ਫ਼ਰੀਦਕੋਟ, 2 ਅਪ੍ਰੈਲ (ਜਸਵੰਤ ਸਿੰਘ ਪੁਰਬਾ)-ਦਸਮੇਸ਼ ਡੈਂਟਲ ਕਾਲਜ ਅਤੇ ਹਸਪਤਾਲ ਫ਼ਰੀਦਕੋਟ ਵਲੋਂ ਅੱਜ 'ਆਪਣਾ ਘਰ ਆਸ਼ਰਮ' ਗੀਤਾ ਭਵਨ ਸਰਾਫ਼ਾ ਬਾਜ਼ਾਰ ਫ਼ਰੀਦਕੋਟ ਵਿਖੇ ਪ੍ਰਭੂ ਜੀ ਲਈ ਦੰਦਾਂ ਦਾ ਜਾਂਚ ਕੈਂਪ ਲਗਾਇਆ ਗਿਆ | ਅਰੁਣ ਕੁਮਾਰ ਗੁਪਤਾ ਕੈਂਪ ਚੇਅਰਮੈਨ ਤੇ ਆਸ਼ਰਮ ਦੇ ਪ੍ਰਧਾਨ/ਮੈਡੀਕਲ ਇੰਚਾਰਜ ਕੇਵਲ ਕਿ੍ਸ਼ਨ ਕਟਾਰੀਆ ਨੇ ਦੱਸਿਆ ਕਿ ਕੈਂਪ 'ਚ ਦਸਮੇਸ਼ ਡੈਂਟਲ ਕਾਲਜ ਦੇ ਪ੍ਰੋਫੈਸਰ ਡਾ. ਨਿਤਿਨ ਖੁਲਰ ਦੀ ਅਗਵਾਈ ਵਿਚ ਡਾਕਟਰਾਂ ਦੀ ਟੀਮ ਵਲੋਂ ਸਾਰੇ ਪ੍ਰਭੂ ਜੀ ਦੀ ਜਾਂਚ ਕੀਤੀ ਗਈ ਅਤੇ ਲੋੜਵੰਦ ਪ੍ਰਭੂ ਜੀ ਲਈ ਬੁਰਸ਼ ਅਤੇ ਪੇਸਟ ਦਿੱਤੀਆਂ ਗਈਆਂ | ਟੀਮ ਵਲੋਂ ਪ੍ਰਭੂ ਜੀ ਲਈ ਦੰਦਾਂ ਦੇ ਰੱਖ ਰਖਾਵ ਸਬੰਧੀ ਵੀ ਵਿਚਾਰ ਦਿੱਤੇ ਗਏ | ਕੈਂਪ 'ਚ ਵਿਜਿੰਦਰ ਨਾਇਕ, ਸਕੱਤਰ ਵਿਨੋਦ ਬਜਾਜ, ਰਜਨੀਸ਼ ਸ਼ਰਮਾ ਅਤੇ ਰਵਿੰਦਰ ਕੁਮਾਰ ਗਰਗ ਕਾਲੀ ਆਦਿ ਹਾਜ਼ਰ ਸਨ |
