ਮੰਡੀ ਕਿੱਲਿਆਂਵਾਲੀ ’ਚ ਮਕਾਨ ’ਤੇ ਡਿੱਗੀ ਅਸਮਾਨੀ ਬਿਜਲੀ
ਮੰਡੀ ਕਿੱਲਿਆਂਵਾਲੀ , 11 ਅਕਤੂਬਰ ( ਇਕਬਾਲ ਸਿੰਘ ਸ਼ਾਂਤ )- ਇੱਥੋਂ ਦੇ ਵਾਰਡ ਨੰਬਰ 11 ਵਿਚ ਅੱਜ ਸਵੇਰੇ ਇਕ ਚਿਣਾਈ ਮਿਸਤਰੀ ਦੇ ਮਕਾਨ ’ ਤੇ ਅਸਮਾਨੀ ਬਿਜਲੀ ਡਿੱਗਣ ਕਾਰਨ ਆਰ . ਸੀ .
ਮੰਡੀ ਕਿੱਲਿਆਂਵਾਲੀ , 11 ਅਕਤੂਬਰ ( ਇਕਬਾਲ ਸਿੰਘ ਸ਼ਾਂਤ )- ਇੱਥੋਂ ਦੇ ਵਾਰਡ ਨੰਬਰ 11 ਵਿਚ ਅੱਜ ਸਵੇਰੇ ਇਕ ਚਿਣਾਈ ਮਿਸਤਰੀ ਦੇ ਮਕਾਨ ’ ਤੇ ਅਸਮਾਨੀ ਬਿਜਲੀ ਡਿੱਗਣ ਕਾਰਨ ਆਰ . ਸੀ . ਸੀ . ਛੱਤ ਵਿਚ ਸੁਰਾਖ ਹੋ ਗਿਆ । ਬਿਜਲੀ ਦੇ ਜ਼ੋਰਦਾਰ ਧਮਾਕੇ ਨਾਲ ਘਰ ਦੀਆਂ ਦੋਵੇਂ ਮੰਜ਼ਿਲਾਂ ਦੀ ਬਿਜਲੀ ਫਿਟਿੰਗ ਤੇ ਸਾਰਾ ਘਰੇਲੂ ਬਿਜਲੀ ਸਾਮਾਨ ਸੜ ਗਿਆ । ਹਾਦਸੇ ਵੇਲੇ ਘਰ ਵਿਚ ਮੌਜੂਦ 6 ਜੀਅ ਵਾਲ - ਵਾਲ ਬਚ ਗਏ , ਜਦਕਿ ਪਰਿਵਾਰ ਦਾ ਕਾਫ਼ੀ ਨੁਕਸਾਨ ਹੋਇਆ ਹੈ । ਜਾਣਕਾਰੀ ਅਨੁਸਾਰ ਬਾਲ ਮੰਦਰ ਸਕੂਲ ਨੇੜਲੀ ਕਿਸ਼ੋਰ ਸਰਪੰਚ ਵਾਲੀ ਗਲੀ ਵਿਚ ਰਹਿੰਦੇ ਰਾਮ ਪ੍ਰਵੇਸ਼ ਦੇ ਮਕਾਨ ’ ਤੇ ਸਵੇਰੇ ਕਰੀਬ 7 ਵਜੇ ਅਸਮਾਨੀ ਬਿਜਲੀ ਡਿੱਗ ਪਈ । ਉਸ ਦੇ ਲੜਕੇ ਨਿਤੀਸ਼ ਪਟੇਲ ਨੇ ਦੱਸਿਆ ਕਿ ਸਾਰਾ ਪਰਿਵਾਰ ਕਮਰੇ ਵਿਚ ਬੈਠਾ ਸੀ , ਜਦੋਂ ਅਚਾਨਕ ਜ਼ੋਰਦਾਰ ਧਮਾਕਾ ਹੋਇਆ । ਬਿਜਲੀ ਆਰ . ਸੀ . ਸੀ . ਛੱਤ ਨੂੰ ਪਾੜਦੀ ਹੋਈ ਹੇਠਾਂ ਤੱਕ ਪਹੁੰਚੀ ਅਤੇ ਮੁੱਖ ਗੇਟ ਨੇੜੇ ਜ਼ਮੀਨ ਵਿਚ ਵੀ ਟੋਆ ਪੈ ਗਿਆ । ਹਾਦਸੇ ਦੌਰਾਨ ਰਸੋਈ ਵਿਚ ਰੋਟੀ ਬਣਾ ਰਹੀ ਪਰਿਵਾਰ ਦੀ ਨੂੰਹ ਦੇ ਹੱਥ ’ ਤੇ ਬਿਜਲੀ ਦਾ ਹਲਕਾ ਕਰੰਟ ਲੱਗਣ ਕਾਰਨ ਮਾਮੂਲੀ ਸੱਟ ਲੱਗੀ । ਬਾਕੀ ਪਰਿਵਾਰਕ ਮੈਂਬਰਾਂ ਦਾ ਬਚਾਅ ਹੋ ਗਿਆ । ਪਰਿਵਾਰ ਮੁਤਾਬਕ ਬਿਜਲੀ ਡਿੱਗਣ ਨਾਲ ਦੋਵੇਂ ਮੰਜ਼ਿਲਾਂ ਦੀ ਵਾਇਰਿੰਗ ਸੜ ਗਈ । ਦੋ ਐੱਲ . ਈ . ਡੀਜ਼ ., ਇਕ ਟੀ . ਵੀ ., ਚਾਰ ਪੱਖੇ , ਫ਼ਰਿੱਜ , ਪਾਣੀ ਵਾਲੀ ਮੋਟਰ , ਸਿਲਾਈ ਮਸ਼ੀਨ ਅਤੇ ਮੋਬਾਇਲ ਫ਼ੋਨ ਵੀ ਨੁਕਸਾਨੇ ਗਏ । ਦਿਹਾੜੀ - ਮਜ਼ਦੂਰੀ ਕਰਕੇ ਗੁਜ਼ਾਰਾ ਕਰਨ ਵਾਲੇ ਪਰਿ ਵਾਰ ਨੂੰ ਹੋਏ ਭਾਰੀ ਮਾਲੀ ਨੁਕਸਾਨ ਕਾਰਨ ਘਰ ਵਿਚ ਸਹਿਮ ਦਾ ਮਾਹੌਲ ਹੈ ।
