ਦਿੜ੍ਹਬਾ ਮੰਡੀ, 2 ਜਨਵਰੀ (ਜਸਵੀਰ ਸਿੰਘ ਅÏਜਲਾ) - ਪਾਤੜਾਂ ਦੇ ਪਿੰਡ ਹਾਮਚੜੀ ਦੇ ਜੰਮਪਲ ਸੌਰਵ ਸਿੰਗਲਾ ਜੋ ਕਿ ਜਨਮ ਤੋਂ ਅਪਾਹਜ ਹਨ, ਦਾ ਜੱਜ ਬਣਨ ਤੋਂ ਬਾਅਦ ਪਹਿਲੀ ਵਾਰ ਦਿੜ੍ਹਬਾ ਵਿਖੇ ਪਹੁੰਚਣ ਤੇ ਬਾਅਦ ਰਿਸ਼ਤੇਦਾਰਾਂ, ਸਕੇ ਸੰਬੰਧੀਆਂ ਵਲੋਂ ਹਾਰ ਪਹਿਨਾ ਕੇ, ਬੁੱਕੇ ਭੇਟ ਕਰ ਕੇ ਅਤੇ ਕੇਕ ਕੱਟ ਕੇ ਖ਼ੁਸ਼ੀ ਦਾ ਪ੍ਰਗਟਾਵਾ ਕਰਦੇ ਹੋਏ ਭਰਵਾਂ ਸਵਾਗਤ ਕੀਤਾ ਗਿਆ | ਇਸ ਮੌਕੇ ਗੱਲਬਾਤ ਕਰਦਿਆਂ ਅਕਾਲੀ ਦਲ ਦੇ ਸੀਨੀਅਰ ਆਗੂ ਜੀਵਨ ਦਿੜ੍ਹਬਾ ਨੇ ਦੱਸਿਆ ਕਿ ਜੱਜ ਸੌਰਵ ਸਿੰਗਲਾ ਨੇ ਬਹੁਤ ਮੁਸ਼ਕਲਾਂ ਵਿਚੋਂ ਗੁਜ਼ਰ ਕੇ ਇਹ ਮੁਕਾਮ ਹਾਸਲ ਕੀਤਾ ਹੈ | ਜੱਜ ਸੌਰਵ ਸਿੰਗਲਾ ਨੇ ਕਿਹਾ ਕਿ ਪ੍ਰਮਾਤਮਾ ਦੀ ਕਿਰਪਾ ਅਤੇ ਮਾਤਾ ਪਿਤਾ ਦੇ ਅਸ਼ੀਰਵਾਦ ਸਦਕਾ ਮੈਂ ਇਸ ਅਹੁਦੇ ਉੱਤੇ ਪਹੁੰਚਣ ਵਿਚ ਸਫਲ ਹੋਇਆ ਹੈ | ਉਨ੍ਹਾਂ ਆਪਣੇ ਰਿਸ਼ਤੇਦਾਰਾਂ ਤੇ ਦੋਸਤਾਂ ਮਿੱਤਰਾਂ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਮੈਂ ਪ੍ਰਮਾਤਮਾ ਦੀ ਕਿਰਪਾ ਨਾਲ ਜਿਸ ਕੁਰਸੀ 'ਤੇ ਬੈਠਾ ਹਾਂ, ਮੈਂ ਪ੍ਰਮਾਤਮਾ ਅੱਗੇ ਅਰਦਾਸ ਕਰਦਾ ਹਾਂ ਕਿ ਭਵਿੱਖ ਵਿਚ ਸਹੀ ਫ਼ੈਸਲੇ ਲੈ ਸਕਾਂ | ਇਸ ਮੌਕੇ 'ਤੇ ਰਾਹੁਲ ਗਰਗ, ਦੀਪਕ ਗਰਗ, ਗੁਰਦਾਸ ਸਿੰਗਲਾ, ਮੋਨੀ ਸਿੰਗਲਾ, ਸੁਨੀਤਾ ਸਿੰਗਲਾ ਆਦਿ ਮੌਜੂਦ ਸਨ |
