ਚੀਮਾ ਮੰਡੀ, 19 ਅਪ੍ਰੈਲ (ਗੁਰਜੀਤ ਸਿੰਘ ਚਹਿਲ)-ਇਲਾਕੇ ਦੇ ਨਾਮਵਰ ਸਕੂਲ ਸਰਸਵਤੀ ਵਿੱਦਿਆ ਮੰਦਿਰ ਸੈਕੰਡਰੀ ਸਕੂਲ ਚੀਮਾ ਮੰਡੀ ਦਾ ਨਤੀਜਾ ਸ਼ਾਨਦਾਰ ਰਿਹਾ | ਜਾਣਕਾਰੀ ਦਿੰਦਿਆਂ ਸਕੂਲ ਪ੍ਰਬੰਧਕਾ ਨੇ ਦੱਸਿਆ ਕਿ ਸਕੂਲ ਦੇ 86% ਵਿਦਿਆਰਥੀਆਂ ਨੇ ਫ਼ਸਟ ਡਿਵੀਜ਼ਨ 'ਚ ਦਸਵੀਂ ਬੋਰਡ ਦੀ ਪ੍ਰੀਖਿਆ ਪਾਸ ਕੀਤੀ ਹੈ, ਜਿਸ 'ਚੋ ਦੁਰਲਭਮੀਤ ਇੰਸਾ ਨੇ ਪਹਿਲੀ ਪੁਜ਼ੀਸ਼ਨ, ਹੁਸਨ ਗੋਇਲ ਨੇ ਦੂਸਰੀ ਪੁਜ਼ੀਸ਼ਨ, ਕਮਲਦੀਪ ਕੌਰ ਨੇ ਤੀਸਰੀ ਪੁਜ਼ੀਸ਼ਨ ਪ੍ਰਾਪਤ ਕੀਤੀ ਹੈ | ਸਕੂਲ ਪ੍ਰਬੰਧਕਾ ਅਤੇ ਸਕੂਲ ਸਟਾਫ਼ ਵੱਲੋਂ ਵਿਦਿਆਰਥੀਆਂ ਨੂੰ ਸ਼ਾਨਦਾਰ ਸਨਮਾਨ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਮੈਡਮ ਕਮਲ ਗੋਇਲ, ਜੋਸ਼ੀ ਮੋਨ, ਸ਼ਬੀਨਾ ਮੈਡਮ, ਗੁਰਜੰਟ ਕੌਰ, ਕਮਲੇਸ਼ ਰਾਣੀ, ਰਮਨਦੀਪ ਕੌਰ, ਮਨਮੀਤ ਕੌਰ, ਗੁਰਪ੍ਰੀਤ ਕੌਰ, ਡੀਪੀ ਗਗਨਪ੍ਰੀਤ ਸਿੰਘ, ਕੋਚ ਸ਼ਿਵ ਕੁਮਾਰ ਆਦਿ ਸਕੂਲ ਅਧਿਆਪਕ ਮੌਜੂਦ ਸਨ |
