ਸ਼ਹਿਣਾ, 28 ਜੁਲਾਈ (ਸੁਰੇਸ਼ ਗੋਗੀ)-ਸ਼ਹਿਣਾ ਵਿਖੇ ਸੈਂਪਲ ਭਰਨ ਆਈ ਟੀਮ ਦੀ ਅਫ਼ਵਾਹ ਉੱਡਣ ਕਾਰਨ ਕਈ ਘੰਟੇ ਬਾਜ਼ਾਰ ਦੀਆਂ ਦੁਕਾਨਾਂ ਬੰਦ ਰਹੀਆਂ। ਜਿਕਰਯੋਗ ਹੈ ਕਿ ਦੁਪਹਿਰ ਸਮੇਂ ਦੁਕਾਨਦਾਰਾਂ ਨੇ ਦੁਕਾਨਾਂ ਦੇ ਸ਼ਟਰ ਸੁੱਟਣੇ ਸ਼ੁਰੂ ਕਰ ਦਿੱਤੇ ਜਿਨ੍ਹਾਂ ਵਿਚ ਜ਼ਿਆਦਾਤਰ ਦੁਕਾਨਾਂ ਪਰਚੂਨ ਦੀਆਂ ਸਨ। ਦੁਕਾਨਦਾਰਾਂ ਨੂੰ ਸਿਰਫ਼ ਫ਼ੋਨ ਰਾਹੀਂ ਇਸ ਫੈਲੀ ਅਫ਼ਵਾਹ ਬਾਰੇ ਪਤਾ ਚੱਲਿਆ। ਤਕਰੀਬਨ ਘੰਟੇ ਬਾਅਦ ਦੁਪਹਿਰ ਹੌਲੀ-ਹੌਲੀ ਪਰਚੂਨ ਦੀਆਂ ਅਤੇ ਹੋਰ ਖਾਣ ਪੀਣ ਦੀਆਂ ਦੁਕਾਨਾਂ ਖੁੱਲ੍ਹਣੀਆਂ ਸ਼ੁਰੂ ਹੋ ਗਈਆਂ।
