ਮੋਗਾ, 31 ਜੁਲਾਈ (ਜਸਪਾਲ ਸਿੰਘ ਬੱਬੀ)-ਭਾਰਤ ਵਿਕਾਸ ਪ੍ਰੀਸ਼ਦ ਮੋਗਾ ਸ਼ਾਖਾ ਵਲੋਂ ਆਰੀਆ ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ ਮੋਗਾ ਵਿਖੇ ਸ਼ਹੀਦ ਊਧਮ ਸਿੰਘ ਦੇ ਸ਼ਹੀਦੀ ਦਿਵਸ ਤੇ ਸਮਾਗਮ ਕਰਵਾਇਆਂ। ਇਸ ਮੌਕੇ ਸ਼ਹੀਦ ਊਧਮ ਸਿੰਘ ਦੀ ਤਸਵੀਰ ’ਤੇ ਫ਼ੁੱਲ ਮਲਾਵਾਂ ਭੇਟ ਕੀਤੀਆਂ। ਸੇਵਾ ਮੁਕਤ ਪ੍ਰਿੰਸੀਪਲ ਰਾਕੇਸ਼ ਸਚਦੇਵਾ ਨੇ ਦੱਸਿਆ ਕਿ ਕੌਂਸਲ ਆਪਣੇ ਸੇਵਾ ਅਤੇ ਸੰਸਕਾਰ ਰਾਹੀਂ ਸਕੂਲੀ ਬੱਚਿਆਂ ਨਾਲ ਸਿੱਧਾ ਸੰਪਰਕ ਕਰਦੀ ਹੈ ਅਤੇ ਵੱਖ-ਵੱਖ ਪ੍ਰੋਜੈਕਟਾਂ ਰਾਹੀਂ ਉਨ੍ਹਾਂ ਨਾਲ ਦੇਸ਼ ਬਾਰੇ ਜਾਣਕਾਰੀ ਸਾਂਝੀ ਕਰਦੀ ਹੈ। ਸਕੂਲੀ ਬੱਚਿਆਂ ਮਨਪ੍ਰੀਤ ਸਿੰਘ, ਏਂਜਲ ਅਤੇ ਸਮ੍ਰਿਤੀ ਨੇ ਭਾਸ਼ਣਾਂ ਰਾਹੀ ਊਧਮ ਸਿੰਘ ਦੇ ਜੀਵਨ ਦੇ ਵੱਖ-ਵੱਖ ਪਹਿਲੂਆਂ ਬਾਰੇ ਗੱਲ ਕੀਤੀ। ਮੁੱਖ ਬੁਲਾਰੇ ਪੰਡਤ ਦਿਵਾਕਰ ਭਾਰਤੀ ਨੇ ਸ਼ਹੀਦ ਊਧਮ ਸਿੰਘ ਦੀ ਬੇਮਿਸਾਲ ਕੁਰਬਾਨੀ ਬਾਰੇ ਗੱਲ ਕਰਦਿਆਂ ਕਿਹਾ ਕਿ ਜਦੋਂ 19 ਸਾਲਾ ਨੌਜਵਾਨ ਊਧਮ ਸਿੰਘ ਨੇ ਜ਼ਿਲ੍ਹਿਆਂ ਵਾਲਾ ਬਾਗ ਕਤਲੇਆਮ ਦੇਖਿਆ, ਤਾਂ ਇਸ ਨੇ ਉਸ ਦੇ ਦਿਲ ਵਿਚ ਬਦਲਾ ਲੈਣ ਦੀ ਇੱਛਾ ਜਗਾਈ। ਉਸੇ ਦਿਨ, ਉਸਨੇ ਖੂਨ ਨਾਲ ਲਿੱਬੜੀ ਹੋਈ ਮਿੱਟੀ ਆਪਣੇ ਹੱਥ ਵਿਚ ਲਈ ਅਤੇ ਸੈਂਕੜੇ ਨਿਰਦੋਸ਼ ਲੋਕਾਂ ਦੇ ਕਾਤਲਾਂ ਤੋਂ ਬਦਲਾ ਲੈਣ ਦੀ ਸਹੁੰ ਖਾਧੀ। ਦਿਵਾਕਰ ਭਾਰਤੀ ਨੇ ਦੱਸਿਆ ਕਿ 21 ਸਾਲਾਂ ਦੀ ਲੰਬੀ ਉਡੀਕ ਤੋਂ ਬਾਅਦ, 1940 ਵਿਚ, ਜਨਰਲ ਅਡਵਾਇਰ ਨੂੰ ਲੰਡਨ ਵਿਚ ਇਕ ਭੀੜ-ਭੜੱਕੇ ਵਾਲੇ ਇਕੱਠ ਵਿਚ ਗੋਲੀ ਮਾਰ ਕੇ ਮਾਰ ਦਿੱਤਾ ਗਿਆ। ਭੱਜਣ ਦੀ ਬਜਾਏ, ਉਨ੍ਹਾਂ ਨੇ ਇਨਕਲਾਬ ਜ਼ਿੰਦਾਬਾਦ ਦਾ ਨਾਅਰਾ ਮਾਰਿਆ ਅਤੇ ਪੁਲਿਸ ਅੱਗੇ ਆਤਮ ਸਮਰਪਣ ਕਰ ਦਿੱਤਾ। ਸ਼ਾਖਾ ਦੇ ਪ੍ਰਧਾਨ ਸੁਧੀਰ ਕੋਹਲੀ ਨੇ ਵੀ ਵਿਚਾਰ ਰੱਖੇ। ਇਸ ਮੌਕੇ ਵਿਦਿਆਰਥੀਆਂ ਦਾ ਸਨਮਾਨ ਵੀ ਕੀਤਾ। ਸਕੂਲ ਪ੍ਰਿੰਸੀਪਲ ਸਮੀਕਸ਼ਾ ਸ਼ਰਮਾ ਨੇ ਕੌਂਸਲ ਮੈਂਬਰਾਂ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਮਹੇਸ਼ ਗੁਪਤਾ, ਮਨਮੋਹਨ ਅਰੋੜਾ, ਦਵਿੰਦਰ ਮੋਗਲਾ, ਨੀਰੂ ਅਗਰਵਾਲ, ਮਹਿੰਦਰ ਜਿੰਦਲ, ਸੁਮਨ ਕਾਂਤ ਵਿਜ, ਜੈਦੀਪ ਕਟਾਰੀਆ, ਨਿਸ਼ੀ ਰਾਕੇਸ਼ ਵਿਜੇ, ਨਿਸ਼ੀ ਰਾਕੇਸ਼ ਵਿਜੇਤਾ, ਗੁਰਜੀਤ ਸਿੰਘ, ਸੰਗੀਤਾ ਜੈਨ ਹਾਜ਼ਰ ਸਨ।
