ਫਰੀਦਕੋਟ

ਕਣਕ ਦਾ ਝਾੜ ਘਟਣ ਕਰਕੇ ਕਿਸਾਨਾਂ ਨੂੰ ਪਈ ਆਰਥਿਕ ਮਾਰ

ਅ

ਅਜੀਤ ਡੈਸਕ 29-04-2026

ਬਰਗਾੜੀ, 28 ਅਪ੍ਰੈਲ (ਸੁਖਰਾਜ ਸਿੰਘ ਗੋਂਦਾਰਾ)-ਇਸ ਗੱਲ ਤੋਂ ਅਸੀਂ ਭਲੀ-ਭਾਂਤ ਵਾਕਫ਼ ਹਾਂ ਕਿ ਸਰਕਾਰਾਂ ਨੇ ਤਾਂ ਅੱਜ ਤੱਕ ਕਿਸਾਨਾਂ ਦੀ ਹਾਲਤ ਨੂੰ ਸੁਧਾਰਨ ਵੱਲ ਕੋਈ ਧਿਆਨ ਨਹੀਂ ਦਿੱਤਾ ਜਿਸ ਕਰਕੇ ਉਹ ਆਰਥਿਕ ਮਾਰ ਨਾ ਝੱਲਦੇ ਹੋਏ ਖੁਦਕਸ਼ੀਆਂ ਕਰ ਰਹੇ ਹਨ | ਕਈ ਵਾਰ ਅਜਿਹਾ ਵੀ ਹੁੰਦਾ ਹੈ ਜਿਸ 'ਤੇ ਕਿਸਾਨ ਸਭ ਤੋਂ ਜ਼ਿਆਦਾ ਭਰੋਸਾ ਕਰਦਾ ਉਹ ਕੁਦਰਤ ਵੀ ਕਿਸਾਨਾਂ ਨੂੰ ਅਣਗੌਲਿਆ ਕਰ ਦਿੰਦੀ ਹੈ | ਅਜਿਹਾ ਹੀ ਇਸ ਵਾਰ ਕਿਸਾਨਾਂ ਨਾਲ ਹੋਇਆ ਕਿ ਜਦੋਂ ਕਣਕ ਦੀ ਫ਼ਸਲ ਪੱਕਣ ਦੇ ਬਿੱਲਕੁਲ ਨਜ਼ਦੀਕ ਸੀ ਤਾਂ ਮੌਸਮ ਇਕਦਮ ਗਰਮ ਹੋ ਗਿਆ ਜਿਸ ਕਰਕੇ ਖੇਤੀ ਮਾਹਿਰਾਂ ਅਨੁਸਾਰ ਕਣਕ ਦੇ ਝਾੜ ਘੱਟ ਜਾਣ ਦੀ ਭਵਿੱਖਬਾਣੀ ਸੱਚ ਸਿੱਧ ਹੋਈ | ਇਸ ਮੌਸਮ ਦੀ ਗਰਮੀ ਕਾਰਨ ਕਣਕ ਦੇ ਝਾੜ 'ਚ 10 ਮਣ ਪ੍ਰਤੀ ਏਕੜ ਦੇ ਕਰੀਬ ਕਮੀ ਆਈ |
ਕਿਸਾਨ ਸੁਖਪਾਲ ਸਿੰਘ ਢਿੱਲੋਂ ਨੇ ਦੱਸਿਆ ਕਿ ਕਣਕ ਦੇ ਝਾੜ ਘੱਟਣ ਨਾਲ ਕਿਸਾਨਾਂ ਨੂੰ 10 ਹਜ਼ਾਰ ਰੁਪਏ ਦੇ ਕਰੀਬ ਪ੍ਰਤੀ ਏਕੜ ਆਰਥਿਕ ਮਾਰ ਪਈ ਹੈ | ਕਿਸਾਨਾਂ ਨੇ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਪਹਿਲਾ ਹੀ ਆਰਥਿਕ ਮਾਰਾਂ ਝੱਲ ਰਹੇ ਕਿਸਾਨਾਂ ਨੂੰ ਬੋਨਸ ਦਿੱਤਾ ਜਾਵੇ ਤਾਂ ਕਿ ਉਨ੍ਹਾਂ ਨੂੰ ਕੁਝ ਰਾਹਤ ਮਿਲ ਸਕੇ |