ਸੰਗਰੂਰ, 23 ਜਨਵਰੀ (ਸੁਖਵਿੰਦਰ ਸਿੰਘ ਫੁੱਲ) - ਲਿਟਲ ਫਲਾਵਰ ਕਾਨਵੈਂਟ ਸਕੂਲ, ਸੰਗਰੂਰ ਵਿਚ ਕਲਾਸ ਛੇਵੀਂ ਦੇ ਵਿਦਿਆਰਥੀਆਂ ਵਲੋਂ ਅਧਿਆਪਕਾ ਗੁਰਪ੍ਰੀਤ ਭਾਟੀਆ, ਗਗਨਜੋਤ ਕੌਰ, ਨਿਸ਼ੀ ਵਰਮਾ ਅਤੇ ਨੀਰੂ ਗਰਗ ਦੀ ਰਹਿਨੁਮਾਈ ਹੇਠ ਲੋਹੜੀ ਅਤੇ ਬਸੰਤ ਪੰਚਮੀ ਨੂੰ ਇਕ ਰੰਗੀਨ ਸਭਾ ਰਾਹੀਂ ਮਨਾਇਆ ਗਿਆ | ਸਮਾਗਮ ਦੀ ਸ਼ੁਰੂਆਤ ਲੋਹੜੀ ਦੇ ਮਹੱਤਵ ਨੂੰ ਪ੍ਰਸਤੁਤ ਕਰਦੇ ਹੋਏ ਭੰਗੜਾ ਅਤੇ ਗਿੱਧੇ ਵਰਗੇ ਪਰੰਪਰਾਗਤ ਨਾਚ ਨੇ ਮਾਹੌਲ ਨੂੰ ਖੁਸ਼ੀਆਂ ਨਾਲ ਭਰ ਦਿੱਤਾ | ਇੱਕ ਨਾਟਕ ਰਾਹੀਂ ਬਸੰਤ ਪੰਚਮੀ ਦੇ ਮਹੱਤਵ ਨੂੰ ਦਰਸਾਇਆ ਗਿਆ ਜੋ ਬਸੰਤ ਦੇ ਆਗਮਨ ਦਾ ਪ੍ਰਤੀਕ ਹੈ ਵਿਦਿਆਰਥੀਆਂ ਨੇ ਸਜਾਵਟ, ਪਹਿਰਾਵੇ ਅਤੇ ਗੀਤਾਂ ਰਾਹੀਂ ਆਪਣੀ ਰਚਨਾਤਮਕਤਾ ਦਾ ਪ੍ਰਦਰਸ਼ਨ ਕੀਤਾ | ਲੋਹੜੀ ਬਾਲਣ ਦੀ ਰਸਮ ਨੇ ਖੁਸ਼ੀਆਂ ਨੂੰ ਸੱਦਾ ਦਿੱਤਾ, ਇਸ ਤੋਂ ਬਾਅਦ ਅਰਦਾਸਾਂ, ਲੋਕ- ਗੀਤ ਅਤੇ ਪਰੰਪਰਾਗਤ ਨਾਚ ਪੇਸ਼ ਕੀਤੇ ਗਏ | ਇਸ ਸੁਨਹਿਰੀ ਮੌਕੇ 'ਤੇ ਸੁਲੇਖ ਮੁਕਾਬਲੇ, ਵੀਰ ਗਾਥਾ, ਅਬੈਕਸ ਅਤੇ ਡਿਜ਼ਿਟਲ ਫੈਸਟ ਵਿਚ ਸ਼ਾਨਦਾਰ ਪ੍ਰਾਪਤੀਆਂ ਲਈ ਵਿਦਿਆਰਥੀਆਂ ਨੂੰ ਸਰਟੀਫਿਕੇਟ ਅਤੇ ਇਨਾਮ ਵੀ ਪ੍ਰਦਾਨ ਕੀਤੇ ਗਏ, ਜਿਸ ਨਾਲ ਉਨਾਂ ਨੂੰ ਅਕਾਦਮਿਕ ਅਤੇ ਸਹਿ-ਪਾਠਕ੍ਰਮ ਗਤਿਵਿਧੀਆਂ ਵਿੱਚ ਉਤਕਿ੍ਸ਼ਟਤਾ ਲਈ ਉਤਸ਼ਾਹਿਤ ਕੀਤਾ ਗਿਆ | ਸਕੂਲ ਦੇ ਮੈਨੇਜਰ ਫਾਦਰ ਲਾਰੈਂਸ ਬੈਨੇਡਿਕਟ ਅਤੇ ਪਿ੍ੰਸੀਪਲ ਸਿਸਟਰ ਮੇਰੀ ਲਾਵਨਿਆ ਨੇ ਵਿਦਿਆਰਥੀਆਂ ਦੁਆਰਾ ਕੀਤੇ ਰੰਗਾਂ-ਰੰਗ ਪ੍ਰੋਗਰਾਮ ਦੀ ਸਰਾਹਨਾ ਕਰਦਿਆਂ ਸੱਭਿਆਚਾਰਕ ਵਿਰਾਸਤ ਨੂੰ ਸੰਭਾਲ ਕੇ ਰੱਖਣ ਦੇ ਮਹੱਤਵ 'ਤੇ ਜ਼ੋਰ ਦਿੱਤਾ | ਪ੍ਰੋਗਰਾਮ ਦੀ ਸਮਾਪਤੀ ਧੰਨਵਾਦ ਪ੍ਰਸਤਾਵ ਨਾਲ ਹੋਈ |
