ਸੁਨਾਮ ਊਧਮ ਸਿੰਘ ਵਾਲਾ, 25 ਅਪ੍ਰੈਲ (ਧਾਲੀਵਾਲ, ਭੁੱਲਰ, ਸੱਗੂ)-ਭਾਰਤ ਵਿਕਾਸ ਪ੍ਰੀਸ਼ਦ ਸੁਨਾਮ ਦੀ ਜਨਰਲ ਬਾਡੀ ਮੀਟਿੰਗ ਸਥਾਨਕ ਸ਼ਿਵ ਨਿਕੇਤਨ ਧਰਮਸ਼ਾਲਾ ਦੇ ਮੀਟਿੰਗ ਹਾਲ ਵਿਖੇ ਹੋਈ | ਇਸ ਮੀਟਿੰਗ ਵਿੱਚ ਸੰਸਥਾ ਦੇ ਮੈਂਬਰਾਂ ਵੱਲੋਂ ਸਾਲ 2026-27 ਲਈ ਨਵੇਂ ਸਮਾਜਸੇਵੀ ਕਾਰਜ ਅਤੇ ਯੋਜਨਾਵਾਂ ਉਲੀਕੀਆਂ ਗਈਆਂ | ਪ੍ਰੀਸ਼ਦ ਦੀਆਂ ਭਵਿੱਖ ਵਿਚ ਗਤੀਵਿਧੀਆਂ ਤੇਜ ਕਰਨ ਲਈ ਇੱਕਜੁੱਟ ਹੋਕੇ ਸੰਕਲਪ ਵੀ ਲਿਆ ਗਿਆ | ਇਸ ਸਮੇਂ ਪ੍ਰੀਸ਼ਦ ਦੇ ਸੀਨੀਅਰ ਮੈਂਬਰ ਰਾਜਨ ਸਿੰਗਲਾ ਨੂੰ ਰੋਟਰੀ ਕਲੱਬ ਸੁਨਾਮ ਦੇ ਪ੍ਰਧਾਨ ਚੁਣੇ ਜਾਣ 'ਤੇ ਵਧਾਈ ਦਿੱਤੀ ਗਈ ਅਤੇ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਐਡਵੋਕੇਟ ਰਵਿੰਦਰ ਭਾਰਦਵਾਜ, ਅਮਿਤ ਡੋਗਰਾ, ਬਲਵਿੰਦਰ ਬਾਂਸਲ, ਐਡਵੋਕੇਟ ਸਾਹਿਲ, ਵੇਦ ਕਪੂਰ, ਭੂਸ਼ਨ ਕਾਂਸਲ, ਸੁਰੇਸ਼ ਕੁਮਾਰ, ਵਿਪਨ ਜੈਨ, ਹਰਿਮ ਸ਼ਰਮਾ, ਅਜੀਤ ਗੋਇਲ, ਪ੍ਰਭਾਤ ਜਿੰਦਲ, ਗਿਆਨ ਚੰਦ ਸਿੰਗਲਾ, ਰਿੰਕੂ ਗਰਗ, ਸੰਦੀਪ ਗੋਇਲ, ਰਾਹੁਲ ਜੈਨ, ਅਨਿਲ ਜੈਨ ਅਤੇ ਪਿ੍ੰਸੀਪਲ ਸੰਜੀਵ ਜਿੰਦਲ ਆਦਿ ਮੌਜੂਦ ਸਨ |
