ਜ਼ਿਲ੍ਹਾ ਮਲੇਰਕੋਟਲਾ ਦੇ 'ਖੇਤੀ ਸੈਕਟਰ ਦੀ ਤਕਦੀਰ' ਬਦਲਣ ਦੇ ਸਮਰੱਥ ਹੋਵੇਗਾ 250 ਕਰੋੜ ਰੁਪਏ ਦਾ 'ਸੁਪਨਮਈ ਪ੍ਰੋਜੈਕਟ'
ਅਜੀਤ ਡੈਸਕ
03-02-2026
ਇਸ ਅਹਿਮ ਯੋਜਨਾ ਸੰਬੰਧੀ ਕੀ ਕਹਿਣਾ ਹੈ ਪਿੰਡਾਂ ਦੇ ਕਿਸਾਨਾਂ ਦਾ
ਜ਼ਿਲ੍ਹਾ ਮਲੇਰਕੋਟਲਾ ਦੇ ਖੇਤਾਂ ਨੂੰ ਮਹਾਂ ਪ੍ਰੋਜੈਕਟ ਰਾਹੀਂ ਦਿੱਤੇ ਜਾ ਰਹੇ ਨਹਿਰੀ ਪਾਣੀ ਸਬੰਧੀ ਕਿਸਾਨਾਂ ਨੇ ਆਖਿਆ ਕਿ ਜੇਕਰ ਇਸ ਨੂੰ ਪੂਰੇ ਪਾਰਦਰਸ਼ੀ ਤੇ ਸੁਚੱਜੇ ਢੰਗ ਨਾਲ ਨੇਪਰੇ ਚਾੜਿਆ ਜਾਵੇ ਤਾਂ ਇਹ ਵੱਡੀ ਯੋਜਨਾ ਜ਼ਿਲ੍ਹੇ ਦੇ 'ਖੇਤੀ ਸੈਕਟਰ ਦੀ ਤਕਦੀਰ' ਬਦਲਣ ਦੇ ਸਮਰੱਥ ਹੋਵੇਗੀ | ਕਿਉਂਕਿ ਜ਼ਿਲ੍ਹਾ ਮਲੇਰਕੋਟਲਾ ਦੇ ਅੰਦਰ ਧਰਤੀ ਹੇਠਲਾ ਪਾਣੀ ਬੇਹੱਦ ਖ਼ਤਰਨਾਕ ਸਥਿਤੀ ਵਿਚ ਪਹੁੰਚਿਆ ਹੋਣ ਕਰ ਕੇ ਕਿਸਾਨ ਵਰਗ ਤੋਂ ਇਲਾਵਾ ਬਾਕੀ ਵਰਗਾਂ ਨੂੰ ਵੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ |
