‘ਪ੍ਰਧਾਨ ਮੰਤਰੀ ਬਾਲ ਪੁਰਸਕਾਰ’ ਲਈ ਚੋਣ ਦਾ ਕੋਈ ਨਿਸ਼ਚਿਤ ਮਾਪਦੰਡ ਨਹੀਂ
ਨਵੀਂ ਦਿੱਲੀ, 4 ਅਕਤੂਬਰ (ਪੀ. ਟੀ.
ਨਵੀਂ ਦਿੱਲੀ, 4 ਅਕਤੂਬਰ (ਪੀ.ਟੀ.ਆਈ.)-ਮਹਿਲਾ ਤੇ ਬਾਲ ਵਿਕਾਸ ਮੰਤਰਾਲੇ ਨੇ ਕੇਂਦਰੀ ਸੂਚਨਾ ਕਮਿਸ਼ਨ ਨੂੰ ਦੱਸਿਆ ਹੈ ਕਿ ‘ਪ੍ਰਧਾਨ ਮੰਤਰੀ ਰਾਸ਼ਟਰੀ ਬਾਲ ਪੁਰਸਕਾਰ’ ਲਈ ਕੋਈ ਨਿਸ਼ਚਿਤ ਘੱਟੋ-ਘੱਟ ਯੋਗਤਾ ਅੰਕ, ਸਕੋਰ, ਦਰਜਾਬੰਦੀ ਜਾਂ ਚੋਣ ਮਾਪਦੰਡ ਨਹੀਂ ਹਨ। ਸਗੋਂ ਚੋਣ ਯੋਗ ਨਾਮਜ਼ਦਗੀਆਂ ਦੇ ਸਮੁੱਚੇ ਮੁਲਾਂਕਣ ਦੇ ਆਧਾਰ ’ਤੇ ਕੀਤੀ ਜਾਂਦੀ ਹੈ। ਇਹ ਜਾਣਕਾਰੀ ਇਕ ਆਰ.ਟੀ.ਆਈ. ਅਰਜ਼ੀ ਦੇ ਜਵਾਬ ਵਿਚ ਸਾਹਮਣੇ ਆਈ ਹੈ, ਜਿਸ ’ਚ ਚੋਣ ਪ੍ਰਕਿਰਿਆ ਦੇ ਵੇਰਵੇ ਮੰਗੇ ਗਏ ਸਨ। ਇਨ੍ਹਾਂ ਵੇਰਵਿਆਂ ’ਚ ਮੁਲਾਂਕਣ ਦੇ ਮਾਪਦੰਡ, ਅੰਕ ਦੇਣ ਦਾ ਤਰੀਕਾ, ਦਰਜਾਬੰਦੀ, ਚੋਣ ਮਾਪਦੰਡ ਤੇ 2023, 2024 ਅਤੇ 2025 ਦੌਰਾਨ ਪ੍ਰਾਪਤ ਹੋਈਆਂ, ਸ਼ਾਰਟਲਿਸਟ ਕੀਤੀਆਂ ਗਈਆਂ ਤੇ ਚੁਣੀਆਂ ਗਈਆਂ ਨਾਮਜ਼ਦਗੀਆਂ ਦੀ ਗਿਣਤੀ ਸ਼ਾਮਲ ਸੀ।
