ਭਾਰਤ ਪਾਕਿਸਤਾਨ ’ਤੇ ਸਰਜੀਕਲ ਸਟ੍ਰਾਈਕ ਕਰ ਸਕਦਾ ਹੈ, ਪਰ ਗੱਲਬਾਤ ਨਹੀਂ-ਅਈਅਰ
ਸ੍ਰੀਨਗਰ, 4 ਅਕਤੂਬਰ (ਪੀ. ਟੀ.
ਸ੍ਰੀਨਗਰ, 4 ਅਕਤੂਬਰ (ਪੀ.ਟੀ.ਆਈ.)-ਸਾਬਕਾ ਕੇਂਦਰੀ ਮੰਤਰੀ ਮਣੀਸ਼ੰਕਰ ਅਈਅਰ ਨੇ ਪਾਕਿਸਤਾਨ ਨਾਲ ਗੱਲਬਾਤ ਕਰਨ ਤੋਂ ਇਨਕਾਰ ਕਰਨ ਲਈ ਭਾਜਪਾ ਦੀ ਅਗਵਾਈ ਵਾਲੀ ਕੇਂਦਰ ਸਰਕਾਰ ਦੀ ਆਲੋਚਨਾ ਕਰਦਿਆਂ ਕਿਹਾ ਕਿ ਇਸ ਵਿਚ ਸਰਜੀਕਲ ਸਟ੍ਰਾਈਕ ਕਰਨ ਦਾ ‘ਹੌਸਲਾ’ ਹੈ ਪਰ ਮੁੱਦਿਆਂ ਨੂੰ ਸੁਲਝਾਉਣ ਦੀ ਇੱਛਾ ਨਹੀਂ ਹੈ। ਇੱਥੇ 5ਵੇਂ ਹੱਲਾ ਬੋਲ ਸੰਮੇਲਨ ਵਿਚ ਬੋਲਦਿਆਂ, ਕਾਂਗਰਸ ਦੇ ਦਿੱਗਜ ਆਗੂ ਨੇ ਅਟਾਰੀ-ਵਾਹਗਾ ਸਰਹੱਦ ‘ਤੇ ਗੱਲਬਾਤ ਕਰਨ ਦਾ ਸੁਝਾਅ ਦਿੱਤਾ ਅਤੇ ਕਿਹਾ ਕਿ ਪਿਛਲੇ ਮੁੱਦਿਆਂ ‘ਤੇ ਬਹਿਸ ਕਰਨਾ ਵਿਦੇਸ਼ ਨੀਤੀ ਨਹੀਂ ਹੈ। ‘ਲੱਗਦਾ ਹੈ ਕਿ ਸਾਡੇ ਵਿਚ ਉਨ੍ਹਾਂ ਨਾਲ ਸਰਜੀਕਲ ਸਟ੍ਰਾਈਕ ਕਰਨ ਦਾ ਹੌਸਲਾ ਹੈ। ਫਿਰ ਸਾਡੇ ਵਿਚ ਉਨ੍ਹਾਂ ਨਾਲ ਮੇਜ਼ ਦੇ ਪਾਰ ਬੈਠਣ ਦਾ ਹੌਸਲਾ ਕਿਉਂ ਨਹੀਂ ਹੈ? ਅਸੀਂ ਉਨ੍ਹਾਂ ਨਾਲ ਗੱਲ ਕਿਉਂ ਨਹੀਂ ਕਰ ਸਕਦੇ? ਅਸੀਂ ਉਨ੍ਹਾਂ ਨਾਲ ਦੋਸਤੀ ਕਿਉਂ ਨਹੀਂ ਕਰ ਸਕਦੇ?’ ਉਨ੍ਹਾਂ ਪੁੱਛਿਆ। ‘ਕੀ ਦੁਨੀਆ ਵਿਚ ਕੋਈ ਹੋਰ ਦੇਸ਼ ਹੈ ਜਿਸ ਨਾਲ ਅਸੀਂ ਪਾਕਿਸਤਾਨ ਨਾਲੋਂ ਵੱਧ ਸਹਿਜ ਮਹਿਸੂਸ ਕਰਦੇ ਹਾਂ? ਕੀ ਦੁਨੀਆ ਵਿੱਚ ਕੋਈ ਅਜਿਹਾ ਦੇਸ਼ ਹੈ ਜਿਸ ਨਾਲ ਪਾਕਿਸਤਾਨ ਸਾਡੇ ਨਾਲੋਂ ਵੱਧ, ਤੁਸੀਂ ਜਾਣਦੇ ਹੋ, ਗੱਲਬਾਤ ਕਰ ਸਕਦਾ ਹੈ?’ ਉਨ੍ਹਾਂ ਪੁੱਛਿਆ। ਪਾਕਿਸਤਾਨ ਨਾਲ ਪਿਛਲੀਆਂ ਗੱਲਬਾਤ ਪ੍ਰਕਿਰਿਆਵਾਂ ਵੱਲ ਇਸ਼ਾਰਾ ਕਰਦਿਆਂ, ਅਈਅਰ ਨੇ ਪੁੱਛਿਆ, ‘ਅਸੀਂ ਉੱਥੇ ਜਾਣ ਅਤੇ ਉਨ੍ਹਾਂ ਨੂੰ ਇੱਥੇ ਆਉਣ ਦੇਣ ਦਾ ਹੌਸਲਾ ਕਿਉਂ ਨਹੀਂ ਦਿਖਾਉਂਦੇ?’ ‘ਅਤੇ ਜੇ ਤੁਹਾਡੇ ਵਿਚ ਉਹ ਹੌਸਲਾ ਨਹੀਂ ਹੈ, ਤਾਂ ਮੇਰਾ ਸੁਝਾਅ ਹੈ ਕਿ ਅਸੀਂ ਵਾਹਗਾ-ਅਟਾਰੀ ’ਤੇ ਮਿਲੀਏ।
