ਬਿਜਲੀ ਟਰਾਂਸਫਾਰਮ ‘ਤੇ ਚੜ੍ਹੀ ਕਾਟੋ ਦੇ ਪਾਏ ਨੁਕਸ ਨੇ ਬਿਜਲੀ ਮੁਲਾਜ਼ਮ ਭੰਬਲ ਭੂਸੇ ‘ਚ ਪਾਏ, ਸ਼ਹਿਰ ਦੀ ਬਿਜਲੀ ਪੰਜ ਘੰਟੇ ਰਹੀ ਬੰਦ

ਮੂਨਕ, 28 ਅਗਸਤ (ਵਰਿੰਦਰ ਭਾਰਦਵਾਜ) - ਬਿਜਲੀ ਦੇ ਟਰਾਂਸਫਾਰਮ ਤੇ ਇੱਕ ਛੋਟੀ ਜਿਹੀ ਕਾਟੋ ਨੇ ਬਿਜਲੀ ਟਰਾਂਸਫਾਰਮ ਤੇ ਚੜ੍ਹ ਕੇ ਪਾਏ ਨੁਕਸ ਨੇ ਜਿੱਥੇ ਬਿਜਲੀ ਮੁਲਾਜ਼ਮਾਂ ਨੂੰ ਭੰਬਲ ਭੂਸੇ ‘ਚ ਪਾਇਆ ਉੱਥੇ ਹੀ ਸ਼ਹਿਰ ਦੀ ਬਿਜਲੀ ਪੰਜ ਘੰਟੇ ਬੰਦ ਰਹੀ ਅਤੇ ਬੜੇ ਮਸ਼ੱਕਤ ਨਾਲ ਬਿਜਲੀ ਵਿਭਾਗ ਦੇ ਕਰਮਚਾਰੀਆਂ ਨੇ ਸ਼ਹਿਰ ਦੀ ਬਿਜਲੀ ਸਪਲਾਈ ਬਹਾਲ ਕੀਤੀ, ਪਵਿੱਤਰ ਰੱਖੜੀ ਦੇ ਤਿਉਹਾਰ ਵਾਲੇ ਦਿਨ ਸ਼ਹਿਰ ਵਾਸੀਆਂ ਨੂੰ ਕਹਿਰ ਦੀ ਗਰਮੀ ਅਤੇ ਪੀਣ ਵਾਲੇ ਪਾਣੀ ਦੀ ਸਪਲਾਈ ਪ੍ਰਭਾਵਿਤ ਹੋਣ ਦਾ ਸਾਹਮਣਾ ਕਰਨਾ ਪਿਆ ਅਤੇ ਸ਼ਹਿਰ ਦੀ ਬਿਜਲੀ ਸਪਲਾਈ ਸਵੇਰੇ 10 ਵਜੇ ਤੋਂ ਦੁਪਹਿਰ 3 ਵਜੇ ਤੱਕ ਕਰੀਬ ਪੰਜ ਘੰਟੇ ਬੰਦ ਰਹੀ। ਜਦੋਂ ਗਰਿਡ ਵਿੱਚ ਜਾ ਕੇ ਦੇਖਿਆ ਤਾਂ ਉੱਥੇ ਕੋਈ ਵੀ ਟੈਕਨੀਕਲ ਸਟਾਫ ਜਾਂ ਸ਼ਹਿਰ ਦੇ ਜੇਈ ਵੀ ਨਜਰ ਨਹੀਂ ਆਇਆ ਜਦਕਿ ਹੇਠਲਾ ਸਟਾਫ ਬਿਜਲੀ ਸਪਲਾਈ ਦਾ ਨੁਕਸ ਕੱਢਣ ਲਈ ਆਪਣੀ ਸਮਝ ਅਨੁਸਾਰ ਭੱਜ ਨੱਠ ਵਿਚ ਲੱਗਿਆ ਹੋਇਆ ਸੀ।