27 ਸਾਲ ਬਾਅਦ ਲੱਗੇ ਗ੍ਰਹਿਣ ਦੌਰਾਨ 90 ਫੀਸਦੀ ਸੂਰਜ ਢਕਿਆ
ਲੰਡਨ, 12 ਅਗਸਤ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)- ਅੱਜ ਸੂਰਜ ਗ੍ਰਹਿਣ ਲੱਗਣ ਦਾ ਨਜ਼ਾਰਾ ਯੂ. ਕੇ.
ਲੰਡਨ, 12 ਅਗਸਤ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)- ਅੱਜ ਸੂਰਜ ਗ੍ਰਹਿਣ ਲੱਗਣ ਦਾ ਨਜ਼ਾਰਾ ਯੂ.ਕੇ. ਦੇ ਲੱਖਾਂ ਲੋਕਾਂ ਨੇ ਵੇਖਿਆ। ਲੰਡਨ, ਬ੍ਰਮਿੰਘਮ ਵਿਚ ਸਭ ਤੋਂ ਪਹਿਲਾਂ ਇਸ ਨੂੰ ਵੇਖਿਆ ਗਿਆ। 7 ਕੁ ਵਜੇ ਸ਼ਾਮ ਅਚਾਨਕ ਹਨੇਰਾ ਹੋਣਾ ਸ਼ੁਰੂ ਹੋਇਆ ਅਤੇ 7:12 ਵਜੇ ਲਗਭਗ 90 ਫੀਸਦੀ ਸੂਰਜ ਨੂੰ ਚੰਦਰਮਾ ਨੇ ਢੱਕ ਲਿਆ। 1999 ਤੋਂ ਬਾਅਦ ਇਹ ਪਹਿਲੀ ਵਾਰ ਹੈ ਜਦੋਂ ਸੂਰਜ ਗ੍ਰਹਿਣ ਦਾ ਨਜ਼ਾਰਾ ਯੂ.ਕੇ. ਅਤੇ ਯੁਰਪ ਦੇ ਲੋਕਾਂ ਨੇ ਸ਼ਪਸ਼ਟ ਤੌਰ ’ਤੇ ਵੇਖਿਆ। ਲੰਡਨ ਦੇ ਇਕ ਦੁਕਾਨਦਾਰ ਨੇ 26,000 ਵਿਸ਼ੇਸ਼ ਗ੍ਰਹਿਣ ਵਾਲੀਆਂ ਐਨਕਾਂ ਵੇਚਣ ਦਾ ਦਾਅਵਾ ਕੀਤਾ ਹੈ, ਕਾਰਡਿਫ ਵਿਚ ਇਕ ਔਰਤ ਨੇ ਇਕ ਜੋੜੀ ਲਈ 20 ਪੌਂਡ ਤੱਕ ਦਾ ਭੁਗਤਾਨ ਕੀਤਾ। ਇਸ ਤੋਂ ਇਲਾਵਾ ਦੇਸ਼ ਦੇ ਵੱਖ ਵੱਖ ਹਿੱਸਿਆਂ ਵਿਚ ਲੋਕਾਂ ਨੇ ਸੂਰਜ ਗ੍ਰਹਿਣ ਨੂੰ ਵੇਖਿਆ।
