ਸੁਨਾਮ ਊਧਮ ਸਿੰਘ ਵਾਲਾ, 25 ਫਰਵਰੀ (ਭੁੱਲਰ, ਧਾਲੀਵਾਲ) - ਉੱਤਰੀ ਰੇਲਵੇ ਦੇ ਅੰਬਾਲਾ ਡਵੀਜ਼ਨ ਤਹਿਤ ਆਉਂਦੇ ਧੂਰੀ ਜੰਕਸ਼ਨ 'ਤੇ ਲਾਈਨ ਨੰਬਰ3,4 ਅਤੇ 5 'ਤੇ ਬਲਾਕ ਹੋਣ ਅਤੇ ਪ੍ਰੀ-ਨਾਨ-ਇੰਟਰਲੋਕਿੰਗ ਤੇ ਨਾਨ-ਇੰਟਰਲੋਕਿੰਗ ਕੰਮਾਂ ਕਾਰਨ ਰੋਹਤਕ ਤੋਂ ਲੋਗੇ ਜਾਣ ਵਾਲੀਆਂ ਰੇਲ ਗੱਡੀਆਂ ਬਦਲਵੇਂ ਰੂਟ ਜਾਖਲ-ਮਾਨਸਾ-ਬਠਿੰਡਾ ਦੀ ਬਜਾਏ ਅੱਜ ਤੋਂ ਮੁੜ ਜਾਖਲ-ਧੂਰੀ-ਲੁਧਿਆਣਾ ਦੇ ਰਸਤੇ ਚੱਲ ਪਈਆਂ ਹਨ | ਸੁਨਾਮ ਊਧਮ ਸਿੰਘ ਵਾਲਾ ਰੇਲਵੇ ਸਟੇਸ਼ਨ ਦੇ ਸੁਪਰਡੈਂਟ ਕੈਲਾਸ਼ ਚੰਦਰ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਜਾਖਲ- ਲੁਧਿਆਣਾ ਬਰਾਸਤਾ ਸੁਨਾਮ, ਧੂਰੀ ਮਲੇਰਕੋਟਲਾ ਹੋਕੇ ਜਾਣ ਵਾਲੀਆਂ ਮੇਲ ਅਤੇ ਪੈਸੇਂਜਰ ਗੱਡੀਆਂ ਜੋ ਦਸੰਬਰ ਮਹੀਨੇ ਤੋਂ ਬੰਦ ਸਨ | ਅੱਜ ਤੋਂ ਇਸ ਰਸਤੇ ਜਾਣ ਵਾਲੀਆਂ ਸਾਰੀਆਂ ਹੀ ਰੇਲ ਗੱਡੀਆਂ ਮੁੜ ਚੱਲ ਪਈਆਂ ਹਨ ਜਦੋਂ ਕਿ ਇਨ੍ਹਾਂ 'ਚ ਕੁੱਝ ਰੇਲ ਗੱਡੀਆਂ ਕਈ ਦਿਨ ਪਹਿਲਾਂ ਹੀ ਚੱਲ ਚੁੱਕੀਆਂ ਹਨ | ਜ਼ਿਕਰਯੋਗ ਹੈ ਕਿ ਬੰਦ ਪਈਆਂ ਗੱਡੀਆਂ ਚੱਲਣ ਨਾਲ ਸ਼ਹਿਰ ਅਤੇ ਇਲਾਕਾ ਵਾਸੀਆਂ ਨੇ ਰਾਹਤ ਮਹਿਸੂਸ ਕੀਤੀ ਹੈ ਕਿਉਂਕਿ ਬੱਸ ਸਫ਼ਰ ਮਹਿੰਗਾ ਹੋਣ ਕਾਰਨ ਲੋਕ ਕਾਫੀ ਪ੍ਰੇਸ਼ਾਨ ਹੋ ਰਹੇ ਸਨ |
