ਅੰਮਿ੍ਤਸਰ, 1 ਜਨਵਰੀ (ਰੇਸ਼ਮ ਸਿੰਘ)-ਨਵੇਂ ਸਾਲ ਦੀ ਪੂਰਵ ਸੰਧਿਆਂ ਮੌਕੇ ਇਥੇ ਅੰਮਿ੍ਤਸਰ ਦੇ ਇਕ ਹੋਟਲ 'ਚ ਆਪਣੇ ਸਾਥੀ ਨਾਲ ਠਹਿਰੀ ਔਰਤ ਦੀ ਭੇਦ ਭਰੇ ਹਾਲਾਤ 'ਚ ਮੌਤ ਹੋ ਗਈ, ਜਦੋਂਕਿ ਉਸ ਦਾ ਪੁਰਸ਼ ਦੋਸਤ ਉਸ ਨੂੰ ਛੱਡ ਕੇ ਫ਼ਰਾਰ ਹੋ ਗਿਆ | ਮਿ੍ਤਕ ਔਰਤ ਦੀ ਸ਼ਨਾਖਤ ਅਨੰਨਿਆ ਮੰਡਲ (33) ਵਾਸੀ ਪੱਛਮੀ ਬੰਗਾਲ ਕੋਲਕਾਤਾ ਹਾਲ ਰਣਜੀਤ ਐਵੀਨਿਊ ਵਜੋਂ ਹੋਈ ਹੈ | ਜਾਣਕਾਰੀ ਅਨੁਸਾਰ ਇਹ ਔਰਤ ਆਪਣੇ ਇਕ ਮਰਦ ਦੋਸਤ ਨਾਲ ਬੀਤੀ 31 ਦਸੰਬਰ ਨੂੰ ਇਥੇ ਥਾਣਾ ਬੀ. ਡਵੀਜਨ ਦੇ ਖੇਤਰ ਅਧੀਨ ਪੈਂਦੇ ਇਲਾਕੇ ਸ਼ੇਰਾਂ ਵਾਲਾ ਗੇਟ ਦੇ ਇਕ ਹੋਟਲ 'ਚ ਪੁੱਜੀ ਸੀ, ਜਿਥੇ ਇਸ ਔਰਤ ਦੀ ਹਾਲਾਤ ਖ਼ਰਾਬ ਹੋਣ 'ਤੇ ਜਦੋਂ ਉਹ ਆਪਣੇ ਕਮਰੇ 'ਚ ਇਕੱਲੀ ਬੇਹੋਸ਼ੀ ਦੀ ਹਾਲਤ 'ਚ ਪਾਈ ਗਈ ਤਾਂ ਹੋਟਲ ਦੇ ਸਟਾਫ਼ ਵਲੋਂ ਤੁਰੰਤ ਇਸ ਨੂੰ ਗੁਰੂ ਨਾਨਕ ਦੇਵ ਹਸਪਤਾਲ ਵਿਖੇ ਇਲਾਜ ਲਈ ਭਰਤੀ ਕਰਵਾਇਆ ਗਿਆ, ਜਿਥੇ ਇਲਾਜ਼ ਅਧੀਨ ਇਸ ਔਰਤ ਦੀ ਅੱਜ ਮੌਤ ਹੋ ਗਈ | ਪੁਲਿਸ ਵਲੋਂ ਫ਼ਰਾਰ ਹੋਏ ਉਸਦੇ ਮਰਦ ਦੋਸਤ ਦੀ ਭਾਲ ਕੀਤੀ ਜਾ ਰਹੀ ਹੈ |
