ਕੋਟ ਈਸੇ ਖਾਂ, 29 ਮਈ (ਗੁਰਮੀਤ ਸਿੰਘ ਖ਼ਾਲਸਾ)-ਸਥਾਨਕ ਸ਼ਹਿਰ ਦੀਆਂ ਨਗਰ ਪੰਚਾਇਤ ਚੋਣਾਂ ਵਿਚ ਜਿੱਥੇ ਸਾਰੇ ਵਾਰਡਾਂ ਵਿਚ ਕਾਫੀ ਫਸਵੇਂ ਮੁਕਾਬਲੇ ਦਿਖਾਈ ਦਿੱਤੇ, ਉੱਥੇ ਹੀ ਸ਼ਹਿਰ ਦਾ ਧੁਰਾ ਵਾਰਡ ਨੰਬਰ 6 'ਚ ਆਮ ਆਦਮੀ ਪਾਰਟੀ ਦੇ ਮਜ਼ਬੂਤ ਆਗੂ ਸੁਮਿਤ ਕੁਮਾਰ ਬਿੱਟੂ ਮਲਹੋਤਰਾ ਤੋਂ ਆਜ਼ਾਦ ਉਮੀਦਵਾਰ ਅਰੁਣ ਸੀਕਰੀ ਨੇ ਵੱਡੇ ਫ਼ਰਕ ਨਾਲ ਚੋਣ ਜਿੱਤ ਕੇ ਬਾਜ਼ੀ ਪਲਟ ਦਿੱਤੀ | ਵਾਰਡ ਨੰਬਰ 6 ਦੇ ਆਏ ਚੋਣ ਨਤੀਜਿਆਂ ਵਿਚ ਅਰੁਣ ਸੀਕਰੀ ਨੂੰ 355, ਆਪ ਉਮੀਦਵਾਰ ਸੁਮੀਤ ਕੁਮਾਰ ਬਿੱਟੂ ਮਲਹੋਤਰਾ ਨੂੰ 239, ਅਕਾਲੀ ਉਮੀਦਵਾਰ ਰਾਕੇਸ਼ ਕੁਮਾਰ ਟੈਣੀ ਨੂੰ 29, ਕਾਂਗਰਸੀ ਉਮੀਦਵਾਰ ਦੇ ਦੇਸ ਰਾਜ ਸਚਦੇਵਾ ਨੂੰ 2, ਭਾਜਪਾ ਉਮੀਦਵਾਰ ਸੋਨੂੰ ਨੂੰ ਮਹਿਜ਼ 3 ਵੋਟਾਂ ਪਈਆਂ | ਆਪਣੀ ਸ਼ਾਨਦਾਰ ਜਿੱਤ ਨੂੰ ਲੈ ਕੇ ਅਰੁਣ ਸੀਕਰੀ ਤੇ ਸਮਰਥਕਾਂ ਨੇ ਡੋਰ ਟੂ ਡੋਰ ਜਾ ਕੇ ਆਪਣੇ ਵੋਟਰਾਂ ਦਾ ਧੰਨਵਾਦ ਕੀਤਾ |
