ਕਾਰਡ ਜਾਰੀ ਕਰਦੇ ਹੋਏ ਆਦਰਸ਼ ਦੁਸਹਿਰਾ ਕਮੇਟੀ ਮੈਂਬਰ
ਧਰਮਕੋਟ ’ਚ 35ਵਾਂ ਦੁਸਹਿਰਾ ਉਤਸਵ 15 ਤੋਂ ਮਨਾਇਆ ਜਾਵੇਗਾ
ਧਰਮਕੋਟ, 10 ਅਕਤੂਬਰ (ਪਰਮਜੀਤ ਸਿੰਘ)-ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਪਾਵਨ ਤਿਉਹਾਰ ਦੁਸਹਿਰੇ ਨੂੰ ਲੈ ਕੇ ਧਰਮਕੋਟ ਵਿਚ ਤਿਆਰੀਆਂ ਸ਼ੁਰੂ ਹੋ ਗਈਆਂ ਹਨ। ਆਦਰਸ਼ ਦਸਹਿਰਾ ਕਮੇਟੀ ਧਰਮਕੋਟ ਵਲੋਂ 35ਵਾਂ ਵਿਸ਼ਾਲ ਦੁਸਹਿਰਾ ਉਤਸਵ ਬੜੀ ਧੂਮ-ਧਾਮ ਨਾਲ ਮਨਾਇਆ ਜਾ ਰਿਹਾ।
ਧਰਮਕੋਟ, 10 ਅਕਤੂਬਰ (ਪਰਮਜੀਤ ਸਿੰਘ)-ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਪਾਵਨ ਤਿਉਹਾਰ ਦੁਸਹਿਰੇ ਨੂੰ ਲੈ ਕੇ ਧਰਮਕੋਟ ਵਿਚ ਤਿਆਰੀਆਂ ਸ਼ੁਰੂ ਹੋ ਗਈਆਂ ਹਨ। ਆਦਰਸ਼ ਦਸਹਿਰਾ ਕਮੇਟੀ ਧਰਮਕੋਟ ਵਲੋਂ 35ਵਾਂ ਵਿਸ਼ਾਲ ਦੁਸਹਿਰਾ ਉਤਸਵ ਬੜੀ ਧੂਮ-ਧਾਮ ਨਾਲ ਮਨਾਇਆ ਜਾ ਰਿਹਾ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਕਮੇਟੀ ਦੇ ਪ੍ਰਧਾਨ ਉਗਰ ਸੈਨ ਨੌਹਰੀਆ, ਮੁਕੇਸ਼ ਕੁਮਾਰ ਸ਼ਰਮਾ, ਪੰਡਤ ਪ੍ਰੀਤਮ ਲਾਲ ਭਾਰਦਵਾਜ, ਡਾ. ਹਰਜਿੰਦਰਪਾਲ ਸ਼ਾਸਤਰੀ, ਰਾਜੂ ਟੇਲਰ ਮਾਸਟਰ ਅਤੇ ਸਰਗਰਮ ਮੈਂਬਰ ਸਾਜਨ ਛਾਬੜਾ ਸਮੇਤ ਅਹੁਦੇਦਾਰਾਂ ਨੇ ਦੱਸਿਆ ਕਿ ਇਸ ਵਾਰ ਦੁਸਹਿਰਾ ਉਤਸਵ 15 ਅਕਤੂਬਰ ਤੋਂ 20 ਅਕਤੂਬਰ 2026 ਤੱਕ ਏ.ਡੀ. ਸਕੂਲ ਦੀਆਂ ਗਰਾਊਂਡਾਂ ਵਿਖੇ ਮਨਾਇਆ ਜਾਵੇਗਾ। ਪ੍ਰੋਗਰਾਮ ਅਨੁਸਾਰ 15 ਅਕਤੂਬਰ 2026 ਦਿਨ ਵੀਰਵਾਰ ਨੂੰ ਸ਼ਾਮ ਨੂੰ ਸਰਾਂ ਲਾਲਾ ਗੋਪੀ ਮੱਲ ਨੌਹਰੀਆ ਤੋਂ ਸ਼ਾਨਦਾਰ ਰਾਮ ਬਰਾਤ ਦੀ ਰਵਾਨਗੀ ਹੋਵੇਗੀ, ਜੋ ਸ਼ਹਿਰ ਦੇ ਵੱਖ-ਵੱਖ ਬਾਜ਼ਾਰਾਂ ਵਿਚੋਂ ਹੁੰਦੀ ਹੋਈ ਜਾਵੇਗੀ। ਉਸੇ ਦਿਨ ਸ਼ਾਮ ਨੂੰ ਸਰਕਾਰੀ ਹਸਪਤਾਲ ਦੇ ਨੇੜੇ ਬੜੀ ਧੂਮ-ਧਾਮ ਨਾਲ ਰਾਮ ਵਿਆਹ ਦਾ ਆਯੋਜਨ ਕੀਤਾ ਜਾਵੇਗਾ। ਇਸ ਤੋਂ ਬਾਅਦ 20 ਅਕਤੂਬਰ ਨੂੰ ਏ.ਡੀ. ਸਕੂਲ ਦੀਆਂ ਗਰਾਊਂਡਾਂ ਵਿਖੇ ਦੁਸਹਿਰੇ ਦਾ ਮੁੱਖ ਪਾਵਨ ਤਿਉਹਾਰ ਮਨਾਇਆ ਜਾਵੇਗਾ, ਜਿੱਥੇ ਭਗਵਾਨ ਰਾਮ ਵਲੋਂ ਰਾਵਣ ਦੇ ਪੁਤਲੇ ਦਾ ਦਹਿਨ ਕੀਤਾ ਜਾਵੇਗਾ। ਅੱਜ ਇਸ ਸਬੰਧੀ ਕਮੇਟੀ ਵਲੋਂ ਪ੍ਰੋਗਰਾਮ ਦਾ ਸੱਦਾ ਕਾਰਡ ਵੀ ਜਾਰੀ ਕਰ ਦਿੱਤ ਾ ਗਿਆ ਹੈ। ਆਦਰਸ਼ ਦੁਸਹਿਰਾ ਕਮੇਟੀ ਦੇ ਸਰਗਰਮ ਮੈਂਬਰ ਉਗ੍ਰਸੈਨ ਨੌਹਰੀਆ ਨੇ ਸਮੂਹ ਇਲਾਕਾ ਨਿਵਾਸੀਆਂ ਨੂੰ ਇਸ ਧਾਰਮਿਕ ਉਤਸਵ ਵਿਚ ਵੱਧ ਚੜ੍ਹ ਕੇ ਸ਼ਾਮਲ ਹੋਣ ਦੀ ਅਪੀਲ ਕੀਤੀ ਹੈ।
