ਦੀਪਿਕਾ ਤੇ ਰਣਵੀਰ ਦੂਜੀ ਵਾਰ ਬਣਨਗੇ ਮਾਪੇ

ਮੁੰਬਈ, 19 ਅਪ੍ਰੈਲ (ਇੰਟ.)-ਬਾਲੀਵੁੱਡ ਅਦਾਕਾਰਾ ਦੀਪਿਕਾ ਪਾਦੂਕੋਣ ਤੇ ਰਣਵੀਰ ਸਿੰਘ ਦੂਜੀ ਵਾਰ ਮਾਪੇ ਬਣਨ ਜਾ ਰਹੇ ਹਨ। ਦੋਵਾਂ ਨੇ ਆਪੋ-ਆਪਣੇ ਇੰਸਟਾਗ੍ਰਾਮ ਹੈਂਡਲਾਂ 'ਤੇ ਸਾਂਝੀ ਕੀਤੀ ਗਈ ਇਕ ਤਸਵੀਰ ਰਾਹੀਂ ਇਸਦਾ ਐਲਾਨ ਕੀਤਾ। ਤਸਵੀਰ 'ਚ ਰਣਵੀਰ ਨੇ ਆਪਣੀ ਧੀ ਦੁਆ ਨੂੰ ਆਪਣੀਆਂ ਬਾਹਾਂ 'ਚ ਫੜਿਆ ਹੈ ਤੇ ਦੂਆ ਨੇ ਇਕ ਗਰਭ ਅਵਸਥਾ ਟੈਸਟ ਕਿੱਟ ਫੜੀ ਹੋਈ ਹੈ ਜੋ ਸਕਾਰਾਤਮਕ ਨਤੀਜਾ ਦਿਖਾ ਰਹੀ ਹੈ। ਇਸ ਦੌਰਾਨ, ਫੋਟੋ 'ਚ ਦੁਆ ਦਾ ਚਿਹਰਾ ਨਹੀਂ ਦਿਖਾਇਆ ਗਿਆ। ਇਸ ਪੋਸਟ 'ਤੇ ਕਈ ਮਸ਼ਹੂਰ ਹਸਤੀਆਂ ਨੇ ਪ੍ਰਤੀਕਿਰਿਆ ਦਿੱਤੀ ਤੇ ਦੋਵਾਂ ਨਾਲ ਖੁਸ਼ੀ ਸਾਂਝੀ ਕਰਦੇ ਉਨ੍ਹਾਂ ਨੂੰ ਦੁਆਵਾਂ ਤੇ ਮੁਬਾਰਕਾਂ ਦਿੱਤੀਆਂ।