਦਾ ਸਮਾਪਨ ਵਿਸ਼ਵ ਸ਼ਾਂਤੀ, ਖੁਸ਼ਹਾਲੀ ਤੇ ਸਮੂਹ ਮਨੁੱਖਤਾ ਦੀ ਭਲਾਈ ਲਈ ਅਰਦਾਸ ਨਾਲ ਕੀਤਾ ਗਿਆ। ਸਕੂਲ ਵਿਚ ਸ੍ਰਾਵਣੀ ਉਪਾਕਰਮ ਮਾਸ ਦੌਰਾਨ ਹਰ ਰੋਜ਼ ਹਵਨ-ਯੱਗ ਦਾ ਆਯੋਜਨ ਕੀਤਾ ਜਾਵੇਗਾ।
