ਫਰੀਦਕੋਟ

ਸੀ. ਐੱਚ. ਸੀ. ਆਲਮਵਾਲਾ ਵਿਖੇ ਆਸ਼ਾ ਦਿਵਸ ਮਨਾਇਆ

ਅ

ਅਜੀਤ ਡੈਸਕ 29-04-2026

ਮਲੋਟ, 28 ਅਪ੍ਰੈਲ (ਪਾਟਿਲ)-ਐੱਸ.ਐੱਮ.ਓ. ਡਾ. ਸਿੰਪਲ ਕੁਮਾਰ ਦੀ ਅਗਵਾਈ ਵਿਚ ਅੱਜ ਸੀ.ਐੱਚ.ਸੀ. ਆਲਮਵਾਲਾ ਵਿਖੇ ਆਸ਼ਾ ਦਿਵਸ ਮਨਾਇਆ ਗਿਆ | ਇਸ ਮੌਕੇ ਡਾ. ਸਿੰਪਲ ਕੁਮਾਰ ਨੇ ਸਮੂਹ ਆਸ਼ਾ ਵਰਕਰਾਂ ਨੂੰ ਆਸ਼ਾ ਦਿਵਸ 'ਤੇ ਵਧਾਈ ਦਿੱਤੀ ਤੇ ਕਿਹਾ ਕਿ ਆਸ਼ਾ ਦਾ ਸਮਾਜ ਨੂੰ ਸਿਹਤਮੰਦ ਤੇ ਸੁਰੱਖਿਅਤ ਰੱਖਣ 'ਚ ਮੁੱਖ ਯੋਗਦਾਨ ਹੈ | ਆਸ਼ਾ ਸਿਹਤ ਵਿਭਾਗ ਤੇ ਲੋਕਾਂ ਵਿਚ ਕੜੀ ਦਾ ਕੰਮ ਕਰਦੀਆਂ ਹਨ | ਆਸ਼ਾ ਜੱਚਾ ਬੱਚਾ ਨੂੰ ਸਿਹਤ ਸੇਵਾਵਾਂ ਮੁਹੱਈਆ ਕਰਵਾਉਣ ਵਿਚ ਖ਼ਾਸ ਡਿਊਟੀ ਨਿਭਾਉਂਦੀਆਂ ਹਨ | ਆਸ਼ਾ ਵਰਕਰ ਦੇ ਕੀਤੇ ਕੰਮਾਂ ਨਾਲ ਜਿੱਥੇ ਜੱਚਾ-ਬੱਚਾ ਮੌਤ ਵਿਚ ਬਹੁਤ ਸੁਧਾਰ ਹੋਇਆ ਹੈ, ਉਥੇ ਬੱਚਿਆਂ ਦਾ ਟੀਕਾਕਰਨ ਕਰਕੇ 11 ਮਾਰੂ ਬਿਮਾਰੀਆਂ ਤੋਂ ਸੁਰੱਖਿਅਤ ਕੀਤਾ ਜਾ ਰਿਹਾ ਹੈ | ਅੱਜ ਆਸ਼ਾ ਦਿਵਸ ਮੌਕੇ ਵਧੀਆ ਸਿਹਤ ਸੇਵਾਵਾਂ ਦੇਣ ਵਾਲੀਆਂ ਆਸ਼ਾ ਵਰਕਰਜ਼ ਕਰਮਜੀਤ ਕੌਰ, ਸ਼ੀਲਾ ਰਾਣੀ ਸਬ ਸੈਂਟਰ ਛਾਪਿਆਂਵਾਲੀ ਤੇ ਬਲਵਿੰਦਰ ਕੌਰ ਸਬ ਸੈਂਟਰ ਪਿੰਡ ਮਲੋਟ ਨੂੰ ਸੀਨੀਅਰ ਮੈਡੀਕਲ ਅਫ਼ਸਰ ਸੀ.ਐੱਚ.ਸੀ. ਆਲਮਵਾਲਾ ਡਾ. ਸਿੰਪਲ ਕੁਮਾਰ ਵਲੋਂ ਸਨਮਾਨਿਤ ਕੀਤਾ ਗਿਆ |
ਇਸ ਮੌਕੇ ਡਾ. ਦੀਪਕ ਸਮਦਾਨੀ, ਚੀਫ਼ ਫਾਰਮਾਸਿਸਟ ਦੇਸਰਾਜ, ਫਾਰਮੇਸੀ ਅਫ਼ਸਰ ਪਰਮਪਾਲ ਸਿੰਘ, ਬਲਾਕ ਐਜੂਕੇਟਰ ਹਰਮਿੰਦਰ ਕੌਰ, ਬਲਾਕ ਅਕਾਊਾਟੈਂਟ ਮਨਪ੍ਰੀਤ ਕੌਰ, ਜਨਕਰਾਜ, ਗੁਰਦੇਵ ਸਿੰਘ ਅਤੇ ਫ਼ੀਲਡ ਸਟਾਫ਼ ਮੌਜੂਦ ਸੀ |