ਬਠਿੰਡਾ, 3 ਮਈ (ਅਵਤਾਰ ਸਿੰਘ ਕੈਂਥ)- ਬਠਿੰਡਾ-ਦਿੱਲੀ ਰੇਲਵੇ ਲਾਈਨ ਹਾਊਸਫੈੱਡ ਕਾਲੋਨੀ ਦੇ ਪਿੱਛੇ ਡੱਬਵਾਲੀ ਰੋਡ 'ਤੇ ਰੇਲਵੇ ਟਰੈਕ 'ਤੇ ਇਕ ਵਿਅਕਤੀ ਦੀ ਲਾਸ਼ ਦੇ ਅੰਗ ਖਿੱਲਰੇ ਪਏ ਹਨ, ਦੀ ਸੂਚਨਾ ਮਿਲਣ ਸਾਰ ਲਾਈਫ਼ ਸੇਵਿੰਗ ਬਿ੍ਗੇਡ ਹੈਲਪ ਲਾਈਨ ਟੀਮ ਮੈਂਬਰ ਸੰਦੀਪ ਗਿੱਲ ਐਂਬੂਲੈਂਸ ਟੀਮ ਸਮੇਤ ਮੌਕੇ 'ਤੇ ਪਹੁੰਚੇ¢ ਜੀ.ਆਰ.ਪੀ. ਦੇ ਏ.ਐਸ.ਆਈ. ਗੁਰਪਾਲ ਸਿੰਘ ਪੁਲਿਸ ਪਾਰਟੀ ਸਮੇਤ ਘਟਨਾ ਸਥਾਨ ਮੌਕੇ 'ਤੇ ਮੌਜੂਦ ਸਨ¢ ਜਾਣਕਾਰੀ ਅਨੁਸਾਰ ਅਜਿਹਾ ਲੱਗ ਰਿਹਾ ਸੀ ਕਿ ਰਾਤ ਸਮੇਂ ਰੇਲ ਗੱਡੀ 'ਚ ਕੋਈ ਵਿਅਕਤੀ ਡਿੱਗਣ ਕਾਰਨ ਬੁਰੀ ਤਰ੍ਹਾਂ ਫਸਣ ਕਾਰਨ ਟੁਕੜੇ-ਟੁਕੜੇ ਹੋ ਗਿਆ | ਸਹਾਰਾ ਵਰਕਰ ਦੇ ਕਹਿਣ ਮੁਤਾਬਿਕ ਲਾਸ਼ ਨੂੰ ਕਾਫੀ ਦੂਰ ਤੋਂ ਗੱਡੀ ਨੇ ਘਸੀਟਿਆ ਗਿਆ ਸੀ¢ ਜਿਸ ਕਾਰਨ ਰੇਲਵੇ ਟਰੈਕ ਦੇ ਅੱਧੇ ਕਿੱਲੋਮੀਟਰ ਤੱਕ ਲਾਸ਼ ਦੇ ਕਈ ਹਿੱਸੇ ਦੂਰ-ਦੂਰ ਤੱਕ ਖਿੰਡੇ ਹੋਏ ਸਨ¢ ਸਹਾਰਾ ਟੀਮ ਨੇ ਕਾਫ਼ੀ ਕੋਸ਼ਿਸ਼ ਕਰਨ ਤੋਂ ਬਾਅਦ ਲਾਸ਼ ਦੇ ਅੰਗ ਇਕੱਠੇ ਕੀਤੇ¢ ਪੁਲਿਸ ਨੇ ਮੌਕੇ ਦਾ ਮੁਆਇਨਾ ਕਰਨ ਬਾਅਦ ਸਹਾਰਾ ਟੀਮ ਨੇ ਮਿ੍ਤਕ ਦੀ ਲਾਸ਼ ਦੇ ਅੰਗ ਇਕੱਠੇ ਕੀਤੇ ਅਤੇ ਸਿਵਲ ਹਸਪਤਾਲ ਦੇ ਮੁਰਦਾਘਰ ਵਿਚ ਪਹੁੰਚਾਇਆ¢ ਸਹਾਰਾ ਜਨ ਸੇਵਾ ਦੇ ਪ੍ਰਧਾਨ ਗੋਇਲ ਨੇ ਕਿਹਾ ਕਿ ਲਾਸ਼ ਦੀ ਪਹਿਚਾਣ ਕਰਨ ਦੀਆਂ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ¢
