ਫ਼ਰੀਦਕੋਟ, 25 ਅਪ੍ਰੈਲ (ਹਰਮਿੰਦਰ ਸਿੰਘ ਮਿੰਦਾ)-ਸਰਕਾਰੀ ਹਾਈ ਸਕੂਲ ਨਵੀਂ ਪਿੱਪਲੀ ਦੇ ਨਵੇਂ ਦਾਖ਼ਲ ਹੋਏ 30 ਵਿਦਿਆਰਥੀਆਂ ਨੂੰ ਨੈਸ਼ਨਲ ਯੂਥ ਵੈਲਫ਼ੇਅਰ ਕਲੱਬ ਰਜਿ: ਫ਼ਰੀਦਕੋਟ ਦੇ ਪ੍ਰਧਾਨ ਗੁਰਚਰਨ ਸਿੰਘ ਭੰਗੜਾ ਕੋਚ, ਮੁੱਖ ਸਲਾਹਕਾਰ ਇੰਜ. ਬਲਤੇਜ ਸਿੰਘ ਤੇਜੀ ਜੌੜਾ, ਪ੍ਰੋਗਰਾਮ ਕੋਆਰਡੀਨੇਟਰ ਨੈਬ ਸਿੰਘ ਪੁਰਬਾ, ਪ੍ਰਵਾਸੀ ਭਾਰਤੀ ਸੁਰਿੰਦਰ ਕੌਰ, ਹਰਪ੍ਰੀਤ ਸਿੰਘ ਕੈਨੇਡਾ, ਦਿਲਪ੍ਰੀਤ ਕੌਰ ਪ੍ਰੀਤੀ, ਕੁਮਾਰੀ ਕਸ਼ਿਸ਼ ਕੈਨੇਡਾ ਨੇ ਸਕੂਲ ਬੈਗ ਵੰਡੇ | ਮਾਸਟਰ ਨਵਦੀਪ ਰਿੱਕੀ ਨੇ ਸਭ ਨੂੰ ਜੀ ਆਇਆਂ ਨੂੰ ਆਖਿਆ | ਸਕੂਲੀ ਵਿਦਿਆਰਥੀਆਂ ਨੇ ਸੱਭਿਆਚਾਰਕ ਰੰਗ 'ਚ ਰੰਗੇ ਗੀਤ, ਕਵਿਤਾਵਾਂ ਦੀ ਪੇਸ਼ਕਾਰੀ ਕੀਤੀ | ਪ੍ਰਵਾਸੀ ਭਾਰਤੀਆਂ ਤੇ ਕਲੱਬ ਅਹੁਦੇਦਾਰਾਂ ਨੇ ਪੇਸ਼ਕਾਰੀਆਂ ਕਰਨ ਵਾਲੇ ਬੱਚਿਆਂ ਨੂੰ ਨਗਦ ਇਨਾਮ ਦਿੱਤੇ ਗਏ | ਮੰਚ ਸੰਚਾਲਨ ਪਿ੍ਤਪਾਲ ਕੌਰ ਨੇ ਕੀਤਾ | ਅੰਤ 'ਚ ਸਕੂਲ ਦੇ ਮੁੱਖ ਅਧਿਆਪਕਾ ਰਵਿੰਦਰ ਕੌਰ ਪੁਰੀ ਨੇ ਸਭ ਦਾ ਧੰਨਵਾਦ ਕੀਤਾ | ਇਸ ਮੌਕੇ ਰਮਨਦੀਪ ਕੌਰ, ਸੋਨੀਆ ਗੋਇਲ, ਬਿੰਦੂ, ਰੀਤੂ ਮਿੱਤਲ, ਜਗਮਿੰਦਰ ਕੌਰ ਅਤੇ ਭਲਵਿੰਦਰ ਕੌਰ ਹਾਜ਼ਰ ਸਨ |
