ਗਿੱਦੜਬਾਹਾ, 31 ਦਸੰਬਰ (ਪਰਮਜੀਤ ਸਿੰਘ ਥੇੜ੍ਹੀ)-ਭਾਈਚਾਰਕ ਸਾਂਝ ਐੱਨ.ਜੀ.ਓ. ਵਲੋਂ ਦਾਨੀ ਸੱਜਣਾ ਦੀ ਸਹਿਯੋਗ ਨਾਲ ਇਕ ਲੋੜਵੰਦ ਮਰੀਜ਼ ਦਾ ਆਪ੍ਰੇਸ਼ਨ ਕਰਵਾਇਆ ਗਿਆ | ਜਾਣਕਾਰੀ ਦਿੰਦੇ ਹੋਏ ਸੰਸਥਾ ਦੇ ਹਰਪ੍ਰੀਤ ਸਿੰਘ ਮੱਕੜ ਨੇ ਦੱਸਿਆ ਕਿ ਇਕ ਮਹਿਲਾ ਮਰੀਜ਼ ਦਾ ਕਿਸੇ ਬਿਮਾਰੀ ਨੂੰ ਲੈ ਕੇ ਆਪ੍ਰੇਸ਼ਨ ਹੋਣਾ ਜ਼ਰੂਰੀ ਸੀ, ਜਿਸ ਸੰਬੰਧੀ ਸੰਸਥਾ ਨੂੰ ਪਤਾ ਲੱਗਣ 'ਤੇ ਸਮਾਜ ਸੇਵੀ ਪੰਕਜ ਕਿੰਗਰ, ਪਰਮਿੰਦਰ ਸਿੰਘ, ਨਮਨ ਜੈਨ, ਇੰਸਪੈਕਟਰ ਗੁਰਦੀਪ ਸਿੰਘ ਕੁੱਕੜ, ਮਨਜੋਤ ਸਿੰਘ ਜੈਤੋ ਤੇ ਪ੍ਰਦੀਪ ਸਰਾਂ ਬਠਿੰਡਾ ਨੇ ਮਰੀਜ਼ ਮਹਿਲਾ ਦਾ ਆਪ੍ਰੇਸ਼ਨ ਮਾਤਾ ਸੰਤੋਸ਼ੀ ਹਸਪਤਾਲ ਗਿੱਦੜਬਾਹਾ ਤੋਂ ਕਰਵਾਇਆ | ਇਸ ਮੌਕੇ ਪੀੜਤ ਮਹਿਲਾ ਦੇ ਪਰਿਵਾਰਕ ਮੈਂਬਰਾਂ ਨੇ ਸੰਸਥਾ, ਦਾਨੀ ਸੱਜਣਾਂ ਤੇ ਡਾ. ਭਰਤਦੀਪ ਗਰਗ ਦਾ ਇਸ ਸਹਾਇਤਾ ਲਈ ਧੰਨਵਾਦ ਕੀਤਾ | ਇਸ ਮੌਕੇ ਅਮਨਪ੍ਰੀਤ ਸਿੰਘ, ਗੁਰਦੀਪ ਸਿੰਘ, ਸੰਦੀਪ ਕੌਰ, ਸਵਰਨ ਕੌਰ, ਪਿੰਕੀ, ਨਿਤਿਸ਼ ਪੁਨਹਾਨੀ, ਸਾਹਿਲ ਗੋਇਲ ਅਤੇ ਅਮਰਜੀਤ ਸਿੰਘ ਮੱਕੜ ਆਦਿ ਹਾਜ਼ਰ ਸਨ |
