ਫਰੀਦਕੋਟ

ਬਾਵਰੀਆ ਸਮਾਜ ਨੇ ਵਾਛੜੀਆ ਤਿਉਹਾਰ ਸ਼ਰਧਾ ਤੇ ਉਤਸ਼ਾਹ ਨਾਲ ਮਨਾਇਆ

ਸਾਦਿਕ ਵਿਖੇ ਵਾਛੜੀਆ ਤਿਉਹਾਰ ਮਨਾਉਣ ਲਈ ਪੁਰਾਤਨ ਪਹਿਰਾਵੇ 'ਚ ਸਜੀਆਂ ਬਾਵਰੀਆ ਸਮਾਜ ਦੀਆਂ ਔਰਤਾਂ ਸਵੇਰ ਸਮੇਂ ਜੰਡੀ ਦੀ ਪੂਜਾ ਕਰਨ ਲਈ ਜਾਂਦੀਆਂ ਹਨ | ਤਸਵੀਰ : ਆਰ. ਐਸ. ਧੁੰਨਾ <br/> 11-03-2026

ਸਾਦਿਕ, 10 ਮਾਰਚ (ਆਰ. ਐਸ. ਧੁੰਨਾ)-ਸਾਦਿਕ ਵਿਖੇ ਬਾਵਰੀਆ ਸਮਾਜ ਵਲੋਂ ਵਾਛੜੀਆ ਤਿਉਹਾਰ ਸ਼ਰਧਾ ਤੇ ਉਤਸ਼ਾਹ ਨਾਲ ਮਨਾਇਆ ਗਿਆ | ਇਸ ਤਿਉਹਾਰ ਨੂੰ ਮਨਾਉਣ ਲਈ ਸਵੇਰ ਸਮੇਂ ਜੰਡੀ ਦੀ ਪੂਜਾ ਕਰਨ ਲਈ ਪੁੂਜਾ ਸਥਾਨ 'ਤੇ ਪਹੁੰਚੀਆਂ ਬਾਵਰੀਆ ਸਮਾਜ ਦੀਆਂ ਔਰਤਾਂ ਆਪਣੇ ਪੁਰਾਤਨ ਪਹਿਰਾਵੇ 'ਚ ਸਜੀਆਂ ਹੋਈਆਂ ਸਨ | ਇਸ ਮੌਕੇ ਪੂਜਾ ਕਰ ਰਹੀਆਂ ਔਰਤਾਂ ਨੇ ਇਸ ਤਿਉਹਾਰ ਸਬੰਧੀ ਦੱਸਿਆ ਕਿ ਮਾਤਾ ਰਾਣੀ ਦਾ ਵਾਛੜੀਆ ਤਿਉਹਾਰ ਸਦੀਆਂ ਤੋਂ ਬਾਵਰੀਆ ਸਮਾਜ ਮਨਾਉਂਦਾ ਆ ਰਿਹਾ ਹੈ ਤੇ ਇਸ ਤਿਉਹਾਰ ਦੀ ਉਨ੍ਹਾਂ ਨੂੰ ਬੜੀ ਉਡੀਕ ਰਹਿੰਦੀ ਹੈ | ਉਨ੍ਹਾਂ ਦੱਸਿਆ ਕਿ ਇਸ ਤਿਉਹਾਰ ਨੂੰ ਮਨਾਉਣ ਲਈ ਰਾਤ ਸਮੇਂ ਗੁੜ ਵਾਲੇ ਮਿੱਠੇ ਚੌਲ ਬਣਾਏ ਜਾਂਦੇ ਹਨ ਤੇ ਔਰਤਾਂ ਵਲੋਂ ਆਪਣੇ ਹੱਥਾਂ ਤੇ ਪੈਰਾਂ ਦੀਆਂ ਤਲੀਆਂ 'ਤੇ ਮਹਿੰਦੀ ਲਗਾਈ ਜਾਂਦੀ ਹੈ |